ततः प्रववृते युद्धं तुमुलं लोमहर्षणम् ॥
राक्षसानां च राजेन्द्र दुर्योधनबलस्य च ॥
गजानीकं च संप्रेक्ष्य मेघवृन्दम् इवोद्यतम् ॥
अभ्यधावन्त संक्रुद्धा राक्षसाः शस्त्रपाणयः ॥
नदन्तो विविधान् नादान् मेघा इव सविद्युतः ॥
शरशक्त्यृष्टिनाराचैर् निघ्नन्तो गजयोधिनः ॥
भिण्डिपालैस् तथा शूलैर् मुद्गरैः सपरश्वधैः ॥
पर्वताग्रैश् च वृक्षैश् च निजघ्नुस् ते महागजान् ॥
भिन्नकुम्भान् विरुधिरान् भिन्नगात्रांश् च वारणान् ॥
अपश्याम महाराज वध्यमानान् निशाचरैः ॥
तेषु प्रक्षीयमाणेषु भग्नेषु गजयोधिषु ॥
दुर्योधनो महाराज राक्षसान् समुपाद्रवत् ॥
अमर्षवशम् आपन्नस् त्यक्त्वा जीवितम् आत्मनः ॥
मुमोच निशितान् बाणान् राक्षसेषु महाबलः ॥
जघान च महेष्वासः प्रधानांस् तत्र राक्षसान् ॥
संक्रुद्धो भरतश्रेष्ठ पुत्रो दुर्योधनस् तव ॥
वेगवन्तं महारौद्रं विद्युज्जिह्वं प्रमाथिनम् ॥
शरैश् चतुर्भिश् चतुरो निजघान महारथः ॥
ततः पुनर् अमेयात्मा शरवर्षं दुरासदम् ॥
मुमोच भरतश्रेष्ठ निशाचरबलं प्रति ॥
तत् तु दृष्ट्वा महत् कर्म पुत्रस्य तव मारिष ॥
क्रोधेनाभिप्रजज्वाल भैमसेनिर् महाबलः ॥
विस्फार्य च महच् चापम् इन्द्राशनिसमस्वनम् ॥
अभिदुद्राव वेगेन दुर्योधनम् अरिंदमम् ॥
तम् आपतन्तम् उद्वीक्ष्य कालसृष्टम् इवान्तकम् ॥
न विव्यथे महाराज पुत्रो दुर्योधनस् तव ॥
tataḥ pravavṛte yuddhaṃ tumulaṃ lomaharṣaṇam ||
rākṣasānāṃ ca rājendra duryodhanabalasya ca ||
gajānīkaṃ ca saṃprekṣya meghavṛndam ivodyatam ||
abhyadhāvanta saṃkruddhā rākṣasāḥ śastrapāṇayaḥ ||
nadanto vividhān nādān meghā iva savidyutaḥ ||
śaraśaktyṛṣṭinārācair nighnanto gajayodhinaḥ ||
bhiṇḍipālais tathā śūlair mudgaraiḥ saparaśvadhaiḥ ||
parvatāgraiś ca vṛkṣaiś ca nijaghnus te mahāgajān ||
bhinnakumbhān virudhirān bhinnagātrāṃś ca vāraṇān ||
apaśyāma mahārāja vadhyamānān niśācaraiḥ ||
teṣu prakṣīyamāṇeṣu bhagneṣu gajayodhiṣu ||
duryodhano mahārāja rākṣasān samupādravat ||
amarṣavaśam āpannas tyaktvā jīvitam ātmanaḥ ||
mumoca niśitān bāṇān rākṣaseṣu mahābalaḥ ||
jaghāna ca maheṣvāsaḥ pradhānāṃs tatra rākṣasān ||
saṃkruddho bharataśreṣṭha putro duryodhanas tava ||
vegavantaṃ mahāraudraṃ vidyujjihvaṃ pramāthinam ||
śaraiś caturbhiś caturo nijaghāna mahārathaḥ ||
tataḥ punar ameyātmā śaravarṣaṃ durāsadam ||
mumoca bharataśreṣṭha niśācarabalaṃ prati ||
tat tu dṛṣṭvā mahat karma putrasya tava māriṣa ||
krodhenābhiprajajvāla bhaimasenir mahābalaḥ ||
visphārya ca mahac cāpam indrāśanisamasvanam ||
abhidudrāva vegena duryodhanam ariṃdamam ||
tam āpatantam udvīkṣya kālasṛṣṭam ivāntakam ||
na vivyathe mahārāja putro duryodhanas tava ||
Тогда началась шумная, волосы поднимающая битва между ракшасами и войском Дурьодханы, царь царей. Увидев слоновий строй, поднявшийся словно гряда туч, разгневанные ракшасы с оружием в руках устремились вперёд. Ревя разными голосами, как тучи с молниями, они поражали бойцов на слонах стрелами, шакти, ришти и нарачами. Бхиндипалами, шūлами, палицами, секирами, горными вершинами и деревьями они убивали огромных слонов. Мы видели, великий царь, как ракшасы поражали слонов с разбитыми висками, окровавленных, с раздробленными телами. Когда слоновий отряд истощался и бойцы на слонах были разбиты, Дурьодхана, великий царь, устремился на ракшасов. Охваченный негодованием и пренебрёгший собственной жизнью, могучий воин выпустил в ракшасов острые стрелы. Твой сын Дурьодхана, великий лучник, в ярости сразил там главных ракшасов, о лучший из Бхаратов: Вегаванта, грозного Видьюджихву, Праматхина и ещё одного героя он убил четырьмя стрелами. Затем неизмеримый духом Дурьодхана выпустил против войска ночных скитальцев неодолимый ливень стрел. Увидев этот великий подвиг твоего сына, почтенный, могучий сын Бхимасены вспыхнул гневом. Натянув огромный лук, звучавший как ваджра Индры, он стремительно бросился на Дурьодхану, смирителя врагов. Увидев, что тот наступает, словно Смерть, посланная Калой, твой сын Дурьодхана, великий царь, не дрогнул».
7791398e6969 · опубликовано 17 июл. 2026 г., 21:46:25 UTC
Доступно наRUENЛистайте стихи клавишами
Дурьодхана здесь не лишён личной храбрости: он действительно выходит против ужаса ракшасов и держит удар. Но храбрость без правого основания не очищает прошлую вину, поэтому подвиг лишь приближает встречу с гневом Гхатоткачи.