एष पाण्डुसुतस् तात श्वेताश्वः कृष्णसारथिः ॥
दहते मामकान् सर्वान् कृष्णवर्त्मेव काननम् ॥
पश्य सैन्यानि गाङ्गेय द्रवमाणानि सर्वशः ॥
पाण्डवेन युधां श्रेष्ठ काल्यमानानि संयुगे ॥
यथा पशुगणान् पालः संकालयति कानने ॥
तथेदं मामकं सैन्यं काल्यते शत्रुतापन ॥
धनंजयशरैर् भग्नं द्रवमाणम् इतस् ततः ॥
भीमो ह्य् एष दुराधर्षो विद्रावयति मे बलम् ॥
सात्यकिश् चेकितानश् च माद्रीपुत्रौ च पाण्डवौ ॥
अभिमन्युश् च विक्रान्तो वाहिनीं दहते मम ॥
धृष्टद्युम्नस् तथा शूरो राक्षसश् च घटोत्कचः ॥
व्यद्रावयेतां सहसा सैन्यं मम महाबलौ ॥
वध्यमानस्य सैन्यस्य सर्वैर् एतैर् महाबलैः ॥
नान्यां गतिं प्रपश्यामि स्थाने युद्धे च भारत ॥
ऋते त्वां पुरुषव्याघ्र देवतुल्यपराक्रम ॥
पर्याप्तश् च भवान् क्षिप्रं पीडितानां गतिर् भव ॥
eṣa pāṇḍusutas tāta śvetāśvaḥ kṛṣṇasārathiḥ ||
dahate māmakān sarvān kṛṣṇavartmeva kānanam ||
paśya sainyāni gāṅgeya dravamāṇāni sarvaśaḥ ||
pāṇḍavena yudhāṃ śreṣṭha kālyamānāni saṃyuge ||
yathā paśugaṇān pālaḥ saṃkālayati kānane ||
tathedaṃ māmakaṃ sainyaṃ kālyate śatrutāpana ||
dhanaṃjayaśarair bhagnaṃ dravamāṇam itas tataḥ ||
bhīmo hy eṣa durādharṣo vidrāvayati me balam ||
sātyakiś cekitānaś ca mādrīputrau ca pāṇḍavau ||
abhimanyuś ca vikrānto vāhinīṃ dahate mama ||
dhṛṣṭadyumnas tathā śūro rākṣasaś ca ghaṭotkacaḥ ||
vyadrāvayetāṃ sahasā sainyaṃ mama mahābalau ||
vadhyamānasya sainyasya sarvair etair mahābalaiḥ ||
nānyāṃ gatiṃ prapaśyāmi sthāne yuddhe ca bhārata ||
ṛte tvāṃ puruṣavyāghra devatulyaparākrama ||
paryāptaś ca bhavān kṣipraṃ pīḍitānāṃ gatir bhava ||
«Отец, вот сын Панду с белыми конями, чей возница Кришна, сжигает всех моих воинов, словно огонь — лес. Посмотри, Гангей, как войска повсюду бегут, гонимые в сражении Пандавой, лучшим из воинов. Как пастух сгоняет стада животных в лесу, так это моё войско гонит враг, о мучитель противников. Разбитое стрелами Дхананджаи, оно бежит туда и сюда. Вот неприступный Бхима рассеивает мою силу. Сатьяки, Чекитана, оба сына Мадри, Пандавы, и доблестный Абхиманью палят мою армию. Храбрый Дхриштадьюмна и могучий ракшас Гхатоткача внезапно разогнали моё войско. Когда армия избивается всеми этими могучими, о Бхарата, я не вижу иного прибежища ни в строю, ни в бою, кроме тебя, тигр среди людей, чья доблесть равна богам. Ты один способен помочь: быстро стань прибежищем для измученных».
c9fc26532520 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
В словах Дурьодханы снова слышна зависимость от силы Бхишмы. Он перечисляет героев Пандавов не ради похвалы, а как признание того, что собственная армия без питамахи рушится.