संजय उवाच
व्युष्टां निशां भारत भारतानाम्; अनीकिनीनां प्रमुखे महात्मा ॥
ययौ सपत्नान् प्रति जातकोपो; वृतः समग्रेण बलेन भीष्मः ॥
तं द्रोणदुर्योधनबाह्लिकाश् च; तथैव दुर्मर्षणचित्रसेनौ ॥
जयद्रथश् चातिबलो बलौघैर्; नृपास् तथान्ये ऽनुययुः समन्तात् ॥
स तैर् महद्भिश् च महारथैश्; च तेजस्विभिर् वीर्यवद्भिश् च राजन् ॥
रराज राजोत्तम राजमुख्यैर्; वृतः स देवैर् इव वज्रपाणिः ॥
तस्मिन्न् अनीकप्रमुखे विषक्ता; दोधूयमानाश् च महापताकाः ॥
सुरक्तपीतासितपाण्डुराभा; महागजस्कन्धगता विरेजुः ॥
सा वाहिनी शांतनवेन राज्ञा; महारथैर् वारणवाजिभिश् च ॥
बभौ सविद्युत्स्तनयित्नुकल्पा; जलागमे द्यौर् इव जातमेघा ॥
ततो रणायाभिमुखी प्रयाता; प्रत्य् अर्जुनं शांतनवाभिगुप्ता ॥
सेना महोग्रा सहसा कुरूणां; वेगो यथा भीम इवापगायाः ॥
saṃjaya uvāca
vyuṣṭāṃ niśāṃ bhārata bhāratānām; anīkinīnāṃ pramukhe mahātmā ||
yayau sapatnān prati jātakopo; vṛtaḥ samagreṇa balena bhīṣmaḥ ||
taṃ droṇaduryodhanabāhlikāś ca; tathaiva durmarṣaṇacitrasenau ||
jayadrathaś cātibalo balaughair; nṛpās tathānye 'nuyayuḥ samantāt ||
sa tair mahadbhiś ca mahārathaiś; ca tejasvibhir vīryavadbhiś ca rājan ||
rarāja rājottama rājamukhyair; vṛtaḥ sa devair iva vajrapāṇiḥ ||
tasminn anīkapramukhe viṣaktā; dodhūyamānāś ca mahāpatākāḥ ||
suraktapītāsitapāṇḍurābhā; mahāgajaskandhagatā virejuḥ ||
sā vāhinī śāṃtanavena rājñā; mahārathair vāraṇavājibhiś ca ||
babhau savidyutstanayitnukalpā; jalāgame dyaur iva jātameghā ||
tato raṇāyābhimukhī prayātā; praty arjunaṃ śāṃtanavābhiguptā ||
senā mahogrā sahasā kurūṇāṃ; vego yathā bhīma ivāpagāyāḥ ||
Санджая сказал: «Когда ночь прошла, о Бхарата, великодушный Бхишма, разгневавшись на врагов, выступил во главе войск Бхаратов, окружённый всей собранной армией. За ним со всех сторон следовали Дрона, Дурьодхана, Бахлика, Дурмаршана с Читрасеной, весьма сильный Джаядратха с потоками войск и другие цари. О царь, окружённый великими, сияющими и мощными махаратхами, лучшими из правителей, он блистал, словно Ваджрапани среди богов. В передовой части войска на спинах больших слонов сияли развевающиеся великие знамёна — красные, жёлтые, чёрные и белые. Эта армия с царём Шантанавой, махаратхами, слонами и конями казалась небом сезона дождей, полным облаков, молний и грома. Затем ужасная армия Куру, защищённая Бхишмой, стремительно двинулась к битве против Арджуны, словно грозный поток реки».
79f1d227a2a4 · опубликовано 17 июл. 2026 г., 21:22:45 UTC
Доступно наRUENЛистайте стихи клавишами
Новый день начинается не с ясности, а с ещё более плотного военного величия. Бхишма ведёт войско как Индра среди богов, но вся эта красота облаков, знамён и грома движется к столкновению с колесницей, где стоит Кришна.