संजय उवाच
त्वद्युक्तो ऽयम् अनुप्रश्नो महाराज यथार्हसि ॥
न तु दुर्योधने दोषम् इमम् आसक्तुम् अर्हसि ॥
य आत्मनो दुश्चरिताद् अशुभं प्राप्नुयान् नरः ॥
एनसा तेन नान्यं स उपाशङ्कितुम् अर्हति ॥
महाराज मनुष्येषु निन्द्यं यः सर्वम् आचरेत् ॥
स वध्यः सर्वलोकस्य निन्दितानि समाचरन् ॥
निकारो निकृतिप्रज्ञैः पाण्डवैस् त्वत्प्रतीक्षया ॥
अनुभूतः सहामात्यैः क्षान्तं च सुचिरं वने ॥
हयानां च गजानां च शूराणां चामितौजसाम् ॥
प्रत्यक्षं यन् मया दृष्टं दृष्टं योगबलेन च ॥
शृणु तत् पृथिवीपाल मा च शोके मनः कृथाः ॥
दिष्टम् एतत् पुरा नूनम् एवंभावि नराधिप ॥
नमस्कृत्वा पितुस् ते ऽहं पाराशर्याय धीमते ॥
यस्य प्रसादाद् दिव्यं मे प्राप्तं ज्ञानम् अनुत्तमम् ॥
दृष्टिश् चातीन्द्रिया राजन् दूराच् छ्रवणम् एव च ॥
परचित्तस्य विज्ञानम् अतीतानागतस्य च ॥
व्युत्थितोत्पत्तिविज्ञानम् आकाशे च गतिः सदा ॥
शस्त्रैर् असङ्गो युद्धेषु वरदानान् महात्मनः ॥
शृणु मे विस्तरेणेदं विचित्रं परमाद्भुतम् ॥
भारतानां महद् युद्धं यथाभूल् लोमहर्षणम् ॥
saṃjaya uvāca
tvadyukto 'yam anupraśno mahārāja yathārhasi ||
na tu duryodhane doṣam imam āsaktum arhasi ||
ya ātmano duścaritād aśubhaṃ prāpnuyān naraḥ ||
enasā tena nānyaṃ sa upāśaṅkitum arhati ||
mahārāja manuṣyeṣu nindyaṃ yaḥ sarvam ācaret ||
sa vadhyaḥ sarvalokasya ninditāni samācaran ||
nikāro nikṛtiprajñaiḥ pāṇḍavais tvatpratīkṣayā ||
anubhūtaḥ sahāmātyaiḥ kṣāntaṃ ca suciraṃ vane ||
hayānāṃ ca gajānāṃ ca śūrāṇāṃ cāmitaujasām ||
pratyakṣaṃ yan mayā dṛṣṭaṃ dṛṣṭaṃ yogabalena ca ||
śṛṇu tat pṛthivīpāla mā ca śoke manaḥ kṛthāḥ ||
diṣṭam etat purā nūnam evaṃbhāvi narādhipa ||
namaskṛtvā pitus te 'haṃ pārāśaryāya dhīmate ||
yasya prasādād divyaṃ me prāptaṃ jñānam anuttamam ||
dṛṣṭiś cātīndriyā rājan dūrāc chravaṇam eva ca ||
paracittasya vijñānam atītānāgatasya ca ||
vyutthitotpattivijñānam ākāśe ca gatiḥ sadā ||
śastrair asaṅgo yuddheṣu varadānān mahātmanaḥ ||
śṛṇu me vistareṇedaṃ vicitraṃ paramādbhutam ||
bhāratānāṃ mahad yuddhaṃ yathābhūl lomaharṣaṇam ||
Санджая сказал: «О великий царь, этот вопрос тебе подобает, но ты не должен возлагать эту вину на одного Дурьодхану. Человек, который получает несчастье из-за собственного дурного поведения, не должен подозревать другого в этом грехе. О великий царь, кто среди людей совершает всё порицаемое, тот, поступая постыдно, становится достойным осуждения всего мира. Пандавы, ожидая твоего решения, вместе со своими советниками перенесли унижение от коварных людей и долго терпели в лесу. Теперь выслушай, хранитель земли, то, что я видел непосредственно: коней, слонов и героев неизмеримой мощи, а также то, что было открыто мне силой йоги. Не погружай ум в скорбь: это, несомненно, было назначено прежде, о владыка людей, и должно было случиться именно так. Поклонившись твоему отцу, мудрому Парашарье, по чьей милости я получил непревзойдённое божественное знание, сверхчувственное зрение, слышание издалека, знание чужого сердца, прошлого и будущего, знание исчезновения и возникновения, постоянное движение в пространстве и неуязвимость для оружия в битвах, благодаря дарам этой великой души, выслушай от меня подробно эту многообразную, чудесную и страшную войну Бхаратов, как она была».
be30d40bf2e0 · опубликовано 17 июл. 2026 г., 20:47:27 UTC
Доступно наRUENЛистайте стихи клавишами
Санджая начинает не с описания войск, а с нравственной поправки: Дхритараштра не должен сваливать всё на сына, потому что катастрофа выросла из долгого попустительства адхарме. Только после этого он заявляет право говорить как очевидец и как получивший дар видения от Вьясы.