युधिष्ठिर उवाच
सहदेव कथं तस्य समीपे विहरिष्यसि ॥
किं वा त्वं तात कुर्वाणः प्रच्छन्नो विचरिष्यसि ॥
सहदेव उवाच
गोसंख्याता भविष्यामि विराटस्य महीपतेः ॥
प्रतिषेद्धा च दोग्धा च संख्याने कुशलो गवाम् ॥
तन्तिपाल इति ख्यातो नाम्ना विदितम् अस्तु ते ॥
निपुणं च चरिष्यामि व्येतु ते मानसो ज्वरः ॥
अहं हि भवता गोषु सततं प्रकृतः पुरा ॥
तत्र मे कौशलं कर्म अवबुद्धं विशां पते ॥
लक्षणं चरितं चापि गवां यच् चापि मङ्गलम् ॥
तत् सर्वं मे सुविदितम् अन्यच् चापि महीपते ॥
वृषभान् अपि जानामि राजन् पूजितलक्षणान् ॥
येषां मूत्रम् उपाघ्राय अपि वन्ध्या प्रसूयते ॥
सो ऽहम् एवं चरिष्यामि प्रीतिर् अत्र हि मे सदा ॥
न च मां वेत्स्यति परस् तत् ते रोचतु पार्थिव ॥
yudhiṣṭhira uvāca
sahadeva kathaṃ tasya samīpe vihariṣyasi ||
kiṃ vā tvaṃ tāta kurvāṇaḥ pracchanno vicariṣyasi ||
sahadeva uvāca
gosaṃkhyātā bhaviṣyāmi virāṭasya mahīpateḥ ||
pratiṣeddhā ca dogdhā ca saṃkhyāne kuśalo gavām ||
tantipāla iti khyāto nāmnā viditam astu te ||
nipuṇaṃ ca cariṣyāmi vyetu te mānaso jvaraḥ ||
ahaṃ hi bhavatā goṣu satataṃ prakṛtaḥ purā ||
tatra me kauśalaṃ karma avabuddhaṃ viśāṃ pate ||
lakṣaṇaṃ caritaṃ cāpi gavāṃ yac cāpi maṅgalam ||
tat sarvaṃ me suviditam anyac cāpi mahīpate ||
vṛṣabhān api jānāmi rājan pūjitalakṣaṇān ||
yeṣāṃ mūtram upāghrāya api vandhyā prasūyate ||
so 'ham evaṃ cariṣyāmi prītir atra hi me sadā ||
na ca māṃ vetsyati paras tat te rocatu pārthiva ||
Юдхиштхира спросил: «Сахадева, как ты будешь жить рядом с ним? Что ты будешь делать, дорогой, скрыто переходя с места на место?» Сахадева ответил: «Я стану у царя Вираты учётчиком коров, их защитником и доильщиком; я искусен в счёте коров. Пусть тебе будет известно: я буду известен под именем Тантипала. Я буду действовать умело, пусть жар твоей тревоги уйдёт. Прежде ты постоянно ставил меня при коровах, владыка людей; я понял это дело. Признаки коров, их поведение и то, что приносит им благо, всё это мне хорошо известно, и многое другое тоже. Я знаю и быков с почитаемыми признаками: стоит бесплодной корове понюхать их мочу, как она рождает. Так я буду жить; мне всегда радостно это дело. Никто другой меня не узнает; пусть это будет тебе по сердцу, царь».
48d8b0a96227 · опубликовано 16 июл. 2026 г., 17:58:59 UTC
Доступно наRUENЛистайте стихи клавишами
Сахадева берёт на себя заботу о коровах, и это не случайная работа. В ведическом порядке коровы связаны с достатком, жертвой и мирной жизнью; охранять их значит поддерживать основу благополучия.