जनमेजय उवाच
एवं मत्स्यस्य नगरे वसन्तस् तत्र पाण्डवाः ॥
अत ऊर्ध्वं महावीर्याः किम् अकुर्वन्त वै द्विज ॥
वैशंपायन उवाच
एवं ते न्यवसंस् तत्र प्रच्छन्नाः कुरुनन्दनाः ॥
आराधयन्तो राजानं यद् अकुर्वन्त तच् छृणु ॥
युधिष्ठिरः सभास्तारः सभ्यानाम् अभवत् प्रियः ॥
तथैव च विराटस्य सपुत्रस्य विशां पते ॥
स ह्य् अक्षहृदयज्ञस् तान् क्रीडयाम् आस पाण्डवः ॥
अक्षवत्यां यथाकामं सूत्रबद्धान् इव द्विजान् ॥
अज्ञातं च विराटस्य विजित्य वसु धर्मराट् ॥
भ्रातृभ्यः पुरुषव्याघ्रो यथार्हं स्म प्रयच्छति ॥
भीमसेनो ऽपि मांसानि भक्ष्याणि विविधानि च ॥
अतिसृष्टानि मत्स्येन विक्रीणाति युधिष्ठिरे ॥
वासांसि परिजीर्णानि लब्धान्य् अन्तःपुरे ऽर्जुनः ॥
विक्रीणानश् च सर्वेभ्यः पाण्डवेभ्यः प्रयच्छति ॥
सहदेवो ऽपि गोपानां वेषम् आस्थाय पाण्डवः ॥
दधि क्षीरं घृतं चैव पाण्डवेभ्यः प्रयच्छति ॥
नकुलो ऽपि धनं लब्ध्वा कृते कर्मणि वाजिनाम् ॥
तुष्टे तस्मिन् नरपतौ पाण्डवेभ्यः प्रयच्छति ॥
कृष्णापि सर्वान् भ्रातॄंस् तान् निरीक्षन्ती तपस्विनी ॥
यथा पुनर् अविज्ञाता तथा चरति भामिनी ॥
एवं संपादयन्तस् ते तथान्योन्यं महारथाः ॥
प्रेक्षमाणास् तदा कृष्णाम् ऊषुश् छन्ना नराधिप ॥
janamejaya uvāca
evaṃ matsyasya nagare vasantas tatra pāṇḍavāḥ ||
ata ūrdhvaṃ mahāvīryāḥ kim akurvanta vai dvija ||
vaiśaṃpāyana uvāca
evaṃ te nyavasaṃs tatra pracchannāḥ kurunandanāḥ ||
ārādhayanto rājānaṃ yad akurvanta tac chṛṇu ||
yudhiṣṭhiraḥ sabhāstāraḥ sabhyānām abhavat priyaḥ ||
tathaiva ca virāṭasya saputrasya viśāṃ pate ||
sa hy akṣahṛdayajñas tān krīḍayām āsa pāṇḍavaḥ ||
akṣavatyāṃ yathākāmaṃ sūtrabaddhān iva dvijān ||
ajñātaṃ ca virāṭasya vijitya vasu dharmarāṭ ||
bhrātṛbhyaḥ puruṣavyāghro yathārhaṃ sma prayacchati ||
bhīmaseno 'pi māṃsāni bhakṣyāṇi vividhāni ca ||
atisṛṣṭāni matsyena vikrīṇāti yudhiṣṭhire ||
vāsāṃsi parijīrṇāni labdhāny antaḥpure 'rjunaḥ ||
vikrīṇānaś ca sarvebhyaḥ pāṇḍavebhyaḥ prayacchati ||
sahadevo 'pi gopānāṃ veṣam āsthāya pāṇḍavaḥ ||
dadhi kṣīraṃ ghṛtaṃ caiva pāṇḍavebhyaḥ prayacchati ||
nakulo 'pi dhanaṃ labdhvā kṛte karmaṇi vājinām ||
tuṣṭe tasmin narapatau pāṇḍavebhyaḥ prayacchati ||
kṛṣṇāpi sarvān bhrātṝṃs tān nirīkṣantī tapasvinī ||
yathā punar avijñātā tathā carati bhāminī ||
evaṃ saṃpādayantas te tathānyonyaṃ mahārathāḥ ||
prekṣamāṇās tadā kṛṣṇām ūṣuś channā narādhipa ||
Джанамеджая спросил: «Так Пандавы жили там, в городе Матсьи. Что дальше, о дваждырождённый, делали эти герои великой силы?» Вайшампаяна сказал: «Они жили там скрыто, потомки Куру. Послушай, что они делали, угождая царю. Юдхиштхира, придворный собеседник, стал дорог членам собрания и самому Вирате с его сыном. Зная сердце игры в кости, Пандава развлекал их на доске, словно птиц, привязанных нитью. Побеждая Вирата незаметно для него, царь Дхармы, тигр среди людей, по достоинству отдавал богатство братьям. Бхимасена продавал Юдхиштхире мясо и разные кушанья, отпущенные ему царём Матсьев. Арджуна продавал старые одежды, полученные во внутренних покоях, и отдавал всем Пандавам. Сахадева, приняв облик пастуха, давал Пандавам творог, молоко и масло. Накула, получив деньги за работу с конями и когда царь был доволен, отдавал их Пандавам. Кришна же, подвижница, глядя на всех братьев, ходила так, чтобы снова остаться неузнанной. Так великие колесничие поддерживали друг друга и жили скрыто, царь, всё время смотря на Кришну».
f5ff37a73374 · опубликовано 16 июл. 2026 г., 18:11:28 UTC
Доступно наRUENЛистайте стихи клавишами
Скрытая жизнь оказывается сетью взаимной поддержки. Каждый служит на своём месте, но добытое не присваивает себе: семья держится как единое тело.