चित्रसेनो महाराज चेकितानं समभ्ययात् ॥
भीष्मप्रेप्सुं रणे यान्तं वृषं व्याघ्रशिशुर् यथा ॥
धृष्टद्युम्नं महाराज भीष्मान्तिकम् उपागतम् ॥
त्वरमाणो रणे यत्तं कृतवर्मा न्यवारयत् ॥
भीमसेनं सुसंक्रुद्धं गाङ्गेयस्य वधैषिणम् ॥
त्वरमाणो महाराज सौमदत्तिर् न्यवारयत् ॥
तथैव नकुलं वीरं किरन्तं सायकान् बहून् ॥
विकर्णो वारयाम् आस इच्छन् भीष्मस्य जीवितम् ॥
सहदेवं तथा यान्तं यत्तं भीष्मरथं प्रति ॥
वारयाम् आस संक्रुद्धः कृपः शारद्वतो युधि ॥
राक्षसं क्रूरकर्माणं भैमसेनिं महाबलम् ॥
भीष्मस्य निधनं प्रेप्सुं दुर्मुखो ऽभ्यद्रवद् बली ॥
सात्यकिं समरे क्रुद्धम् आर्श्यशृङ्गिर् अवारयत् ॥
अभिमन्युं महाराज यान्तं भीष्मरथं प्रति ॥
सुदक्षिणो महाराज काम्बोजः प्रत्यवारयत् ॥
विराटद्रुपदौ वृद्धौ समेताव् अरिमर्दनौ ॥
अश्वत्थामा ततः क्रुद्धो वारयाम् आस भारत ॥
तथा पाण्डुसुतं ज्येष्ठं भीष्मस्य वधकाङ्क्षिणम् ॥
भारद्वाजो रणे यत्तो धर्मपुत्रम् अवारयत् ॥
अर्जुनं रभसं युद्धे पुरस्कृत्य शिखण्डिनम् ॥
भीष्मप्रेप्सुं महाराज तापयन्तं दिशो दश ॥
दुःशासनो महेष्वासो वारयाम् आस संयुगे ॥
अन्ये च तावका योधाः पाण्डवानां महारथान् ॥
भीष्मायाभिमुखं यातान् वारयाम् आसुर् आहवे ॥
citraseno mahārāja cekitānaṃ samabhyayāt ||
bhīṣmaprepsuṃ raṇe yāntaṃ vṛṣaṃ vyāghraśiśur yathā ||
dhṛṣṭadyumnaṃ mahārāja bhīṣmāntikam upāgatam ||
tvaramāṇo raṇe yattaṃ kṛtavarmā nyavārayat ||
bhīmasenaṃ susaṃkruddhaṃ gāṅgeyasya vadhaiṣiṇam ||
tvaramāṇo mahārāja saumadattir nyavārayat ||
tathaiva nakulaṃ vīraṃ kirantaṃ sāyakān bahūn ||
vikarṇo vārayām āsa icchan bhīṣmasya jīvitam ||
sahadevaṃ tathā yāntaṃ yattaṃ bhīṣmarathaṃ prati ||
vārayām āsa saṃkruddhaḥ kṛpaḥ śāradvato yudhi ||
rākṣasaṃ krūrakarmāṇaṃ bhaimaseniṃ mahābalam ||
bhīṣmasya nidhanaṃ prepsuṃ durmukho 'bhyadravad balī ||
sātyakiṃ samare kruddham ārśyaśṛṅgir avārayat ||
abhimanyuṃ mahārāja yāntaṃ bhīṣmarathaṃ prati ||
sudakṣiṇo mahārāja kāmbojaḥ pratyavārayat ||
virāṭadrupadau vṛddhau sametāv arimardanau ||
aśvatthāmā tataḥ kruddho vārayām āsa bhārata ||
tathā pāṇḍusutaṃ jyeṣṭhaṃ bhīṣmasya vadhakāṅkṣiṇam ||
bhāradvājo raṇe yatto dharmaputram avārayat ||
arjunaṃ rabhasaṃ yuddhe puraskṛtya śikhaṇḍinam ||
bhīṣmaprepsuṃ mahārāja tāpayantaṃ diśo daśa ||
duḥśāsano maheṣvāso vārayām āsa saṃyuge ||
anye ca tāvakā yodhāḥ pāṇḍavānāṃ mahārathān ||
bhīṣmāyābhimukhaṃ yātān vārayām āsur āhave ||
Читрасена, великий царь, выступил против Чекитаны, который шёл в бою к Бхишме, словно молодой тигр против быка. Критаварман сдержал Дхриштадьюмну, который, спеша и собравшись в бою, подошёл близко к Бхишме. Саумадатти, великий царь, остановил сильно разгневанного Бхимасену, стремившегося к гибели Гангеи. Так же Викарна, желая сохранить жизнь Бхишмы, сдержал героя Накулу, рассыпавшего множество стрел. Разгневанный Крипа Шарадвата в бою остановил Сахадеву, собранно шедшего к колеснице Бхишмы. Сильный Дурмукха бросился на могучего сына Бхимасены, ракшаса жестоких дел, стремившегося к гибели Бхишмы. Аршьяшринги сдержал разгневанного Сатьяки в бою. Судакшина, царь Камбоджи, остановил Абхиманью, шедшего к колеснице Бхишмы. Затем разгневанный Ашваттхаман сдержал старцев Вирату и Друпаду, двух сокрушителей врагов. Дрона, сын Бхарадваджи, собранный в бою, остановил старшего сына Панду, сына Дхармы, стремившегося сразить Бхишму. Великолучник Духшасана в сражении сдержал стремительного Арджуну, который поставил впереди Шикханди, жаждал добраться до Бхишмы и палил все десять сторон. И другие твои воины в битве сдерживали махаратхов Пандавов, шедших прямо к Бхишме».
9cd33d35c668 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Кауравы выстраивают живую стену вокруг Бхишмы: каждому Пандавскому герою противопоставлен защитник. Особенно важно, что именно Духшасана берёт на себя задержку Арджуны.