पत्रिणः शितधारास् ते शरा मत्कार्मुकच्युताः । आदास्यन्ते ऽद्य सौमित्रे जीवितं जीवितान्तगाः ॥
अद्य गोमायुसंघाश् च श्येनसंघाश् च लक्ष्मण । गृध्राश् च निपतन्तु त्वां गतासुं निहतं मया ॥
क्षत्रबन्धुः सदानार्यो रामः परमदुर्मतिः । भक्तं भ्रातरम् अद्यैव त्वां द्रक्ष्यति मया हतम् ॥
विशस्तकवचं भूमौ व्यपविद्धशरासनम् । हृतोत्तमाङ्गं सौमित्रे त्वाम् अद्य निहतं मया ॥
इति ब्रुवाणं संरब्धं परुषं रावणात्मजम् । हेतुमद्वाक्यम् अत्यर्थं लक्ष्मणः प्रत्युवाच ह ॥
अकृत्वा कत्थसे कर्म किमर्थम् इह राक्षस । कुरु तत् कर्म येनाहं श्रद्दध्यां तव कत्थनम् ॥
अनुक्त्वा परुषं वाक्यं किं चिद् अप्य् अनवक्षिपन् । अविकत्थन् वधिष्यामि त्वां पश्य पुरुषादन ॥
इत्य् उक्त्वा पञ्चनाराचान् आकर्णापूरिताञ् शरान् । निचखान महावेगांल् लक्ष्मणो राक्षसोरसि ॥
स शरैर् आहतस् तेन सरोषो रावणात्मजः । सुप्रयुक्तैस् त्रिभिर् बाणैः प्रतिविव्याध लक्ष्मणम् ॥
patriṇaḥ śitadhārās te śarā matkārmukacyutāḥ | ādāsyante 'dya saumitre jīvitaṃ jīvitāntagāḥ ||
adya gomāyusaṃghāś ca śyenasaṃghāś ca lakṣmaṇa | gṛdhrāś ca nipatantu tvāṃ gatāsuṃ nihataṃ mayā ||
kṣatrabandhuḥ sadānāryo rāmaḥ paramadurmatiḥ | bhaktaṃ bhrātaram adyaiva tvāṃ drakṣyati mayā hatam ||
viśastakavacaṃ bhūmau vyapaviddhaśarāsanam | hṛtottamāṅgaṃ saumitre tvām adya nihataṃ mayā ||
iti bruvāṇaṃ saṃrabdhaṃ paruṣaṃ rāvaṇātmajam | hetumadvākyam atyarthaṃ lakṣmaṇaḥ pratyuvāca ha ||
akṛtvā katthase karma kimartham iha rākṣasa | kuru tat karma yenāhaṃ śraddadhyāṃ tava katthanam ||
anuktvā paruṣaṃ vākyaṃ kiṃ cid apy anavakṣipan | avikatthan vadhiṣyāmi tvāṃ paśya puruṣādana ||
ity uktvā pañcanārācān ākarṇāpūritāñ śarān | nicakhāna mahāvegāṃl lakṣmaṇo rākṣasorasi ||
sa śarair āhatas tena saroṣo rāvaṇātmajaḥ | suprayuktais tribhir bāṇaiḥ prativivyādha lakṣmaṇam ||
«Эти оперённые и остролезвийные стрелы, сорвавшиеся с моего лука, сегодня заберут твою жизнь, Саумитри; они идут к концу жизни. Сегодня стаи шакалов, стаи ястребов и грифы пусть налетят на тебя, Лакшмана, бездыханного и убитого мной. Крайне дурной умом Рама, недостойный кшатрий и всегда неблагородный, сегодня же увидит тебя, своего преданного брата, убитым мной. Саумитри, сегодня он увидит тебя на земле с рассечённым панцирем, отброшенным луком и отнятой головой». На эти грубые слова возбуждённого сына Раваны Лакшмана ответил весьма обоснованной речью: «Зачем ты хвастаешься здесь, ракшас, не сделав дела? Сделай то дело, от которого я поверю твоему хвастовству. А я, не говоря грубых слов, не бросая даже малейшего оскорбления и не хвастаясь, убью тебя. Смотри, людоед». Сказав так, Лакшмана вонзил в грудь ракшаса пять стремительных нарач, натянутых до уха. Поражённый этими стрелами, разгневанный сын Раваны в ответ пронзил Лакшману тремя хорошо выпущенными стрелами.
c58c82f073be · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Лакшмана снова возвращает разговор к делу. Он не соревнуется в оскорблениях: его ответ — точные стрелы, потому что правое действие сильнее громких угроз.