ततो द्रोणश् च भीष्मश् च सैन्धवश् च जयद्रथः ॥
पुरुमित्रो विकर्णश् च शकुनिश् चापि सौबलः ॥
एते समरदुर्धर्षाः सिंहतुल्यपराक्रमाः ॥
पाण्डवानाम् अनीकानि बभञ्जुः स्म पुनः पुनः ॥
तथैव भीमसेनो ऽपि राक्षसश् च घटोत्कचः ॥
सात्यकिश् चेकितानश् च द्रौपदेयाश् च भारत ॥
तावकांस् तव पुत्रांश् च सहितान् सर्वराजभिः ॥
द्रावयाम् आसुर् आजौ ते त्रिदशा दानवान् इव ॥
तथा ते समरे ऽन्योन्यं निघ्नन्तः क्षत्रियर्षभाः ॥
रक्तोक्षिता घोररूपा विरेजुर् दानवा इव ॥
विनिर्जित्य रिपून् वीराः सेनयोर् उभयोर् अपि ॥
व्यदृश्यन्त महामात्रा ग्रहा इव नभस्तले ॥
ततो रथसहस्रेण पुत्रो दुर्योधनस् तव ॥
अभ्ययात् पाण्डवान् युद्धे राक्षसं च घटोत्कचम् ॥
तथैव पाण्डवाः सर्वे महत्या सेनया सह ॥
द्रोणभीष्मौ रणे शूरौ प्रत्युद्ययुर् अरिंदमौ ॥
किरीटी तु ययौ क्रुद्धः समर्थान् पार्थिवोत्तमान् ॥
आर्जुनिः सात्यकिश् चैव ययतुः सौबलं बलम् ॥
ततः प्रववृते भूयः संग्रामो लोमहर्षणः ॥
तावकानां परेषां च समरे विजिगीषताम् ॥
tato droṇaś ca bhīṣmaś ca saindhavaś ca jayadrathaḥ ||
purumitro vikarṇaś ca śakuniś cāpi saubalaḥ ||
ete samaradurdharṣāḥ siṃhatulyaparākramāḥ ||
pāṇḍavānām anīkāni babhañjuḥ sma punaḥ punaḥ ||
tathaiva bhīmaseno 'pi rākṣasaś ca ghaṭotkacaḥ ||
sātyakiś cekitānaś ca draupadeyāś ca bhārata ||
tāvakāṃs tava putrāṃś ca sahitān sarvarājabhiḥ ||
drāvayām āsur ājau te tridaśā dānavān iva ||
tathā te samare 'nyonyaṃ nighnantaḥ kṣatriyarṣabhāḥ ||
raktokṣitā ghorarūpā virejur dānavā iva ||
vinirjitya ripūn vīrāḥ senayor ubhayor api ||
vyadṛśyanta mahāmātrā grahā iva nabhastale ||
tato rathasahasreṇa putro duryodhanas tava ||
abhyayāt pāṇḍavān yuddhe rākṣasaṃ ca ghaṭotkacam ||
tathaiva pāṇḍavāḥ sarve mahatyā senayā saha ||
droṇabhīṣmau raṇe śūrau pratyudyayur ariṃdamau ||
kirīṭī tu yayau kruddhaḥ samarthān pārthivottamān ||
ārjuniḥ sātyakiś caiva yayatuḥ saubalaṃ balam ||
tataḥ pravavṛte bhūyaḥ saṃgrāmo lomaharṣaṇaḥ ||
tāvakānāṃ pareṣāṃ ca samare vijigīṣatām ||
Затем Дрона, Бхишма, Сайндхава Джаядратха, Пурумитра, Викарна и Шакуни, сын Субалы, эти трудноприступные в бою воины с львиной доблестью, снова и снова прорывали строи Пандавов. Точно так же Бхимасена, ракшас Гхатоткача, Сатьяки, Чекитана и сыновья Драупади, о Бхарата, обращали в бегство твоих воинов и твоих сыновей вместе со всеми царями, словно боги данавов. Так эти быки среди кшатриев, поражая друг друга в бою, обагрённые кровью и страшные видом, сияли как данавы. Герои обеих армий, одолев врагов, были видны как великие военачальники, словно планеты на небе. Затем твой сын Дурьодхана с тысячей колесниц двинулся в бою против Пандавов и ракшаса Гхатоткачи. Так же все Пандавы вместе с большой армией выступили против двух героев, Дроны и Бхишмы, губителей врагов. Киритин в гневе двинулся против сильных лучших царей, а сын Арджуны и Сатьяки пошли на войско Саубалы. После этого снова развернулось сражение твоих и врагов, желающих победить в бою, и оно заставляло волосы подниматься».
79b855cb743b · опубликовано 17 июл. 2026 г., 21:22:45 UTC
Доступно наRUENЛистайте стихи клавишами
Глава заканчивается новой волной столкновения: ни одна сторона ещё не сломлена окончательно. Война движется приливами, где прорыв одного крыла сразу встречает ответ другого.