ततः शङ्खाश् च भेर्यश् च गोमुखाडम्बरास् तथा ॥
पार्थैः संयुज्यमानस्य नेदुर् मत्स्यस्य वेश्मनि ॥
उच्चावचान् मृगाञ् जघ्नुर् मेध्यांश् च शतशः पशून् ॥
सुरामैरेयपानानि प्रभूतान्य् अभ्यहारयन् ॥
गायनाख्यानशीलाश् च नटा वैतालिकास् तथा ॥
स्तुवन्तस् तान् उपातिष्ठन् सूताश् च सह मागधैः ॥
सुदेष्णां च पुरस्कृत्य मत्स्यानां च वरस्त्रियः ॥
आजग्मुश् चारुसर्वाङ्ग्यः सुमृष्टमणिकुण्डलाः ॥
वर्णोपपन्नास् ता नार्यो रूपवत्यः स्वलंकृताः ॥
सर्वाश् चाभ्यभवत् कृष्णा रूपेण यशसा श्रिया ॥
परिवार्योत्तरां तास् तु राजपुत्रीम् अलंकृताम् ॥
सुताम् इव महेन्द्रस्य पुरस्कृत्योपतस्थिरे ॥
तां प्रत्यगृह्णात् कौन्तेयः सुतस्यार्थे धनंजयः ॥
सौभद्रस्यानवद्याङ्गीं विराटतनयां तदा ॥
तत्रातिष्ठन् महाराजो रूपम् इन्द्रस्य धारयन् ॥
स्नुषां तां प्रतिजग्राह कुन्तीपुत्रो युधिष्ठिरः ॥
प्रतिगृह्य च तां पार्थः पुरस्कृत्य जनार्दनम् ॥
विवाहं कारयाम् आस सौभद्रस्य महात्मनः ॥
तस्मै सप्त सहस्राणि हयानां वातरंहसाम् ॥
द्वे च नागशते मुख्ये प्रादाद् बहु धनं तदा ॥
कृते विवाहे तु तदा धर्मपुत्रो युधिष्ठिरः ॥
ब्राह्मणेभ्यो ददौ वित्तं यद् उपाहरद् अच्युतः ॥
गोसहस्राणि रत्नानि वस्त्राणि विविधानि च ॥
भूषणानि च मुख्यानि यानानि शयनानि च ॥
तन् महोत्सवसंकाशं हृष्टपुष्टजनावृतम् ॥
नगरं मत्स्यराजस्य शुशुभे भरतर्षभ ॥
tataḥ śaṅkhāś ca bheryaś ca gomukhāḍambarās tathā ||
pārthaiḥ saṃyujyamānasya nedur matsyasya veśmani ||
uccāvacān mṛgāñ jaghnur medhyāṃś ca śataśaḥ paśūn ||
surāmaireyapānāni prabhūtāny abhyahārayan ||
gāyanākhyānaśīlāś ca naṭā vaitālikās tathā ||
stuvantas tān upātiṣṭhan sūtāś ca saha māgadhaiḥ ||
sudeṣṇāṃ ca puraskṛtya matsyānāṃ ca varastriyaḥ ||
ājagmuś cārusarvāṅgyaḥ sumṛṣṭamaṇikuṇḍalāḥ ||
varṇopapannās tā nāryo rūpavatyaḥ svalaṃkṛtāḥ ||
sarvāś cābhyabhavat kṛṣṇā rūpeṇa yaśasā śriyā ||
parivāryottarāṃ tās tu rājaputrīm alaṃkṛtām ||
sutām iva mahendrasya puraskṛtyopatasthire ||
tāṃ pratyagṛhṇāt kaunteyaḥ sutasyārthe dhanaṃjayaḥ ||
saubhadrasyānavadyāṅgīṃ virāṭatanayāṃ tadā ||
tatrātiṣṭhan mahārājo rūpam indrasya dhārayan ||
snuṣāṃ tāṃ pratijagrāha kuntīputro yudhiṣṭhiraḥ ||
pratigṛhya ca tāṃ pārthaḥ puraskṛtya janārdanam ||
vivāhaṃ kārayām āsa saubhadrasya mahātmanaḥ ||
tasmai sapta sahasrāṇi hayānāṃ vātaraṃhasām ||
dve ca nāgaśate mukhye prādād bahu dhanaṃ tadā ||
kṛte vivāhe tu tadā dharmaputro yudhiṣṭhiraḥ ||
brāhmaṇebhyo dadau vittaṃ yad upāharad acyutaḥ ||
gosahasrāṇi ratnāni vastrāṇi vividhāni ca ||
bhūṣaṇāni ca mukhyāni yānāni śayanāni ca ||
tan mahotsavasaṃkāśaṃ hṛṣṭapuṣṭajanāvṛtam ||
nagaraṃ matsyarājasya śuśubhe bharatarṣabha ||
Тогда в доме Матсьи, соединявшегося с Партхами, зазвучали раковины, бхери, гомукхи и барабаны. Убивали множество разных пригодных для обряда животных и сотни чистых жертвенных животных; приносили обильные напитки — суру и майрею. Певцы, рассказчики, актёры, вайталики, суты и магадхи стояли рядом, восхваляя их. Женщины Матсьев во главе с Судешной, прекрасные всем телом, с чистыми драгоценными серьгами, пришли к Уттаре. Эти женщины были красивы, благородны, украшены, но Кришна превосходила их всех красотой, славой и сиянием. Окружив украшенную царевну Уттару, они представили её, словно дочь великого Индры. Дхананджая принял безупречную дочь Вираты ради своего сына Саубхадры. Там великий царь, принявший вид Индры, сын Кунти Юдхиштхира, принял эту сноху. Приняв её, Партха поставил впереди Джанардану и устроил свадьбу великодушного Саубхадры. В это время Вирата дал ему семь тысяч коней, быстрых как ветер, две сотни лучших слонов и большое богатство. Когда свадьба была совершена, Дхармасута Юдхиштхира раздал брахманам богатство, которое принёс Ачьюта: тысячи коров, драгоценности, разные одежды, лучшие украшения, повозки и ложа. Город царя Матсьев, похожий на великий праздник и наполненный радостными, сытыми людьми, сиял, о лучший из Бхаратов».
f9cb4e3f18cd · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Книга заканчивается полнотой: возвращены имена, союзники, честь и родственная связь. После года скрытости Пандавы снова стоят в мире открыто.