वैशंपायन उवाच
एवम् उक्त्वा स भगवान् कुरूणां प्रपितामहः ॥
पुनर् एव महाबाहुं धृतराष्ट्रम् उवाच ह ॥
इह युद्धे महाराज भविष्यति महान् क्षयः ॥
यथेमानि निमित्तानि भयायाद्योपलक्षये ॥
श्येना गृध्राश् च काकाश् च कङ्काश् च सहिता बलैः ॥
संपतन्ति वनान्तेषु समवायांश् च कुर्वते ॥
अत्युग्रं च प्रपश्यन्ति युद्धम् आनन्दिनो द्विजाः ॥
क्रव्यादा भक्षयिष्यन्ति मांसानि गजवाजिनाम् ॥
खटाखटेति वाशन्तो भैरवं भयवेदिनः ॥
कह्वाः प्रयान्ति मध्येन दक्षिणाम् अभितो दिशम् ॥
उभे पूर्वापरे संध्ये नित्यं पश्यामि भारत ॥
उदयास्तमने सूर्यं कबन्धैः परिवारितम् ॥
श्वेतलोहितपर्यन्ताः कृष्णग्रीवाः सविद्युतः ॥
त्रिवर्णाः परिघाः संधौ भानुम् आवारयन्त्य् उत ॥
ज्वलितार्केन्दुनक्षत्रं निर्विशेषदिनक्षपम् ॥
अहोरात्रं मया दृष्टं तत्क्षयाय भविष्यति ॥
अलक्ष्यः प्रभया हीनः पौर्णमासीं च कार्त्तिकीम् ॥
चन्द्रो ऽभूद् अग्निवर्णश् च समवर्णे नभस्तले ॥
vaiśaṃpāyana uvāca
evam uktvā sa bhagavān kurūṇāṃ prapitāmahaḥ ||
punar eva mahābāhuṃ dhṛtarāṣṭram uvāca ha ||
iha yuddhe mahārāja bhaviṣyati mahān kṣayaḥ ||
yathemāni nimittāni bhayāyādyopalakṣaye ||
śyenā gṛdhrāś ca kākāś ca kaṅkāś ca sahitā balaiḥ ||
saṃpatanti vanānteṣu samavāyāṃś ca kurvate ||
atyugraṃ ca prapaśyanti yuddham ānandino dvijāḥ ||
kravyādā bhakṣayiṣyanti māṃsāni gajavājinām ||
khaṭākhaṭeti vāśanto bhairavaṃ bhayavedinaḥ ||
kahvāḥ prayānti madhyena dakṣiṇām abhito diśam ||
ubhe pūrvāpare saṃdhye nityaṃ paśyāmi bhārata ||
udayāstamane sūryaṃ kabandhaiḥ parivāritam ||
śvetalohitaparyantāḥ kṛṣṇagrīvāḥ savidyutaḥ ||
trivarṇāḥ parighāḥ saṃdhau bhānum āvārayanty uta ||
jvalitārkendunakṣatraṃ nirviśeṣadinakṣapam ||
ahorātraṃ mayā dṛṣṭaṃ tatkṣayāya bhaviṣyati ||
alakṣyaḥ prabhayā hīnaḥ paurṇamāsīṃ ca kārttikīm ||
candro 'bhūd agnivarṇaś ca samavarṇe nabhastale ||
Вайшампаяна сказал: «Сказав так, благословенный древний предок Куру снова обратился к могучерукомy Дхритараштре: “О великий царь, в этой войне произойдёт великое истребление: уже сегодня я замечаю эти страшные знамения. Соколы, грифы, вороны и падальщики стаями слетаются к окраинам лесов и собираются там. Радостные птицы предвидят чрезвычайно страшную войну; пожиратели плоти будут есть мясо слонов и коней. Зловещие птицы, крича страшным резким криком и предвещая беду, летят через середину неба к южной стороне. О Бхарата, я постоянно вижу, что при восходе и закате солнце окружено безглавыми телами. В сумерках трёхцветные, молниеносные ореолы с бело-красными краями и чёрными шеями закрывают солнце. Я видел день и ночь без различия, с пылающими солнцем, луной и звёздами; это будет к гибели воинов. В карттикийское полнолуние луна стала неясной, лишённой сияния и огненного цвета на одноцветном небесном своде”».
44843e09b635 · опубликовано 17 июл. 2026 г., 20:37:17 UTC
Доступно наRUENЛистайте стихи клавишами
После дара Санджае Вьяса раскрывает внешний язык судьбы — знамения. Они не отменяют свободу людей, но показывают, что выборы уже создали тяжёлый плод. Хищные птицы радуются войне, светила искажаются, день и ночь смешиваются: мир теряет порядок, потому что люди нарушили порядок дхармы.