उत्तर उवाच
आस्थाय विपुलं वीर रथं सारथिना मया ॥
कतमं यास्यसे ऽनीकम् उक्तो यास्याम्य् अहं त्वया ॥
अर्जुन उवाच
प्रीतो ऽस्मि पुरुषव्याघ्र न भयं विद्यते तव ॥
सर्वान् नुदामि ते शत्रून् रणे रणविशारद ॥
स्वस्थो भव महाबुद्धे पश्य मां शत्रुभिः सह ॥
युध्यमानं विमर्दे ऽस्मिन् कुर्वाणं भैरवं महत् ॥
एतान् सर्वान् उपासङ्गान् क्षिप्रं बध्नीहि मे रथे ॥
एतं चाहर निस्त्रिंशं जातरूपपरिष्कृतम् ॥
अहं वै कुरुभिर् योत्स्याम्य् अवजेष्यामि ते पशून् ॥
संकल्पपक्षविक्षेपं बाहुप्राकारतोरणम् ॥
त्रिदण्डतूणसंबाधम् अनेकध्वजसंकुलम् ॥
ज्याक्षेपणं क्रोधकृतं नेमीनिनददुन्दुभि ॥
नगरं ते मया गुप्तं रथोपस्थं भविष्यति ॥
अधिष्ठितो मया संख्ये रथो गाण्डीवधन्वना ॥
अजेयः शत्रुसैन्यानां वैराटे व्येतु ते भयम् ॥
uttara uvāca
āsthāya vipulaṃ vīra rathaṃ sārathinā mayā ||
katamaṃ yāsyase 'nīkam ukto yāsyāmy ahaṃ tvayā ||
arjuna uvāca
prīto 'smi puruṣavyāghra na bhayaṃ vidyate tava ||
sarvān nudāmi te śatrūn raṇe raṇaviśārada ||
svastho bhava mahābuddhe paśya māṃ śatrubhiḥ saha ||
yudhyamānaṃ vimarde 'smin kurvāṇaṃ bhairavaṃ mahat ||
etān sarvān upāsaṅgān kṣipraṃ badhnīhi me rathe ||
etaṃ cāhara nistriṃśaṃ jātarūpapariṣkṛtam ||
ahaṃ vai kurubhir yotsyāmy avajeṣyāmi te paśūn ||
saṃkalpapakṣavikṣepaṃ bāhuprākāratoraṇam ||
tridaṇḍatūṇasaṃbādham anekadhvajasaṃkulam ||
jyākṣepaṇaṃ krodhakṛtaṃ nemīninadadundubhi ||
nagaraṃ te mayā guptaṃ rathopasthaṃ bhaviṣyati ||
adhiṣṭhito mayā saṃkhye ratho gāṇḍīvadhanvanā ||
ajeyaḥ śatrusainyānāṃ vairāṭe vyetu te bhayam ||
Уттара сказал: «Взойдя на широкую колесницу, герой, со мной как возницей, к какому войску ты поедешь? Куда ты скажешь, туда я поеду». Арджуна сказал: «Я доволен, тигр среди людей; страха для тебя нет. Я отгоню всех твоих врагов в битве, знаток боя. Будь здоров умом, великоразумный, и смотри, как я сражаюсь с врагами в этой давке и совершаю великое страшное дело. Быстро привяжи к моей колеснице все эти колчаны и принеси этот меч, украшенный чистым золотом. Я буду сражаться с Куру и верну тебе коров. Под охраной моей колесничной площадки у тебя будет город: его крылья — решимость мысли, стены и ворота — мои руки, теснота — три древка колчанов, он полон многих стягов, его звук тетивы рождён гневом, а грохот колёс — барабан. Колесница, на которой я стою в битве, держа Гандиву, непобедима для вражеских войск, Вайрати; пусть твой страх уйдёт».
212afd9c1818 · опубликовано 16 июл. 2026 г., 18:23:49 UTC
Доступно наRUENЛистайте стихи клавишами
Арджуна превращает колесницу в образ защищённого города. Страх Уттары больше не должен искать стены снаружи: защита теперь там, где присутствует верный долгу воин.