वैशंपायन उवाच
अवियातो वियातस्य मौर्ख्याद् धूर्तस्य पश्यतः ॥
परिदेवयते मन्दः सकाशे सव्यसाचिनः ॥
त्रिगर्तान् मे पिता यातः शून्ये संप्रणिधाय माम् ॥
सर्वां सेनाम् उपादाय न मे सन्तीह सैनिकाः ॥
सो ऽहम् एको बहून् बालः कृतास्त्रान् अकृतश्रमः ॥
प्रतियोद्धुं न शक्ष्यामि निवर्तस्व बृहन्नडे ॥
अर्जुन उवाच
भयेन दीनरूपो ऽसि द्विषतां हर्षवर्धनः ॥
न च तावत् कृतं किं चित् परैः कर्म रणाजिरे ॥
स्वयम् एव च माम् आत्थ वह मां कौरवान् प्रति ॥
सो ऽहं त्वां तत्र नेष्यामि यत्रैते बहुला ध्वजाः ॥
मध्यम् आमिषगृध्राणां कुरूणाम् आततायिनाम् ॥
नेष्यामि त्वां महाबाहो पृथिव्याम् अपि युध्यताम् ॥
तथा स्त्रीषु प्रतिश्रुत्य पौरुषं पुरुषेषु च ॥
कत्थमानो ऽभिनिर्याय किमर्थं न युयुत्ससे ॥
न चेद् विजित्य गास् तास् त्वं गृहान् वै प्रतियास्यसि ॥
प्रहसिष्यन्ति वीर त्वां नरा नार्यश् च संगताः ॥
अहम् अप्य् अत्र सैरन्ध्र्या स्तुतः सारथ्यकर्मणि ॥
न हि शक्ष्याम्य् अनिर्जित्य गाः प्रयातुं पुरं प्रति ॥
स्तोत्रेण चैव सैरन्ध्र्यास् तव वाक्येन तेन च ॥
कथं न युध्येयम् अहं कुरून् सर्वान् स्थिरो भव ॥
vaiśaṃpāyana uvāca
aviyāto viyātasya maurkhyād dhūrtasya paśyataḥ ||
paridevayate mandaḥ sakāśe savyasācinaḥ ||
trigartān me pitā yātaḥ śūnye saṃpraṇidhāya mām ||
sarvāṃ senām upādāya na me santīha sainikāḥ ||
so 'ham eko bahūn bālaḥ kṛtāstrān akṛtaśramaḥ ||
pratiyoddhuṃ na śakṣyāmi nivartasva bṛhannaḍe ||
arjuna uvāca
bhayena dīnarūpo 'si dviṣatāṃ harṣavardhanaḥ ||
na ca tāvat kṛtaṃ kiṃ cit paraiḥ karma raṇājire ||
svayam eva ca mām āttha vaha māṃ kauravān prati ||
so 'haṃ tvāṃ tatra neṣyāmi yatraite bahulā dhvajāḥ ||
madhyam āmiṣagṛdhrāṇāṃ kurūṇām ātatāyinām ||
neṣyāmi tvāṃ mahābāho pṛthivyām api yudhyatām ||
tathā strīṣu pratiśrutya pauruṣaṃ puruṣeṣu ca ||
katthamāno 'bhiniryāya kimarthaṃ na yuyutsase ||
na ced vijitya gās tās tvaṃ gṛhān vai pratiyāsyasi ||
prahasiṣyanti vīra tvāṃ narā nāryaś ca saṃgatāḥ ||
aham apy atra sairandhryā stutaḥ sārathyakarmaṇi ||
na hi śakṣyāmy anirjitya gāḥ prayātuṃ puraṃ prati ||
stotreṇa caiva sairandhryās tava vākyena tena ca ||
kathaṃ na yudhyeyam ahaṃ kurūn sarvān sthiro bhava ||
Вайшампаяна сказал: «Этот глупец, неопытный рядом с опытным, по неразумию и на глазах у мудрого, жаловался рядом с Савьясачином: “Мой отец ушёл к тригартам, оставив меня в пустом городе, взяв всё войско; здесь нет моих воинов. Я один, юный, не обученный трудом, не смогу противостоять многим, владеющим оружием. Поверни назад, Бриханнада”. Арджуна сказал: “Ты стал жалким от страха и увеличиваешь радость врагов, хотя враги ещё ничего не сделали на поле битвы. Ты сам сказал мне: ‘Вези меня к Кауравам’. Так я поведу тебя туда, где эти многочисленные стяги. В середину Куру, жадных до добычи и нападающих, я поведу тебя, могучерукий, даже если они будут сражаться со всей землёй. Обещав так среди женщин и среди мужчин, выйдя с хвастовством, почему ты не хочешь сражаться? Если ты не победишь и не вернёшь этих коров домой, герой, собравшиеся мужчины и женщины будут смеяться над тобой. И я здесь был восхвалён Саира́ндхри в деле возничества; не победив коров, я не смогу отправиться назад в город. Из-за похвалы Саира́ндхри и из-за того твоего слова как мне не сражаться со всеми Куру? Будь твёрд”».
1467db09a9a1 · опубликовано 16 июл. 2026 г., 18:23:49 UTC
Доступно наRUENЛистайте стихи клавишами
Арджуна лечит страх Уттары не лаской, а правдой. Он возвращает юношу к собственным словам, потому что обещание должно стать опорой, а не украшением речи.