सहदेवं तथा यान्तं कृपः शारद्वतो ऽभ्ययात् ॥
यथा नागो वने नागं मत्तो मत्तम् उपाद्रवत् ॥
कृपश् च समरे राजन् माद्रीपुत्रं महारथम् ॥
आजघान शरैस् तूर्णं सप्तत्या रुक्मभूषणैः ॥
तस्य माद्रीसुतश् चापं द्विधा चिच्छेद सायकैः ॥
अथैनं छिन्नधन्वानं विव्याध नवभिः शरैः ॥
सो ऽन्यत् कार्मुकम् आदाय समरे भारसाधनम् ॥
माद्रीपुत्रं सुसंहृष्टो दशभिर् निशितैः शरैः ॥
आजघानोरसि क्रुद्ध इच्छन् भीष्मस्य जीवितम् ॥
तथैव पाण्डवो राजञ् शारद्वतम् अमर्षणम् ॥
आजघानोरसि क्रुद्धो भीष्मस्य वधकाङ्क्षया ॥
तयोर् युद्धं समभवद् घोररूपं भयावहम् ॥
नकुलं तु रणे क्रुद्धं विकर्णः शत्रुतापनः ॥
विव्याध सायकैः षष्ट्या रक्षन् भीष्मस्य जीवितम् ॥
नकुलो ऽपि भृशं विद्धस् तव पुत्रेण धन्विना ॥
विकर्णं सप्तसप्तत्या निर्बिभेद शिलीमुखैः ॥
तत्र तौ नरशार्दूलौ भीष्महेतोः परंतपौ ॥
अन्योन्यं जघ्नतुर् वीरौ गोष्ठे गोवृषभाव् इव ॥
घटोत्कचं रणे यत्तं निघ्नन्तं तव वाहिनीम् ॥
दुर्मुखः समरे प्रायाद् भीष्महेतोः पराक्रमी ॥
हैडिम्बस् तु ततो राजन् दुर्मुखं शत्रुतापनम् ॥
आजघानोरसि क्रुद्धो नवत्या निशितैः शरैः ॥
भीमसेनसुतं चापि दुर्मुखः सुमुखैः शरैः ॥
षष्ट्या वीरो नदन् हृष्टो विव्याध रणमूर्धनि ॥
sahadevaṃ tathā yāntaṃ kṛpaḥ śāradvato 'bhyayāt ||
yathā nāgo vane nāgaṃ matto mattam upādravat ||
kṛpaś ca samare rājan mādrīputraṃ mahāratham ||
ājaghāna śarais tūrṇaṃ saptatyā rukmabhūṣaṇaiḥ ||
tasya mādrīsutaś cāpaṃ dvidhā ciccheda sāyakaiḥ ||
athainaṃ chinnadhanvānaṃ vivyādha navabhiḥ śaraiḥ ||
so 'nyat kārmukam ādāya samare bhārasādhanam ||
mādrīputraṃ susaṃhṛṣṭo daśabhir niśitaiḥ śaraiḥ ||
ājaghānorasi kruddha icchan bhīṣmasya jīvitam ||
tathaiva pāṇḍavo rājañ śāradvatam amarṣaṇam ||
ājaghānorasi kruddho bhīṣmasya vadhakāṅkṣayā ||
tayor yuddhaṃ samabhavad ghorarūpaṃ bhayāvaham ||
nakulaṃ tu raṇe kruddhaṃ vikarṇaḥ śatrutāpanaḥ ||
vivyādha sāyakaiḥ ṣaṣṭyā rakṣan bhīṣmasya jīvitam ||
nakulo 'pi bhṛśaṃ viddhas tava putreṇa dhanvinā ||
vikarṇaṃ saptasaptatyā nirbibheda śilīmukhaiḥ ||
tatra tau naraśārdūlau bhīṣmahetoḥ paraṃtapau ||
anyonyaṃ jaghnatur vīrau goṣṭhe govṛṣabhāv iva ||
ghaṭotkacaṃ raṇe yattaṃ nighnantaṃ tava vāhinīm ||
durmukhaḥ samare prāyād bhīṣmahetoḥ parākramī ||
haiḍimbas tu tato rājan durmukhaṃ śatrutāpanam ||
ājaghānorasi kruddho navatyā niśitaiḥ śaraiḥ ||
bhīmasenasutaṃ cāpi durmukhaḥ sumukhaiḥ śaraiḥ ||
ṣaṣṭyā vīro nadan hṛṣṭo vivyādha raṇamūrdhani ||
К Сахадеве, шедшему вперёд, выступил Крипа Шарадвата, как в лесу пьяный слон нападает на пьяного слона. Крипа, царь, быстро поразил в бою сына Мадри, махаратху, семьюдесятью златоубранными стрелами. Сын Мадри стрелами рассёк его лук надвое и затем пронзил его, оставшегося без лука, девятью стрелами. Крипа взял другой лук, годный для тяжёлой битвы, и, воодушевлённый, желая сохранить жизнь Бхишмы, в ярости поразил сына Мадри десятью острыми стрелами в грудь. Так же и Пандава, стремясь сразить Бхишму, в гневе ударил в грудь нетерпеливого Шарадвата. Между ними начался грозный и страшный бой. Викарна, мучитель врагов, защищая жизнь Бхишмы, пронзил в бою разгневанного Накулу шестьюдесятью стрелами. Накула, тяжко раненный твоим сыном-лучником, пробил Викарну семьюдесятью семью стрелами. Там эти два тигра среди людей, два героя, мучители врагов, из-за Бхишмы поражали друг друга, словно два быка в стойле. Доблестный Дурмукха ради Бхишмы выступил в бою против сосредоточенного Гхатоткачи, поражавшего твою армию. Тогда Хайдимба, разгневавшись, ударил Дурмукху, мучителя врагов, девяноста острыми стрелами в грудь. А герой Дурмукха, радостно рыча, пронзил сына Бхимасены шестьюдесятью красивыми стрелами в гуще битвы».
e02a17319bfa · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Каждый поединок здесь держится на одной причине: путь к Бхишме должен быть закрыт. Поэтому личные схватки становятся частями общей защиты питамахи.