वैशंपायन उवाच
स राजधान्या निर्याय वैराटिः पृथिवींजयः ॥
प्रयाहीत्य् अब्रवीत् सूतं यत्र ते कुरवो गताः ॥
समवेतान् कुरून् यावज् जिगीषून् अवजित्य वै ॥
गाश् चैषां क्षिप्रम् आदाय पुनर् आयामि स्वं पुरम् ॥
ततस् तांश् चोदयाम् आस सदश्वान् पाण्डुनन्दनः ॥
ते हया नरसिंहेन चोदिता वातरंहसः ॥
आलिखन्त इवाकाशम् ऊहुः काञ्चनमालिनः ॥
नातिदूरम् अथो यात्वा मत्स्यपुत्रधनंजयौ ॥
अवेक्षेताम् अमित्रघ्नौ कुरूणां बलिनां बलम् ॥
श्मशानम् अभितो गत्वा आससाद कुरून् अथ ॥
तद् अनीकं महत् तेषां विबभौ सागरस्वनम् ॥
सर्पमाणम् इवाकाशे वनं बहुलपादपम् ॥
ददृशे पार्थिवो रेणुर् जनितस् तेन सर्पता ॥
दृष्टिप्रणाशो भूतानां दिवस्पृङ् नरसत्तम ॥
तद् अनीकं महद् दृष्ट्वा गजाश्वरथसंकुलम् ॥
कर्णदुर्योधनकृपैर् गुप्तं शांतनवेन च ॥
द्रोणेन च सपुत्रेण महेष्वासेन धीमता ॥
हृष्टरोमा भयोद्विग्नः पार्थं वैराटिर् अब्रवीत् ॥
नोत्सहे कुरुभिर् योद्धुं रोमहर्षं हि पश्य मे ॥
बहुप्रवीरम् अत्युग्रं देवैर् अपि दुरासदम् ॥
प्रतियोद्धुं न शक्ष्यामि कुरुसैन्यम् अनन्तकम् ॥
नाशंसे भारतीं सेनां प्रवेष्टुं भीमकार्मुकाम् ॥
रथनागाश्वकलिलां पत्तिध्वजसमाकुलाम् ॥
दृष्ट्वैव हि परान् आजाव् आत्मा प्रव्यथतीव मे ॥
यत्र द्रोणश् च भीष्मश् च कृपः कर्णो विविंशतिः ॥
अश्वत्थामा विकर्णश् च सोमदत्तो ऽथ बाह्लिकः ॥
दुर्योधनस् तथा वीरो राजा च रथिनां वरः ॥
द्युतिमन्तो महेष्वासाः सर्वे युद्धविशारदाः ॥
दृष्ट्वैव हि कुरून् एतान् व्यूढानीकान् प्रहारिणः ॥
हृषितानि च रोमाणि कश्मलं चागतं मम ॥
vaiśaṃpāyana uvāca
sa rājadhānyā niryāya vairāṭiḥ pṛthivīṃjayaḥ ||
prayāhīty abravīt sūtaṃ yatra te kuravo gatāḥ ||
samavetān kurūn yāvaj jigīṣūn avajitya vai ||
gāś caiṣāṃ kṣipram ādāya punar āyāmi svaṃ puram ||
tatas tāṃś codayām āsa sadaśvān pāṇḍunandanaḥ ||
te hayā narasiṃhena coditā vātaraṃhasaḥ ||
ālikhanta ivākāśam ūhuḥ kāñcanamālinaḥ ||
nātidūram atho yātvā matsyaputradhanaṃjayau ||
avekṣetām amitraghnau kurūṇāṃ balināṃ balam ||
śmaśānam abhito gatvā āsasāda kurūn atha ||
tad anīkaṃ mahat teṣāṃ vibabhau sāgarasvanam ||
sarpamāṇam ivākāśe vanaṃ bahulapādapam ||
dadṛśe pārthivo reṇur janitas tena sarpatā ||
dṛṣṭipraṇāśo bhūtānāṃ divaspṛṅ narasattama ||
tad anīkaṃ mahad dṛṣṭvā gajāśvarathasaṃkulam ||
karṇaduryodhanakṛpair guptaṃ śāṃtanavena ca ||
droṇena ca saputreṇa maheṣvāsena dhīmatā ||
hṛṣṭaromā bhayodvignaḥ pārthaṃ vairāṭir abravīt ||
notsahe kurubhir yoddhuṃ romaharṣaṃ hi paśya me ||
bahupravīram atyugraṃ devair api durāsadam ||
pratiyoddhuṃ na śakṣyāmi kurusainyam anantakam ||
nāśaṃse bhāratīṃ senāṃ praveṣṭuṃ bhīmakārmukām ||
rathanāgāśvakalilāṃ pattidhvajasamākulām ||
dṛṣṭvaiva hi parān ājāv ātmā pravyathatīva me ||
yatra droṇaś ca bhīṣmaś ca kṛpaḥ karṇo viviṃśatiḥ ||
aśvatthāmā vikarṇaś ca somadatto 'tha bāhlikaḥ ||
duryodhanas tathā vīro rājā ca rathināṃ varaḥ ||
dyutimanto maheṣvāsāḥ sarve yuddhaviśāradāḥ ||
dṛṣṭvaiva hi kurūn etān vyūḍhānīkān prahāriṇaḥ ||
hṛṣitāni ca romāṇi kaśmalaṃ cāgataṃ mama ||
Вайшампаяна сказал: «Выехав из столицы, Вайрати Притхивинджая сказал вознице: “Езжай туда, куда ушли Куру. Победив собравшихся Куру, желающих победить, я быстро заберу их коров и снова вернусь в свой город”. Тогда Пандунандана погнал этих добрых коней, и кони, понукаемые львом среди людей, быстрые как ветер и украшенные золотыми гирляндами, понесли их, словно чертя небо. Проехав недалеко, сын Матсьи и Дхананджая, истребители врагов, увидели войско сильных Куру, подойдя к кладбищу. То их огромное войско, звучащее как океан, сияло, словно лес с множеством деревьев, ползущий в небе. Земная пыль, поднятая этим движением, была видна, уничтожая зрение существ и касаясь неба, лучший из людей. Увидев это огромное войско, полное слонов, коней и колесниц, охраняемое Карной, Дурьодханой, Крипой и Шантанавой, а также Дроной с сыном, мудрым великим лучником, Вайрати, с поднявшимися волосами и встревоженный страхом, сказал Партхе: “Я не решаюсь сражаться с Куру; посмотри, как у меня встают волосы. Я не смогу противостоять бесконечному войску Куру, где много сильных героев, страшному и труднодоступному даже для богов. Не надеюсь войти в войско Бхаратов, грозное луками, спутанное колесницами, слонами и конями, наполненное пехотой и знамёнами. Уже при виде врагов в битве мой дух словно дрожит. Там Дрона, Бхишма, Крипа, Карна, Вивимшати, Ашваттхаман, Викарна, Сомадатта и Бахлика; там герой Дурьодхана, царь и лучший из колесничих, сияющие великие лучники, все знатоки войны. Уже при виде этих Куру, построенных и готовых бить, мои волосы поднялись и на меня нашло помрачение”».
2514db62369e · опубликовано 16 июл. 2026 г., 18:23:49 UTC
Доступно наRUENЛистайте стихи клавишами
Хвастовство Уттары разбивается о реальность. Вид настоящей силы Куру нужен ему как очищение: пока человек не увидит свой страх, он не сможет стать учеником.