तम् अब्रवीद् धर्मराजः प्रहस्य; विराटम् आर्तं कुरुभिः प्रतप्तम् ॥
बृहन्नडा सारथिश् चेन् नरेन्द्र; परे न नेष्यन्ति तवाद्य गास् ताः ॥
सर्वान् महीपान् सहितान् कुरूंश् च; तथैव देवासुरयक्षनागान् ॥
अलं विजेतुं समरे सुतस् ते; स्वनुष्ठितः सारथिना हि तेन ॥
अथोत्तरेण प्रहिता दूतास् ते शीघ्रगामिनः ॥
विराटनगरं प्राप्य जयम् आवेदयंस् तदा ॥
राज्ञस् ततः समाचख्यौ मन्त्री विजयम् उत्तमम् ॥
पराजयं कुरूणां चाप्य् उपायान्तं तथोत्तरम् ॥
सर्वा विनिर्जिता गावः कुरवश् च पराजिताः ॥
उत्तरः सह सूतेन कुशली च परंतप ॥
कङ्क उवाच
दिष्ट्या ते निर्जिता गावः कुरवश् च पराजिताः ॥
दिष्ट्या ते जीवितः पुत्रः श्रूयते पार्थिवर्षभ ॥
नाद्भुतं त्व् एव मन्ये ऽहं यत् ते पुत्रो ऽजयत् कुरून् ॥
ध्रुव एव जयस् तस्य यस्य यन्ता बृहन्नडा ॥
tam abravīd dharmarājaḥ prahasya; virāṭam ārtaṃ kurubhiḥ prataptam ||
bṛhannaḍā sārathiś cen narendra; pare na neṣyanti tavādya gās tāḥ ||
sarvān mahīpān sahitān kurūṃś ca; tathaiva devāsurayakṣanāgān ||
alaṃ vijetuṃ samare sutas te; svanuṣṭhitaḥ sārathinā hi tena ||
athottareṇa prahitā dūtās te śīghragāminaḥ ||
virāṭanagaraṃ prāpya jayam āvedayaṃs tadā ||
rājñas tataḥ samācakhyau mantrī vijayam uttamam ||
parājayaṃ kurūṇāṃ cāpy upāyāntaṃ tathottaram ||
sarvā vinirjitā gāvaḥ kuravaś ca parājitāḥ ||
uttaraḥ saha sūtena kuśalī ca paraṃtapa ||
kaṅka uvāca
diṣṭyā te nirjitā gāvaḥ kuravaś ca parājitāḥ ||
diṣṭyā te jīvitaḥ putraḥ śrūyate pārthivarṣabha ||
nādbhutaṃ tv eva manye 'haṃ yat te putro 'jayat kurūn ||
dhruva eva jayas tasya yasya yantā bṛhannaḍā ||
Дхармараджа, улыбаясь, сказал встревоженному Вирате, поражённому известием о Куру: «О царь, если Бриханада возница, сегодня враги не уведут твоих коров. Твой сын, ведомый таким возницей, способен в битве победить всех царей вместе с Куру, а также богов, асуров, якшей и нагов». Затем быстрые гонцы, посланные Уттарой, пришли в Виратанагару и сообщили победу: «Все коровы возвращены, Куру побеждены, Уттара с возницей благополучен, о истребитель врагов». Канка сказал: «К счастью, твои коровы отвоёваны и Куру побеждены. К счастью, слышно, что твой сын жив, о лучший из царей. Я не считаю удивительным, что твой сын победил Куру: победа того, чьим возницей Бриханада, несомненна».
fa81efd064c0 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Юдхиштхира говорит правду, скрытую под именем Бриханады. Его улыбка держит равновесие между тайной и радостью.