वैशंपायन उवाच
एवम् उक्तो मुनिस् तत्त्वं कवीन्द्रो राजसत्तम ॥
पुत्रेण धृतराष्ट्रेण ध्यानम् अन्वगमत् परम् ॥
पुनर् एवाब्रवीद् वाक्यं कालवादी महातपाः ॥
असंशयं पार्थिवेन्द्र कालः संक्षिपते जगत् ॥
सृजते च पुनर् लोकान् नेह विद्यति शाश्वतम् ॥
ज्ञातीनां च कुरूणां च संबन्धिसुहृदां तथा ॥
धर्म्यं देशय पन्थानं समर्थो ह्य् असि वारणे ॥
क्षुद्रं ज्ञातिवधं प्राहुर् मा कुरुष्व ममाप्रियम् ॥
कालो ऽयं पुत्ररूपेण तव जातो विशां पते ॥
न वधः पूज्यते वेदे हितं नैतत् कथं चन ॥
हन्यात् स एव यो हन्यात् कुलधर्मं स्वकां तनुम् ॥
कालेनोत्पथगन्तासि शक्ये सति यथापथि ॥
कुलस्यास्य विनाशाय तथैव च महीक्षिताम् ॥
अनर्थो राज्यरूपेण त्यज्यताम् असुखावहः ॥
लुप्तप्रज्ञः परेणासि धर्मं दर्शय वै सुतान् ॥
किं ते राज्येन दुर्धर्ष येन प्राप्तो ऽसि किल्बिषम् ॥
यशो धर्मं च कीर्तिं च पालयन् स्वर्गम् आप्स्यसि ॥
लभन्तां पाण्डवा राज्यं शमं गच्छन्तु कौरवाः ॥
एवं ब्रुवति विप्रेन्द्रे धृतराष्ट्रो ऽम्बिकासुतः ॥
आक्षिप्य वाक्यं वाक्यज्ञो वाक्पथेनाप्य् अयात् पुनः ॥
vaiśaṃpāyana uvāca
evam ukto munis tattvaṃ kavīndro rājasattama ||
putreṇa dhṛtarāṣṭreṇa dhyānam anvagamat param ||
punar evābravīd vākyaṃ kālavādī mahātapāḥ ||
asaṃśayaṃ pārthivendra kālaḥ saṃkṣipate jagat ||
sṛjate ca punar lokān neha vidyati śāśvatam ||
jñātīnāṃ ca kurūṇāṃ ca saṃbandhisuhṛdāṃ tathā ||
dharmyaṃ deśaya panthānaṃ samartho hy asi vāraṇe ||
kṣudraṃ jñātivadhaṃ prāhur mā kuruṣva mamāpriyam ||
kālo 'yaṃ putrarūpeṇa tava jāto viśāṃ pate ||
na vadhaḥ pūjyate vede hitaṃ naitat kathaṃ cana ||
hanyāt sa eva yo hanyāt kuladharmaṃ svakāṃ tanum ||
kālenotpathagantāsi śakye sati yathāpathi ||
kulasyāsya vināśāya tathaiva ca mahīkṣitām ||
anartho rājyarūpeṇa tyajyatām asukhāvahaḥ ||
luptaprajñaḥ pareṇāsi dharmaṃ darśaya vai sutān ||
kiṃ te rājyena durdharṣa yena prāpto 'si kilbiṣam ||
yaśo dharmaṃ ca kīrtiṃ ca pālayan svargam āpsyasi ||
labhantāṃ pāṇḍavā rājyaṃ śamaṃ gacchantu kauravāḥ ||
evaṃ bruvati viprendre dhṛtarāṣṭro 'mbikāsutaḥ ||
ākṣipya vākyaṃ vākyajño vākpathenāpy ayāt punaḥ ||
Вайшампаяна сказал: «О лучший из царей, когда сын Дхритараштра так ответил мудрецу, царь провидцев, услышав истину, погрузился в глубокое созерцание. Затем великий подвижник, говорящий о времени, снова произнёс: “О владыка царей, несомненно, время сводит мир к концу и снова порождает миры; здесь нет ничего вечного. Укажи праведный путь для родичей, Куру, родственников и друзей: ведь ты способен удержать их. Убийство родичей называют низким делом; не делай того, что мне неприятно. О владыка народов, это время явилось у тебя в образе сына. Убийство не почитается в Веде и ни в коем случае не является благом. Тот, кто убивает дхарму рода, губит собственное тело. Когда ещё возможно идти правильным путём, ты со временем сходишь на дурную дорогу. Бедствие, которое под видом царства несёт страдание и ведёт к уничтожению этого рода и царей, должно быть оставлено. Ты утратил разум под чужим влиянием: укажи сыновьям дхарму. Что тебе в царстве, о неудержимый, из-за которого ты пришёл к греху? Сохранив славу, дхарму и доброе имя, ты достигнешь неба. Пусть Пандавы получат царство, а Кауравы придут к миру”. Когда лучший из мудрецов говорил так, Дхритараштра, сын Амбики, искусный в слове, прервал его речь и снова пошёл путём словесного довода».
42d5b87486d4 · опубликовано 17 июл. 2026 г., 20:37:17 UTC
Доступно наRUENЛистайте стихи клавишами
Вьяса переводит разговор от знамений к ответственности. Он не позволяет Дхритараштре спрятаться за судьбу: время действует, но царь всё ещё способен указать путь. Главная мысль проста и сурова: власть, купленная гибелью рода, является не благом, а бедствием в образе царства.