ततो रजन्यां व्युष्टायां शब्दः समभवन् महान् ॥
क्रोशतां भूमिपालानां युज्यतां युज्यताम् इति ॥
शङ्खदुन्दुभिनिर्घोषैः सिंहनादैश् च भारत ॥
हयहेषितशब्दैश् च रथनेमिस्वनैस् तथा ॥
गजानां बृंहतां चैव योधानां चाभिगर्जताम् ॥
क्ष्वेडितास्फोटितोत्क्रुष्टैस् तुमुलं सर्वतो ऽभवत् ॥
उदतिष्ठन् महाराज सर्वं युक्तम् अशेषतः ॥
सूर्योदये महत् सैन्यं कुरुपाण्डवसेनयोः ॥
तव राजेन्द्र पुत्राणां पाण्डवानां तथैव च ॥
तत्र नागा रथाश् चैव जाम्बूनदपरिष्कृताः ॥
विभ्राजमाना दृश्यन्ते मेघा इव सविद्युतः ॥
रथानीकान्य् अदृश्यन्त नगराणीव भूरिशः ॥
अतीव शुशुभे तत्र पिता ते पूर्णचन्द्रवत् ॥
धनुर्भिर् ऋष्टिभिः खड्गैर् गदाभिः शक्तितोमरैः ॥
योधाः प्रहरणैः शुभ्रैः स्वेष्व् अनीकेष्व् अवस्थिताः ॥
गजा रथाः पदाताश् च तुरगाश् च विशां पते ॥
व्यतिष्ठन् वागुराकाराः शतशो ऽथ सहस्रशः ॥
ध्वजा बहुविधाकारा व्यदृश्यन्त समुच्छ्रिताः ॥
स्वेषां चैव परेषां च द्युतिमन्तः सहस्रशः ॥
काञ्चना मणिचित्राङ्गा ज्वलन्त इव पावकाः ॥
अर्चिष्मन्तो व्यरोचन्त ध्वजा राज्ञां सहस्रशः ॥
महेन्द्रकेतवः शुभ्रा महेन्द्रसदनेष्व् इव ॥
संनद्धास् तेषु ते वीरा ददृशुर् युद्धकाङ्क्षिणः ॥
उद्यतैर् आयुधैश् चित्रास् तलबद्धाः कलापिनः ॥
ऋषभाक्षा मनुष्येन्द्राश् चमूमुखगता बभुः ॥
tato rajanyāṃ vyuṣṭāyāṃ śabdaḥ samabhavan mahān ||
krośatāṃ bhūmipālānāṃ yujyatāṃ yujyatām iti ||
śaṅkhadundubhinirghoṣaiḥ siṃhanādaiś ca bhārata ||
hayaheṣitaśabdaiś ca rathanemisvanais tathā ||
gajānāṃ bṛṃhatāṃ caiva yodhānāṃ cābhigarjatām ||
kṣveḍitāsphoṭitotkruṣṭais tumulaṃ sarvato 'bhavat ||
udatiṣṭhan mahārāja sarvaṃ yuktam aśeṣataḥ ||
sūryodaye mahat sainyaṃ kurupāṇḍavasenayoḥ ||
tava rājendra putrāṇāṃ pāṇḍavānāṃ tathaiva ca ||
tatra nāgā rathāś caiva jāmbūnadapariṣkṛtāḥ ||
vibhrājamānā dṛśyante meghā iva savidyutaḥ ||
rathānīkāny adṛśyanta nagarāṇīva bhūriśaḥ ||
atīva śuśubhe tatra pitā te pūrṇacandravat ||
dhanurbhir ṛṣṭibhiḥ khaḍgair gadābhiḥ śaktitomaraiḥ ||
yodhāḥ praharaṇaiḥ śubhraiḥ sveṣv anīkeṣv avasthitāḥ ||
gajā rathāḥ padātāś ca turagāś ca viśāṃ pate ||
vyatiṣṭhan vāgurākārāḥ śataśo 'tha sahasraśaḥ ||
dhvajā bahuvidhākārā vyadṛśyanta samucchritāḥ ||
sveṣāṃ caiva pareṣāṃ ca dyutimantaḥ sahasraśaḥ ||
kāñcanā maṇicitrāṅgā jvalanta iva pāvakāḥ ||
arciṣmanto vyarocanta dhvajā rājñāṃ sahasraśaḥ ||
mahendraketavaḥ śubhrā mahendrasadaneṣv iva ||
saṃnaddhās teṣu te vīrā dadṛśur yuddhakāṅkṣiṇaḥ ||
udyatair āyudhaiś citrās talabaddhāḥ kalāpinaḥ ||
ṛṣabhākṣā manuṣyendrāś camūmukhagatā babhuḥ ||
Когда ночь прошла, поднялся огромный шум: владыки земли кричали: «Запрягайте! Снаряжайте!» Грохот раковин и барабанов, львиные кличи, ржание коней, рокот колёс, трубление слонов, крики воинов, свист, хлопки и возгласы со всех сторон слились в страшный гул. На восходе солнца, о великий царь, поднялись полностью снаряжённые великие войска твоих сыновей и Пандавов. Там слоны и колесницы, украшенные золотом Джамбунады, сияли, словно тучи с молниями; колесничные ряды казались множеством городов. Твой отец Бхишма сиял там особенно, как полная луна. Воины стояли в своих рядах с блестящим оружием: луками, копьями, мечами, булавами, шакти и томарами. Слоны, колесницы, пехотинцы и кони, о владыка людей, располагались сотнями и тысячами, словно сети. Тысячи поднятых знамён наших и вражеских войск сияли разными формами: золотые, украшенные самоцветами, пылающие как огни. Светлые стяги царей, подобные знамёнам Индры в его обителях, блистали тысячами. Среди них стояли вооружённые герои, жаждущие боя; владыки людей с глазами быков, с поднятым оружием, наручами и колчанами, находились во главе войск.
4dece63ae26b · опубликовано 17 июл. 2026 г., 20:47:27 UTC
Доступно наRUENЛистайте стихи клавишами
Утро битвы описано как грандиозное пробуждение военной машины. Блеск золота, знамен и оружия не скрывает главного: обе стороны уже собраны в сети войны, где красота царского великолепия превращается в предвестие гибели.