विराट उवाच
अहं खल्व् अपि संग्रामे शत्रूणां वशम् आगतः ॥
मोक्षितो भीमसेनेन गावश् च विजितास् तथा ॥
एतेषां बाहुवीर्येण यद् अस्माकं जयो मृधे ॥
वयं सर्वे सहामात्याः कुन्तीपुत्रं युधिष्ठिरम् ॥
प्रसादयामो भद्रं ते सानुजं पाण्डवर्षभम् ॥
यद् अस्माभिर् अजानद्भिः किं चिद् उक्तो नराधिपः ॥
क्षन्तुम् अर्हति तत् सर्वं धर्मात्मा ह्य् एष पाण्डवः ॥
वैशंपायन उवाच
ततो विराटः परमाभितुष्टः; समेत्य राज्ञा समयं चकार ॥
राज्यं च सर्वं विससर्ज तस्मै; सदण्डकोशं सपुरं महात्मा ॥
पाण्डवांश् च ततः सर्वान् मत्स्यराजः प्रतापवान् ॥
धनंजयं पुरस्कृत्य दिष्ट्या दिष्ट्येति चाब्रवीत् ॥
समुपाघ्राय मूर्धानं संश्लिष्य च पुनः पुनः ॥
युधिष्ठिरं च भीमं च माद्रीपुत्रौ च पाण्डवौ ॥
नातृप्यद् दर्शने तेषां विराटो वाहिनीपतिः ॥
संप्रीयमाणो राजानं युधिष्ठिरम् अथाब्रवीत् ॥
दिष्ट्या भवन्तः संप्राप्ताः सर्वे कुशलिनो वनात् ॥
दिष्ट्या च पारितं कृच्छ्रम् अज्ञातं वै दुरात्मभिः ॥
इदं च राज्यं नः पार्था यच् चान्यद् वसु किं चन ॥
प्रतिगृह्णन्तु तत् सर्वं कौन्तेया अविशङ्कया ॥
उत्तरां प्रतिगृह्णातु सव्यसाची धनंजयः ॥
अयं ह्य् औपयिको भर्ता तस्याः पुरुषसत्तमः ॥
एवम् उक्तो धर्मराजः पार्थम् ऐक्षद् धनंजयम् ॥
ईक्षितश् चार्जुनो भ्रात्रा मत्स्यं वचनम् अब्रवीत् ॥
प्रतिगृह्णाम्य् अहं राजन् स्नुषां दुहितरं तव ॥
युक्तश् चावां हि संबन्धो मत्स्यभारतसत्तमौ ॥
virāṭa uvāca
ahaṃ khalv api saṃgrāme śatrūṇāṃ vaśam āgataḥ ||
mokṣito bhīmasenena gāvaś ca vijitās tathā ||
eteṣāṃ bāhuvīryeṇa yad asmākaṃ jayo mṛdhe ||
vayaṃ sarve sahāmātyāḥ kuntīputraṃ yudhiṣṭhiram ||
prasādayāmo bhadraṃ te sānujaṃ pāṇḍavarṣabham ||
yad asmābhir ajānadbhiḥ kiṃ cid ukto narādhipaḥ ||
kṣantum arhati tat sarvaṃ dharmātmā hy eṣa pāṇḍavaḥ ||
vaiśaṃpāyana uvāca
tato virāṭaḥ paramābhituṣṭaḥ; sametya rājñā samayaṃ cakāra ||
rājyaṃ ca sarvaṃ visasarja tasmai; sadaṇḍakośaṃ sapuraṃ mahātmā ||
pāṇḍavāṃś ca tataḥ sarvān matsyarājaḥ pratāpavān ||
dhanaṃjayaṃ puraskṛtya diṣṭyā diṣṭyeti cābravīt ||
samupāghrāya mūrdhānaṃ saṃśliṣya ca punaḥ punaḥ ||
yudhiṣṭhiraṃ ca bhīmaṃ ca mādrīputrau ca pāṇḍavau ||
nātṛpyad darśane teṣāṃ virāṭo vāhinīpatiḥ ||
saṃprīyamāṇo rājānaṃ yudhiṣṭhiram athābravīt ||
diṣṭyā bhavantaḥ saṃprāptāḥ sarve kuśalino vanāt ||
diṣṭyā ca pāritaṃ kṛcchram ajñātaṃ vai durātmabhiḥ ||
idaṃ ca rājyaṃ naḥ pārthā yac cānyad vasu kiṃ cana ||
pratigṛhṇantu tat sarvaṃ kaunteyā aviśaṅkayā ||
uttarāṃ pratigṛhṇātu savyasācī dhanaṃjayaḥ ||
ayaṃ hy aupayiko bhartā tasyāḥ puruṣasattamaḥ ||
evam ukto dharmarājaḥ pārtham aikṣad dhanaṃjayam ||
īkṣitaś cārjuno bhrātrā matsyaṃ vacanam abravīt ||
pratigṛhṇāmy ahaṃ rājan snuṣāṃ duhitaraṃ tava ||
yuktaś cāvāṃ hi saṃbandho matsyabhāratasattamau ||
Вирата сказал: «Я сам в битве попал во власть врагов и был освобождён Бхимасеной; коровы также были отвоёваны. Победа в бою пришла к нам силой рук этих героев. Мы все, вместе с советниками, просим умилостивить сына Кунти Юдхиштхиру, лучшего из Пандавов с младшими братьями. Если мы по незнанию что-то сказали тебе, владыка людей, он должен простить всё это: этот Пандава — дхарматма». Затем Вирата, чрезвычайно довольный, встретился с царём и заключил союз; всё царство, вместе с городом, казной и силой наказания, великодушный отдал ему. Могучий царь Матсьев, поставив Дхананджаю впереди, сказал всем Пандавам: «К счастью! К счастью!» Он обнюхал их головы и снова и снова обнимал Юдхиштиру, Бхиму и двух сыновей Мадри; владыка войска Вирата не насыщался их видом. Радостный, он сказал царю Юдхиштхире: «К счастью, вы все благополучно вышли из леса. К счастью, вы прошли тяжёлое неузнанными злодеями. Это наше царство, Партхи, и всё другое имущество: пусть Каунтеи принимают всё это без сомнения. Пусть Савьясачин Дхананджая примет Уттару; он лучший из людей и подходящий муж для неё». Услышав это, Дхармараджа посмотрел на Партху Дхананджаю. Увиденный братом, Арджуна сказал царю Матсьев: «Я принимаю твою дочь, царь, как сноху. Между нами, лучшими из Матсьев и Бхаратов, такой союз уместен».
e225f92f876a · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Вирата предлагает царство и дочь, но Арджуна отвечает тоньше: благодарность должна стать чистым родством, без тени сомнения о его годе во внутренних покоях.