Санджая
संजय उवाच
विमुखीकृत्य तान् सर्वांस् तावकान् युधि राक्षसः ॥
जिघांसुर् भरतश्रेष्ठ दुर्योधनम् उपाद्रवत् ॥
तम् आपतन्तं संप्रेक्ष्य राजानं प्रति वेगितम् ॥
अभ्यधावज् जिघांसन्तस् तावका युद्धदुर्मदाः ॥
तालमात्राणि चापानि विकर्षन्तो महाबलाः ॥
तम् एकम् अभ्यधावन्त नदन्तः सिंहसंघवत् ॥
अथैनं शरवर्षेण समन्तात् पर्यवारयन् ॥
पर्वतं वारिधाराभिः शरदीव बलाहकाः ॥
स गाढविद्धो व्यथितस् तोत्त्रार्दित इव द्विपः ॥
उत्पपात तदाकाशं समन्ताद् वैनतेयवत् ॥
व्यनदत् सुमहानादं जीमूत इव शारदः ॥
दिशः खं प्रदिशश् चैव नादयन् भैरवस्वनः ॥
राक्षसस्य तु तं शब्दं श्रुत्वा राजा युधिष्ठिरः ॥
उवाच भरतश्रेष्ठो भीमसेनम् इदं वचः ॥
युध्यते राक्षसो नूनं धार्तराष्ट्रैर् महारथैः ॥
यथास्य श्रूयते शब्दो नदतो भैरवं स्वनम् ॥
अतिभारं च पश्यामि तत्र तात समाहितम् ॥
पितामहश् च संक्रुद्धः पाञ्चालान् हन्तुम् उद्यतः ॥
तेषां च रक्षणार्थाय युध्यते फल्गुनः परैः ॥
एतच् छ्रुत्वा महाबाहो कार्यद्वयम् उपस्थितम् ॥
गच्छ रक्षस्व हैडिम्बं संशयं परमं गतम् ॥
saṃjaya uvāca
vimukhīkṛtya tān sarvāṃs tāvakān yudhi rākṣasaḥ ||
jighāṃsur bharataśreṣṭha duryodhanam upādravat ||
tam āpatantaṃ saṃprekṣya rājānaṃ prati vegitam ||
abhyadhāvaj jighāṃsantas tāvakā yuddhadurmadāḥ ||
tālamātrāṇi cāpāni vikarṣanto mahābalāḥ ||
tam ekam abhyadhāvanta nadantaḥ siṃhasaṃghavat ||
athainaṃ śaravarṣeṇa samantāt paryavārayan ||
parvataṃ vāridhārābhiḥ śaradīva balāhakāḥ ||
sa gāḍhaviddho vyathitas tottrārdita iva dvipaḥ ||
utpapāta tadākāśaṃ samantād vainateyavat ||
vyanadat sumahānādaṃ jīmūta iva śāradaḥ ||
diśaḥ khaṃ pradiśaś caiva nādayan bhairavasvanaḥ ||
rākṣasasya tu taṃ śabdaṃ śrutvā rājā yudhiṣṭhiraḥ ||
uvāca bharataśreṣṭho bhīmasenam idaṃ vacaḥ ||
yudhyate rākṣaso nūnaṃ dhārtarāṣṭrair mahārathaiḥ ||
yathāsya śrūyate śabdo nadato bhairavaṃ svanam ||
atibhāraṃ ca paśyāmi tatra tāta samāhitam ||
pitāmahaś ca saṃkruddhaḥ pāñcālān hantum udyataḥ ||
teṣāṃ ca rakṣaṇārthāya yudhyate phalgunaḥ paraiḥ ||
etac chrutvā mahābāho kāryadvayam upasthitam ||
gaccha rakṣasva haiḍimbaṃ saṃśayaṃ paramaṃ gatam ||
Санджая сказал: «Обратив в бегство всех твоих воинов в бою, ракшас, желая убить Дурьодхану, устремился на него, о лучший из Бхаратов. Увидев, что он несётся к царю, твои воины, неистовые в битве, побежали на него, стремясь сразить. Могучие, натягивая огромные луки, они устремились на него одного, рыча словно стая львов. Затем они со всех сторон покрыли его ливнем стрел, как осенние облака покрывают гору потоками воды. Глубоко пронзённый и мучимый, словно слон, терзаемый стрекалом, он тогда взлетел в небо, подобно Вайнатее, и издал огромный рёв, как осенняя туча, оглашая страшным звуком стороны света, пространство и все направления. Услышав этот голос ракшаса, царь Юдхиштхира, лучший из Бхаратов, сказал Бхимасене: “Несомненно, ракшас сражается с махаратхами Дхритараштры: так слышен его грозный рёв. Я вижу, дорогой, что там сосредоточена чрезмерная опасность. И праотец Бхишма в гневе готов убивать Панчалов, а ради их защиты Фалгуна сражается с врагами. Услышав это, сильнорукий, пойми: перед нами две задачи. Иди и защити Хайдимбу, попавшего в крайнюю опасность”».
86264e9b2e3e · опубликовано 17 июл. 2026 г., 21:46:25 UTC
Доступно наRUENЛистайте стихи клавишами
Юдхиштхира мгновенно оценивает поле: Гхатоткача в опасности, но Арджуна уже связан защитой Панчалов от Бхишмы. Его решение показывает царскую способность видеть не отдельный порыв, а всю структуру долга на поле боя.