संजय उवाच
भीष्मं तु समरे क्रुद्धं प्रतपन्तं समन्ततः ॥
न शेकुः पाण्डवा द्रष्टुं तपन्तम् इव भास्करम् ॥
ततः सर्वाणि सैन्यानि धर्मपुत्रस्य शासनात् ॥
अभ्यद्रवन्त गाङ्गेयं मर्दयन्तं शितैः शरैः ॥
स तु भीष्मो रणश्लाघी सोमकान् सहसृञ्जयान् ॥
पाञ्चालांश् च महेष्वासान् पातयाम् आस सायकैः ॥
ते वध्यमाना भीष्मेण पाञ्चालाः सोमकैः सह ॥
भीष्मम् एवाभ्ययुस् तूर्णं त्यक्त्वा मृत्युकृतं भयम् ॥
स तेषां रथिनां वीरो भीष्मः शांतनवो युधि ॥
चिच्छेद सहसा राजन् बाहून् अथ शिरांसि च ॥
विरथान् रथिनश् चक्रे पिता देवव्रतस् तव ॥
पतितान्य् उत्तमाङ्गानि हयेभ्यो हयसादिनाम् ॥
निर्मनुष्यांश् च मातङ्गाञ् शयानान् पर्वतोपमान् ॥
अपश्याम महाराज भीष्मास्त्रेण प्रमोहितान् ॥
न तत्रासीत् पुमान् कश् चित् पाण्डवानां विशां पते ॥
अन्यत्र रथिनां श्रेष्ठाद् भीमसेनान् महाबलात् ॥
स हि भीष्मं समासाद्य ताडयाम् आस संयुगे ॥
ततो निष्टानको घोरो भीष्मभीमसमागमे ॥
बभूव सर्वसैन्यानां घोररूपो भयानकः ॥
तथैव पाण्डवा हृष्टाः सिंहनादम् अथानदन् ॥
saṃjaya uvāca
bhīṣmaṃ tu samare kruddhaṃ pratapantaṃ samantataḥ ||
na śekuḥ pāṇḍavā draṣṭuṃ tapantam iva bhāskaram ||
tataḥ sarvāṇi sainyāni dharmaputrasya śāsanāt ||
abhyadravanta gāṅgeyaṃ mardayantaṃ śitaiḥ śaraiḥ ||
sa tu bhīṣmo raṇaślāghī somakān sahasṛñjayān ||
pāñcālāṃś ca maheṣvāsān pātayām āsa sāyakaiḥ ||
te vadhyamānā bhīṣmeṇa pāñcālāḥ somakaiḥ saha ||
bhīṣmam evābhyayus tūrṇaṃ tyaktvā mṛtyukṛtaṃ bhayam ||
sa teṣāṃ rathināṃ vīro bhīṣmaḥ śāṃtanavo yudhi ||
ciccheda sahasā rājan bāhūn atha śirāṃsi ca ||
virathān rathinaś cakre pitā devavratas tava ||
patitāny uttamāṅgāni hayebhyo hayasādinām ||
nirmanuṣyāṃś ca mātaṅgāñ śayānān parvatopamān ||
apaśyāma mahārāja bhīṣmāstreṇa pramohitān ||
na tatrāsīt pumān kaś cit pāṇḍavānāṃ viśāṃ pate ||
anyatra rathināṃ śreṣṭhād bhīmasenān mahābalāt ||
sa hi bhīṣmaṃ samāsādya tāḍayām āsa saṃyuge ||
tato niṣṭānako ghoro bhīṣmabhīmasamāgame ||
babhūva sarvasainyānāṃ ghorarūpo bhayānakaḥ ||
tathaiva pāṇḍavā hṛṣṭāḥ siṃhanādam athānadan ||
Санджая сказал: «Пандавы не могли смотреть на разгневанного Бхишму, палившего в битве со всех сторон, словно на сияющее солнце. Тогда по приказу сына Дхармы все войска устремились на Гангею, который сокрушал их острыми стрелами. Но Бхишма, славный в бою, стрелами ронял Сомаков вместе со Сринджаями и великих лучников Панчалов. Поражаемые Бхишмой, Панчалы вместе с Сомаками отбросили страх смерти и быстро пошли прямо на него. Этот герой среди колесничих, Бхишма, сын Шантану, внезапно отсекал им в бою руки и головы, о царь. Деваврата, твой праотец, лишал колесниц колесничих; мы видели головы всадников, упавшие с коней, и слонов без погонщиков, лежащих, словно горы, ошеломлённых оружием Бхишмы, великий царь. Среди Пандавов там не было никого, владыка народов, кроме могучего Бхимасены, лучшего из колесничих. Он приблизился к Бхишме и ударил его в сражении. Тогда при встрече Бхишмы и Бхимы среди всех войск поднялся страшный и пугающий грохот; Пандавы же, воодушевившись, издали львиный рёв».
790cb81fb568 · опубликовано 17 июл. 2026 г., 21:46:24 UTC
Доступно наRUENЛистайте стихи клавишами
Бхишма показан как ослепительное и почти нестерпимое могущество: на него трудно даже смотреть. Но в этой тьме страха Бхима становится точкой сопротивления, и один его удар возвращает Пандавам голос.