शैनेयं तु रणे क्रुद्धो भारद्वाजः प्रतापवान् ॥
अविध्यन् निशितैर् बाणैर् जत्रुदेशे हसन्न् इव ॥
भीमसेनस् ततः क्रुद्धो भारद्वाजम् अविध्यत ॥
संरक्षन् सात्यकिं राजन् द्रोणाच् छस्त्रभृतां वरात् ॥
ततो द्रोणश् च भीष्मश् च तथा शल्यश् च मारिष ॥
भीमसेनं रणे क्रुद्धाश् छादयां चक्रिरे शरैः ॥
तत्राभिमन्युः संक्रुद्धो द्रौपदेयाश् च मारिष ॥
विव्यधुर् निशितैर् बाणैः सर्वांस् तान् उद्यतायुधान् ॥
भीष्मद्रोणौ च संक्रुद्धाव् आपतन्तौ महाबलौ ॥
प्रत्युद्ययौ शिखण्डी तु महेष्वासो महाहवे ॥
प्रगृह्य बलवद् वीरो धनुर् जलदनिस्वनम् ॥
अभ्यवर्षच् छरैस् तूर्णं छादयानो दिवाकरम् ॥
शिखण्डिनं समासाद्य भरतानां पितामहः ॥
अवर्जयत संग्रामे स्त्रीत्वं तस्यानुसंस्मरन् ॥
ततो द्रोणो महाराज अभ्यद्रवत तं रणे ॥
रक्षमाणस् ततो भीष्मं तव पुत्रेण चोदितः ॥
शिखण्डी तु समासाद्य द्रोणं शस्त्रभृतां वरम् ॥
अवर्जयत संग्रामे युगान्ताग्निम् इवोल्बणम् ॥
ततो बलेन महता पुत्रस् तव विशां पते ॥
जुगोप भीष्मम् आसाद्य प्रार्थयानो महद् यशः ॥
तथैव पाण्डवा राजन् पुरस्कृत्य धनंजयम् ॥
भीष्मम् एवाभ्यवर्तन्त जये कृत्वा दृढां मतिम् ॥
तद् युद्धम् अभवद् घोरं देवानां दानवैर् इव ॥
जयं च काङ्क्षतां नित्यं यशश् च परमाद्भुतम् ॥
śaineyaṃ tu raṇe kruddho bhāradvājaḥ pratāpavān ||
avidhyan niśitair bāṇair jatrudeśe hasann iva ||
bhīmasenas tataḥ kruddho bhāradvājam avidhyata ||
saṃrakṣan sātyakiṃ rājan droṇāc chastrabhṛtāṃ varāt ||
tato droṇaś ca bhīṣmaś ca tathā śalyaś ca māriṣa ||
bhīmasenaṃ raṇe kruddhāś chādayāṃ cakrire śaraiḥ ||
tatrābhimanyuḥ saṃkruddho draupadeyāś ca māriṣa ||
vivyadhur niśitair bāṇaiḥ sarvāṃs tān udyatāyudhān ||
bhīṣmadroṇau ca saṃkruddhāv āpatantau mahābalau ||
pratyudyayau śikhaṇḍī tu maheṣvāso mahāhave ||
pragṛhya balavad vīro dhanur jaladanisvanam ||
abhyavarṣac charais tūrṇaṃ chādayāno divākaram ||
śikhaṇḍinaṃ samāsādya bharatānāṃ pitāmahaḥ ||
avarjayata saṃgrāme strītvaṃ tasyānusaṃsmaran ||
tato droṇo mahārāja abhyadravata taṃ raṇe ||
rakṣamāṇas tato bhīṣmaṃ tava putreṇa coditaḥ ||
śikhaṇḍī tu samāsādya droṇaṃ śastrabhṛtāṃ varam ||
avarjayata saṃgrāme yugāntāgnim ivolbaṇam ||
tato balena mahatā putras tava viśāṃ pate ||
jugopa bhīṣmam āsādya prārthayāno mahad yaśaḥ ||
tathaiva pāṇḍavā rājan puraskṛtya dhanaṃjayam ||
bhīṣmam evābhyavartanta jaye kṛtvā dṛḍhāṃ matim ||
tad yuddham abhavad ghoraṃ devānāṃ dānavair iva ||
jayaṃ ca kāṅkṣatāṃ nityaṃ yaśaś ca paramādbhutam ||
В бою разгневанный и могучий Бхарадваджа, словно смеясь, поразил Шайнею острыми стрелами в область ключицы. Тогда разгневанный Бхимасена, защищая Сатьяки от Дроны, лучшего из носящих оружие, поразил Бхарадваджу. Затем Дрона, Бхишма и Шалья, разгневанные, осыпали Бхимасену стрелами в бою, о почтенный. Тогда Абхиманью и сыновья Драупади, разгневавшись, поразили острыми стрелами всех этих воинов с поднятым оружием. А великий лучник Шикхандин в великой битве выступил навстречу разгневанным, наступающим и великосильным Бхишме и Дроне. Герой крепко взял громоподобный лук и быстро осыпал их стрелами, закрывая солнце. Но праотец Бхаратов, столкнувшись с Шикхандином, уклонился в сражении, вспоминая его женское прошлое. Тогда Дрона, побуждённый твоим сыном, напал на Шикхандина в бою, защищая Бхишму. Но Шикхандин, встретив Дрону, лучшего из носящих оружие, уклонился от него в сражении, словно от пылающего огня конца юги. Затем твой сын, о владыка людей, приблизившись к Бхишме, защитил его великой силой, стремясь к высокой славе. Так же и Пандавы, поставив впереди Дхананджаю, двинулись именно на Бхишму, твёрдо решив победить, о царь. То сражение стало страшным, словно битва богов с данавами, между теми, кто постоянно желал победы и высочайшей дивной славы».
f2b8d88dd2a3 · опубликовано 17 июл. 2026 г., 21:35:52 UTC
Доступно наRUENЛистайте стихи клавишами
Вокруг Бхишмы складывается узел взаимной защиты: Дрона прикрывает его от Шикхандина, Дурьодхана усиливает оборону, а Пандавы ставят впереди Арджуну. Бхишма остаётся центром боя, но его отказ сражаться с Шикхандином уже показывает будущую трещину в этой обороне.