एतच् छ्रुतं मया तात ऋषीणां भावितात्मनाम् ॥
वासुदेवं कथयतां समवाये पुरातनम् ॥
जामदग्न्यस्य रामस्य मार्कण्डेयस्य धीमतः ॥
व्यासनारदयोश् चापि श्रुतं श्रुतविशारद ॥
एतम् अर्थं च विज्ञाय श्रुत्वा च प्रभुम् अव्ययम् ॥
वासुदेवं महात्मानं लोकानाम् ईश्वरेश्वरम् ॥
यस्यासाव् आत्मजो ब्रह्मा सर्वस्य जगतः पिता ॥
कथं न वासुदेवो ऽयम् अर्च्यश् चेज्यश् च मानवैः ॥
वारितो ऽसि पुरा तात मुनिभिर् वेदपारगैः ॥
मा गच्छ संयुगं तेन वासुदेवेन धीमता ॥
मा पाण्डवैः सार्धम् इति तच् च मोहान् न बुध्यसे ॥
मन्ये त्वां राक्षसं क्रूरं तथा चासि तमोवृतः ॥
यस्माद् द्विषसि गोविन्दं पाण्डवं च धनंजयम् ॥
नरनारायणौ देवौ नान्यो द्विष्याद् धि मानवः ॥
तस्माद् ब्रवीमि ते राजन्न् एष वै शाश्वतो ऽव्ययः ॥
सर्वलोकमयो नित्यः शास्ता धाता धरो ध्रुवः ॥
लोकान् धारयते यस् त्रींश् चराचरगुरुः प्रभुः ॥
योद्धा जयश् च जेता च सर्वप्रकृतिर् ईश्वरः ॥
राजन् सत्त्वमयो ह्य् एष तमोरागविवर्जितः ॥
यतः कृष्णस् ततो धर्मो यतो धर्मस् ततो जयः ॥
तस्य माहात्म्ययोगेन योगेनात्मन एव च ॥
धृताः पाण्डुसुता राजञ् जयश् चैषां भविष्यति ॥
etac chrutaṃ mayā tāta ṛṣīṇāṃ bhāvitātmanām ||
vāsudevaṃ kathayatāṃ samavāye purātanam ||
jāmadagnyasya rāmasya mārkaṇḍeyasya dhīmataḥ ||
vyāsanāradayoś cāpi śrutaṃ śrutaviśārada ||
etam arthaṃ ca vijñāya śrutvā ca prabhum avyayam ||
vāsudevaṃ mahātmānaṃ lokānām īśvareśvaram ||
yasyāsāv ātmajo brahmā sarvasya jagataḥ pitā ||
kathaṃ na vāsudevo 'yam arcyaś cejyaś ca mānavaiḥ ||
vārito 'si purā tāta munibhir vedapāragaiḥ ||
mā gaccha saṃyugaṃ tena vāsudevena dhīmatā ||
mā pāṇḍavaiḥ sārdham iti tac ca mohān na budhyase ||
manye tvāṃ rākṣasaṃ krūraṃ tathā cāsi tamovṛtaḥ ||
yasmād dviṣasi govindaṃ pāṇḍavaṃ ca dhanaṃjayam ||
naranārāyaṇau devau nānyo dviṣyād dhi mānavaḥ ||
tasmād bravīmi te rājann eṣa vai śāśvato 'vyayaḥ ||
sarvalokamayo nityaḥ śāstā dhātā dharo dhruvaḥ ||
lokān dhārayate yas trīṃś carācaraguruḥ prabhuḥ ||
yoddhā jayaś ca jetā ca sarvaprakṛtir īśvaraḥ ||
rājan sattvamayo hy eṣa tamorāgavivarjitaḥ ||
yataḥ kṛṣṇas tato dharmo yato dharmas tato jayaḥ ||
tasya māhātmyayogena yogenātmana eva ca ||
dhṛtāḥ pāṇḍusutā rājañ jayaś caiṣāṃ bhaviṣyati ||
«Это я слышал, сын, от риши очищенной души, говоривших о Васудеве на древнем собрании; слышал от Рамы Джамадагньи, мудрого Маркандеи, а также от Вьясы и Нарады, о знаток предания. Узнав этот смысл и услышав о нетленном Господе, великодушном Васудеве, Господе владык миров, от которого рождён Брахма, отец всего мира, как же не быть этому Васудеве почитаемым и достойным жертвенного поклонения для людей? Прежде тебя, сын, удерживали мудрецы, достигшие полноты Вед: “Не вступай в бой с мудрым Васудевой и с Пандавами”. Но ты из заблуждения этого не понял. Я считаю тебя жестоким ракшасом; ты покрыт тьмой, потому что ненавидишь Говинду и Пандаву Дхананджаю — божественных Нару и Нараяну. Ни один человек не стал бы их ненавидеть. Поэтому я говорю тебе, царь: Он воистину вечный и нетленный, в Нём все миры; Он вечный правитель, устроитель, держатель и неизменная опора. Он, Господь и учитель движимого и недвижимого, поддерживает три мира; Он воин, победа и победитель, Господь и источник всех природ. Царь, Он состоит из саттвы и свободен от тьмы и страсти. Где Кришна, там дхарма; где дхарма, там победа. Силой Его величия и Его собственной йогой поддержаны сыновья Панду, царь, и победа будет за ними».
66556e48256f · опубликовано 17 июл. 2026 г., 21:35:52 UTC
Доступно наRUENЛистайте стихи клавишами
Бхишма переходит от предания к прямому обвинению Дурьодханы: ненависть к Кришне и Арджуне — не просто политическая ошибка, а признак тамаса. Формула “где Кришна, там дхарма; где дхарма, там победа” становится итогом всей аргументации.