अर्जुनो ऽथ सुशर्मादीन् राज्ञस् तान् सपदानुगान् ॥
विजित्य पृतनामध्ये ययौ स्वशिबिरं प्रति ॥
युधिष्ठिरो ऽपि कौरव्यो भ्रातृभ्यां सहितस् तदा ॥
ययौ स्वशिबिरं राजा निशायां सेनया वृतः ॥
भीमसेनो ऽपि राजेन्द्र दुर्योधनमुखान् रथान् ॥
अवजित्य ततः संख्ये ययौ स्वशिबिरं प्रति ॥
दुर्योधनो ऽपि नृपतिः परिवार्य महारणे ॥
भीष्मं शांतनवं तूर्णं प्रयातः शिबिरं प्रति ॥
द्रोणो द्रौणिः कृपः शल्यः कृतवर्मा च सात्वतः ॥
परिवार्य चमूं सर्वां प्रययुः शिबिरं प्रति ॥
तथैव सात्यकी राजन् धृष्टद्युम्नश् च पार्षतः ॥
परिवार्य रणे योधान् ययतुः शिबिरं प्रति ॥
एवम् एते महाराज तावकाः पाण्डवैः सह ॥
पर्यवर्तन्त सहिता निशाकाले परंतपाः ॥
ततः स्वशिबिरं गत्वा पाण्डवाः कुरवस् तथा ॥
न्यविशन्त महाराज पूजयन्तः परस्परम् ॥
रक्षां कृत्वात्मनः शूरा न्यस्य गुल्मान् यथाविधि ॥
अपनीय च शल्यांस् ते स्नात्वा च विविधैर् जलैः ॥
कृतस्वस्त्ययनाः सर्वे संस्तूयन्तश् च बन्दिभिः ॥
गीतवादित्रशब्देन व्यक्रीडन्त यशस्विनः ॥
मुहूर्तम् इव तत् सर्वम् अभवत् स्वर्गसंनिभम् ॥
न हि युद्धकथां कां चित् तत्र चक्रुर् महारथाः ॥
ते प्रसुप्ते बले तत्र परिश्रान्तजने नृप ॥
हस्त्यश्वबहुले राजन् प्रेक्षणीये बभूवतुः ॥
arjuno 'tha suśarmādīn rājñas tān sapadānugān ||
vijitya pṛtanāmadhye yayau svaśibiraṃ prati ||
yudhiṣṭhiro 'pi kauravyo bhrātṛbhyāṃ sahitas tadā ||
yayau svaśibiraṃ rājā niśāyāṃ senayā vṛtaḥ ||
bhīmaseno 'pi rājendra duryodhanamukhān rathān ||
avajitya tataḥ saṃkhye yayau svaśibiraṃ prati ||
duryodhano 'pi nṛpatiḥ parivārya mahāraṇe ||
bhīṣmaṃ śāṃtanavaṃ tūrṇaṃ prayātaḥ śibiraṃ prati ||
droṇo drauṇiḥ kṛpaḥ śalyaḥ kṛtavarmā ca sātvataḥ ||
parivārya camūṃ sarvāṃ prayayuḥ śibiraṃ prati ||
tathaiva sātyakī rājan dhṛṣṭadyumnaś ca pārṣataḥ ||
parivārya raṇe yodhān yayatuḥ śibiraṃ prati ||
evam ete mahārāja tāvakāḥ pāṇḍavaiḥ saha ||
paryavartanta sahitā niśākāle paraṃtapāḥ ||
tataḥ svaśibiraṃ gatvā pāṇḍavāḥ kuravas tathā ||
nyaviśanta mahārāja pūjayantaḥ parasparam ||
rakṣāṃ kṛtvātmanaḥ śūrā nyasya gulmān yathāvidhi ||
apanīya ca śalyāṃs te snātvā ca vividhair jalaiḥ ||
kṛtasvastyayanāḥ sarve saṃstūyantaś ca bandibhiḥ ||
gītavāditraśabdena vyakrīḍanta yaśasvinaḥ ||
muhūrtam iva tat sarvam abhavat svargasaṃnibham ||
na hi yuddhakathāṃ kāṃ cit tatra cakrur mahārathāḥ ||
te prasupte bale tatra pariśrāntajane nṛpa ||
hastyaśvabahule rājan prekṣaṇīye babhūvatuḥ ||
Затем Арджуна победил Сушармана и прочих царей вместе со спутниками посреди войска и направился к своему лагерю. Юдхиштхира, Каурава, тоже вместе с двумя братьями ночью пошёл в свой лагерь, окружённый войском. Бхимасена, царь царей, победив в бою колесничих во главе с Дурьодханой, также направился к своему лагерю. И царь Дурьодхана, окружив в великой битве Бхишму, сына Шантану, быстро пошёл к лагерю. Дрона, Драуни, Крипа, Шалья и Сатвата Критаварман, собрав всё войско, направились к лагерю. Так же Сатьяки, царь, и Паршата Дхриштадьюмна, собрав воинов в бою, пошли к лагерю. Так, великий царь, твои воины вместе с Пандавами, сокрушители врагов, к ночи повернули назад. Затем, придя в свои лагеря, Пандавы и Куру расположились, великий царь, почитая друг друга. Герои обеспечили себе охрану, расставили караулы как положено, извлекли стрелы, совершили омовения разными водами, исполнили благословительные обряды и, восхваляемые певцами, отдыхали под звуки песен и инструментов. На короткое время всё это стало подобно раю; махаратхи не вели там никаких разговоров о войне. Когда войско заснуло, царь, когда люди были изнурены, оба лагеря, полные слонов и коней, стали достойны созерцания».
078855a63789 · опубликовано 17 июл. 2026 г., 21:46:24 UTC
Доступно наRUENЛистайте стихи клавишами
После кровавой реки и ночных существ наступает почти райская пауза: омовения, музыка, взаимное почтение, запрет на разговоры о войне. Эта тишина не отменяет ужаса дня, но показывает, что даже среди разрушения воины ищут остаток порядка и человеческого достоинства.