संजय उवाच
ततो युधिष्ठिरो राजा मध्यं प्राप्ते दिवाकरे ॥
श्रुतायुषम् अभिप्रेक्ष्य चोदयाम् आस वाजिनः ॥
अभ्यधावत् ततो राजा श्रुतायुषम् अरिंदमम् ॥
विनिघ्नन् सायकैस् तीक्ष्णैर् नवभिर् नतपर्वभिः ॥
स संवार्य रणे राजा प्रेषितान् धर्मसूनुना ॥
शरान् सप्त महेष्वासः कौन्तेयाय समर्पयत् ॥
ते तस्य कवचं भित्त्वा पपुः शोणितम् आहवे ॥
असून् इव विचिन्वन्तो देहे तस्य महात्मनः ॥
पाण्डवस् तु भृशं विद्धस् तेन राज्ञा महात्मना ॥
रणे वराहकर्णेन राजानं हृदि विव्यधे ॥
अथापरेण भल्लेन केतुं तस्य महात्मनः ॥
रथश्रेष्ठो रथात् तूर्णं भूमौ पार्थो न्यपातयत् ॥
केतुं निपतितं दृष्ट्वा श्रुतायुः स तु पार्थिवः ॥
पाण्डवं विशिखैस् तीक्ष्णै राजन् विव्याध सप्तभिः ॥
ततः क्रोधात् प्रजज्वाल धर्मपुत्रो युधिष्ठिरः ॥
यथा युगान्ते भूतानि धक्ष्यन्न् इव हुताशनः ॥
क्रुद्धं तु पाण्डवं दृष्ट्वा देवगन्धर्वराक्षसाः ॥
प्रविव्यथुर् महाराज व्याकुलं चाप्य् अभूज् जगत् ॥
सर्वेषां चैव भूतानाम् इदम् आसीन् मनोगतम् ॥
त्रींल् लोकान् अद्य संक्रुद्धो नृपो ऽयं धक्ष्यतीति वै ॥
ऋषयश् चैव देवाश् च चक्रुः स्वस्त्ययनं महत् ॥
लोकानां नृप शान्त्यर्थं क्रोधिते पाण्डवे तदा ॥
स च क्रोधसमाविष्टः सृक्किणी परिलेलिहन् ॥
दधारात्मवपुर् घोरं युगान्तादित्यसंनिभम् ॥
ततः सर्वाणि सैन्यानि तावकानि विशां पते ॥
निराशान्य् अभवंस् तत्र जीवितं प्रति भारत ॥
स तु धैर्येण तं कोपं संनिवार्य महायशाः ॥
श्रुतायुषः प्रचिच्छेद मुष्टिदेशे महद् धनुः ॥
अथैनं छिन्नधन्वानं नाराचेन स्तनान्तरे ॥
निर्बिभेद रणे राजा सर्वसैन्यस्य पश्यतः ॥
सत्वरं चरणे राजंस् तस्य वाहान् महात्मनः ॥
निजघान शरैः क्षिप्रं सूतं च सुमहाबलः ॥
हताश्वं तु रथं त्यक्त्वा दृष्ट्वा राज्ञस् तु पौरुषम् ॥
विप्रदुद्राव वेगेन श्रुतायुः समरे तदा ॥
तस्मिञ् जिते महेष्वासे धर्मपुत्रेण संयुगे ॥
दुर्योधनबलं राजन् सर्वम् आसीत् पराङ्मुखम् ॥
एतत् कृत्वा महाराज धर्मपुत्रो युधिष्ठिरः ॥
व्यात्ताननो यथा कालस् तव सैन्यं जघान ह ॥
saṃjaya uvāca
tato yudhiṣṭhiro rājā madhyaṃ prāpte divākare ||
śrutāyuṣam abhiprekṣya codayām āsa vājinaḥ ||
abhyadhāvat tato rājā śrutāyuṣam ariṃdamam ||
vinighnan sāyakais tīkṣṇair navabhir nataparvabhiḥ ||
sa saṃvārya raṇe rājā preṣitān dharmasūnunā ||
śarān sapta maheṣvāsaḥ kaunteyāya samarpayat ||
te tasya kavacaṃ bhittvā papuḥ śoṇitam āhave ||
asūn iva vicinvanto dehe tasya mahātmanaḥ ||
pāṇḍavas tu bhṛśaṃ viddhas tena rājñā mahātmanā ||
raṇe varāhakarṇena rājānaṃ hṛdi vivyadhe ||
athāpareṇa bhallena ketuṃ tasya mahātmanaḥ ||
rathaśreṣṭho rathāt tūrṇaṃ bhūmau pārtho nyapātayat ||
ketuṃ nipatitaṃ dṛṣṭvā śrutāyuḥ sa tu pārthivaḥ ||
pāṇḍavaṃ viśikhais tīkṣṇai rājan vivyādha saptabhiḥ ||
tataḥ krodhāt prajajvāla dharmaputro yudhiṣṭhiraḥ ||
yathā yugānte bhūtāni dhakṣyann iva hutāśanaḥ ||
kruddhaṃ tu pāṇḍavaṃ dṛṣṭvā devagandharvarākṣasāḥ ||
pravivyathur mahārāja vyākulaṃ cāpy abhūj jagat ||
sarveṣāṃ caiva bhūtānām idam āsīn manogatam ||
trīṃl lokān adya saṃkruddho nṛpo 'yaṃ dhakṣyatīti vai ||
ṛṣayaś caiva devāś ca cakruḥ svastyayanaṃ mahat ||
lokānāṃ nṛpa śāntyarthaṃ krodhite pāṇḍave tadā ||
sa ca krodhasamāviṣṭaḥ sṛkkiṇī parilelihan ||
dadhārātmavapur ghoraṃ yugāntādityasaṃnibham ||
tataḥ sarvāṇi sainyāni tāvakāni viśāṃ pate ||
nirāśāny abhavaṃs tatra jīvitaṃ prati bhārata ||
sa tu dhairyeṇa taṃ kopaṃ saṃnivārya mahāyaśāḥ ||
śrutāyuṣaḥ praciccheda muṣṭideśe mahad dhanuḥ ||
athainaṃ chinnadhanvānaṃ nārācena stanāntare ||
nirbibheda raṇe rājā sarvasainyasya paśyataḥ ||
satvaraṃ caraṇe rājaṃs tasya vāhān mahātmanaḥ ||
nijaghāna śaraiḥ kṣipraṃ sūtaṃ ca sumahābalaḥ ||
hatāśvaṃ tu rathaṃ tyaktvā dṛṣṭvā rājñas tu pauruṣam ||
vipradudrāva vegena śrutāyuḥ samare tadā ||
tasmiñ jite maheṣvāse dharmaputreṇa saṃyuge ||
duryodhanabalaṃ rājan sarvam āsīt parāṅmukham ||
etat kṛtvā mahārāja dharmaputro yudhiṣṭhiraḥ ||
vyāttānano yathā kālas tava sainyaṃ jaghāna ha ||
Санджая сказал: «Когда солнце достигло полудня, царь Юдхиштхира, увидев Шрутаюшу, погнал коней. Затем царь бросился на Шрутаюшу, укротителя врагов, поражая его девятью острыми, хорошо сложенными стрелами. Но Шрутаюша, великий лучник, отразил в битве семь стрел, посланных сыном Дхармы, и вложил их в Каунтею. Они пробили его броню и в бою пили кровь из тела великодушного, словно разыскивая его жизненные силы. Пандава, тяжело раненный этим великодушным царём, в битве пронзил царя в сердце стрелой вараха-карна. Затем другой бхаллой Партха, лучший колесничий, быстро сбросил с колесницы на землю стяг этого великодушного. Увидев свой стяг павшим, царь Шрутаюша семью острыми стрелами пронзил Пандаву, о царь. Тогда Юдхиштхира, сын Дхармы, вспыхнул от гнева, словно огонь в конце юги, готовый сжечь существа. Увидев разгневанного Пандаву, боги, гандхарвы и ракшасы содрогнулись, великий царь, и мир пришёл в смятение. В умах всех существ возникла мысль: “Этот разгневанный царь сегодня сожжёт три мира”. Тогда риши и боги совершили великое благословение ради умиротворения миров, когда Пандава разгневался. Охваченный гневом, облизывая края рта, он принял страшный облик, подобный солнцу конца юги. Тогда все твои войска, владыка людей, потеряли надежду на жизнь. Но великославный Юдхиштхира стойкостью сдержал этот гнев, срезал у Шрутаюши большой лук у рукояти, затем на глазах всего войска пронзил его, оставшегося без лука, нарачей в грудь. Быстро действуя, могучий сын Дхармы стрелами убил коней этого великодушного и его возницу. Увидев мужество царя, Шрутаюша оставил колесницу без коней и тогда в битве стремительно бежал. Когда этот великий лучник был побеждён сыном Дхармы, всё войско Дурьодханы, царь, обратилось назад. Совершив это, Юдхиштхира, сын Дхармы, стал поражать твоё войско, словно Кала с раскрытой пастью».
437d9abb04b3 · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Гнев Юдхиштхиры здесь особенно значим: обычно он воплощает самообладание, но когда его праведность вспыхивает, даже небесные существа боятся за миры. Его величие не в отсутствии гнева, а в том, что он способен сдержать его и направить в точное действие.