संजय उवाच
परिणाम्य निशां तां तु सुखसुप्ता जनेश्वराः ॥
कुरवः पाण्डवाश् चैव पुनर् युद्धाय निर्ययुः ॥
ततः शब्दो महान् आसीत् सेनयोर् उभयोर् अपि ॥
निर्गच्छमानयोः संख्ये सागरप्रतिमो महान् ॥
ततो दुर्योधनो राजा चित्रसेनो विविंशतिः ॥
भीष्मश् च रथिनां श्रेष्ठो भारद्वाजश् च वै द्विजः ॥
एकीभूताः सुसंयत्ताः कौरवाणां महाचमूः ॥
व्यूहाय विदधू राजन् पाण्डवान् प्रति दंशिताः ॥
भीष्मः कृत्वा महाव्यूहं पिता तव विशां पते ॥
सागरप्रतिमं घोरं वाहनोर्मितरङ्गिणम् ॥
अग्रतः सर्वसैन्यानां भीष्मः शांतनवो ययौ ॥
मालवैर् दाक्षिणात्यैश् च आवन्त्यैश् च समन्वितः ॥
ततो ऽनन्तरम् एवासीद् भारद्वाजः प्रतापवान् ॥
पुलिन्दैः पारदैश् चैव तथा क्षुद्रकमालवैः ॥
द्रोणाद् अनन्तरं यत्तो भगदत्तः प्रतापवान् ॥
मागधैश् च कलिङ्गैश् च पिशाचैश् च विशां पते ॥
प्राग्ज्योतिषाद् अनु नृपः कौसल्यो ऽथ बृहद्बलः ॥
मेकलैस् त्रैपुरैश् चैव चिच्छिलैश् च समन्वितः ॥
बृहद्बलात् ततः शूरस् त्रिगर्तः प्रस्थलाधिपः ॥
काम्बोजैर् बहुभिः सार्धं यवनैश् च सहस्रशः ॥
द्रौणिस् तु रभसः शूरस् त्रिगर्ताद् अनु भारत ॥
प्रययौ सिंहनादेन नादयानो धरातलम् ॥
तथा सर्वेण सैन्येन राजा दुर्योधनस् तदा ॥
द्रौणेर् अनन्तरं प्रायात् सोदर्यैः परिवारितः ॥
दुर्योधनाद् अनु कृपस् ततः शारद्वतो ययौ ॥
एवम् एष महाव्यूहः प्रययौ सागरोपमः ॥
रेजुस् तत्र पताकाश् च श्वेतच्छत्राणि चाभिभो ॥
अङ्गदान्य् अथ चित्राणि महार्हाणि धनूंषि च ॥
saṃjaya uvāca
pariṇāmya niśāṃ tāṃ tu sukhasuptā janeśvarāḥ ||
kuravaḥ pāṇḍavāś caiva punar yuddhāya niryayuḥ ||
tataḥ śabdo mahān āsīt senayor ubhayor api ||
nirgacchamānayoḥ saṃkhye sāgarapratimo mahān ||
tato duryodhano rājā citraseno viviṃśatiḥ ||
bhīṣmaś ca rathināṃ śreṣṭho bhāradvājaś ca vai dvijaḥ ||
ekībhūtāḥ susaṃyattāḥ kauravāṇāṃ mahācamūḥ ||
vyūhāya vidadhū rājan pāṇḍavān prati daṃśitāḥ ||
bhīṣmaḥ kṛtvā mahāvyūhaṃ pitā tava viśāṃ pate ||
sāgarapratimaṃ ghoraṃ vāhanormitaraṅgiṇam ||
agrataḥ sarvasainyānāṃ bhīṣmaḥ śāṃtanavo yayau ||
mālavair dākṣiṇātyaiś ca āvantyaiś ca samanvitaḥ ||
tato 'nantaram evāsīd bhāradvājaḥ pratāpavān ||
pulindaiḥ pāradaiś caiva tathā kṣudrakamālavaiḥ ||
droṇād anantaraṃ yatto bhagadattaḥ pratāpavān ||
māgadhaiś ca kaliṅgaiś ca piśācaiś ca viśāṃ pate ||
prāgjyotiṣād anu nṛpaḥ kausalyo 'tha bṛhadbalaḥ ||
mekalais traipuraiś caiva cicchilaiś ca samanvitaḥ ||
bṛhadbalāt tataḥ śūras trigartaḥ prasthalādhipaḥ ||
kāmbojair bahubhiḥ sārdhaṃ yavanaiś ca sahasraśaḥ ||
drauṇis tu rabhasaḥ śūras trigartād anu bhārata ||
prayayau siṃhanādena nādayāno dharātalam ||
tathā sarveṇa sainyena rājā duryodhanas tadā ||
drauṇer anantaraṃ prāyāt sodaryaiḥ parivāritaḥ ||
duryodhanād anu kṛpas tataḥ śāradvato yayau ||
evam eṣa mahāvyūhaḥ prayayau sāgaropamaḥ ||
rejus tatra patākāś ca śvetacchatrāṇi cābhibho ||
aṅgadāny atha citrāṇi mahārhāṇi dhanūṃṣi ca ||
Санджая сказал: «Когда та ночь миновала, цари, хорошо отдохнувшие во сне, Куру и Пандавы снова вышли на битву. Тогда в обеих армиях, выступавших к сражению, поднялся великий гром, подобный океану. Затем царь Дурьодхана, Читрасена, Вивиншати, Бхишма, лучший из колесничих, и брахман Бхарадваджа-Дрона, объединившись и хорошо приготовившись, составили для великой армии Кауравов боевой строй против Пандавов, о царь. Бхишма, твой праотец, владыка народов, создал огромный и страшный строй, подобный океану, с волнующимися рядами боевых повозок. Во главе всех войск выступил Бхишма, сын Шантану, вместе с Малавами, южанами и Авантийцами. Сразу за ним стоял доблестный Дрона с Пулиндами, Парадами и Кшудрака-Малавами. За Дроной, собранный и могучий, шёл Бхагадатта с Магадхами, Калингами и Пишачами, владыка народов. Следом за царём Прагджьотиши выступил Брихадбала из Косалы вместе с Мекалами, Трайпурами и Чиччилами. После Брихадбалы шёл герой, тригартский владыка Прастхалы, со многими Камбоджами и тысячами Яванов. А за Тригартом, о Бхарата, двинулся стремительный герой Ашваттхаман, сын Дроны, с львиным рёвом, оглашая поверхность земли. Следом за Ашваттхаманом пошёл царь Дурьодхана со всем войском, окружённый родными братьями. За Дурьодханой выступил Крипа, сын Шарадвана. Так этот великий строй, подобный океану, двинулся вперёд. Там сияли знамёна, белые царские зонты, пёстрые наручи и драгоценные луки».
8c525f2b2c6b · опубликовано 17 июл. 2026 г., 21:46:24 UTC
Доступно наRUENЛистайте стихи клавишами
Утро начинается не с личных поединков, а с организации целого мира войны: каждый правитель занимает место в огромном строю, похожем на океан. Стих подчёркивает, как внешняя красота царской силы — знамёна, зонты, драгоценные луки — соседствует с готовностью снова войти в разрушение.