धृष्टद्युम्नं रणे यान्तं भीष्मस्य वधकाङ्क्षिणम् ॥
हार्दिक्यो वारयाम् आस रक्षन् भीष्मस्य जीवितम् ॥
वार्ष्णेयः पार्षतं शूरं विद्ध्वा पञ्चभिर् आयसैः ॥
पुनः पञ्चाशता तूर्णम् आजघान स्तनान्तरे ॥
तथैव पार्षतो राजन् हार्दिक्यं नवभिः शरैः ॥
विव्याध निशितैस् तीक्ष्णैः कङ्कपत्रपरिच्छदैः ॥
तयोः समभवद् युद्धं भीष्महेतोर् महारणे ॥
अन्योन्यातिशयैर् युक्तं यथा वृत्रमहेन्द्रयोः ॥
भीमसेनम् अथायान्तं भीष्मं प्रति महाबलम् ॥
भूरिश्रवाभ्ययात् तूर्णं तिष्ठ तिष्ठेति चाब्रवीत् ॥
सौमदत्तिर् अथो भीमम् आजघान स्तनान्तरे ॥
नाराचेन सुतीक्ष्णेन रुक्मपुङ्खेन संयुगे ॥
उरःस्थेन बभौ तेन भीमसेनः प्रतापवान् ॥
स्कन्दशक्त्या यथा क्रौञ्चः पुरा नृपतिसत्तम ॥
तौ शरान् सूर्यसंकाशान् कर्मारपरिमार्जितान् ॥
अन्योन्यस्य रणे क्रुद्धौ चिक्षिपाते मुहुर् मुहुः ॥
भीमो भीष्मवधाकान्ष्की सौमदत्तिं महारथम् ॥
तथा भीष्मजये गृध्नुः सौमदत्तिश् च पाण्डवम् ॥
कृतप्रतिकृते यत्तौ योधयाम् आसतू रणे ॥
dhṛṣṭadyumnaṃ raṇe yāntaṃ bhīṣmasya vadhakāṅkṣiṇam ||
hārdikyo vārayām āsa rakṣan bhīṣmasya jīvitam ||
vārṣṇeyaḥ pārṣataṃ śūraṃ viddhvā pañcabhir āyasaiḥ ||
punaḥ pañcāśatā tūrṇam ājaghāna stanāntare ||
tathaiva pārṣato rājan hārdikyaṃ navabhiḥ śaraiḥ ||
vivyādha niśitais tīkṣṇaiḥ kaṅkapatraparicchadaiḥ ||
tayoḥ samabhavad yuddhaṃ bhīṣmahetor mahāraṇe ||
anyonyātiśayair yuktaṃ yathā vṛtramahendrayoḥ ||
bhīmasenam athāyāntaṃ bhīṣmaṃ prati mahābalam ||
bhūriśravābhyayāt tūrṇaṃ tiṣṭha tiṣṭheti cābravīt ||
saumadattir atho bhīmam ājaghāna stanāntare ||
nārācena sutīkṣṇena rukmapuṅkhena saṃyuge ||
uraḥsthena babhau tena bhīmasenaḥ pratāpavān ||
skandaśaktyā yathā krauñcaḥ purā nṛpatisattama ||
tau śarān sūryasaṃkāśān karmāraparimārjitān ||
anyonyasya raṇe kruddhau cikṣipāte muhur muhuḥ ||
bhīmo bhīṣmavadhākānṣkī saumadattiṃ mahāratham ||
tathā bhīṣmajaye gṛdhnuḥ saumadattiś ca pāṇḍavam ||
kṛtapratikṛte yattau yodhayām āsatū raṇe ||
Хардикий, защищая жизнь Бхишмы, сдержал Дхриштадьюмну, который шёл в бою, желая сразить Бхишму. Варшнея-Критаварман ранил храброго сына Пришаты пятью железными стрелами и затем быстро поразил его пятьюдесятью стрелами в грудь. Так же и Паршата, царь, пронзил Хардикия девятью острыми отточенными стрелами с оперением из перьев цапли. Между ними в великой битве ради Бхишмы разгорелся бой, полный взаимных выпадов, словно бой Вритры с Махендрой. Затем к могучему Бхимасене, идущему на Бхишму, быстро выступил Бхуришрава и крикнул: “Стой! Стой!” Саумадатти в сражении ударил Бхиму в грудь очень острым златопёрым нарачей. С этой стрелой в груди могучий Бхимасена сиял, лучший из царей, словно некогда гора Краунча, поражённая копьём Сканды. Разгневанные, они снова и снова метали друг в друга в бою солнцеподобные стрелы, отполированные кузнецом. Бхима, стремясь сразить Бхишму, бился с махаратхой Саумадатти, а Саумадатти, жаждя победы Бхишмы, бился с Пандавой; усердные в ударе и ответе, они сражались на поле».
5b39ef08617c · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Дхриштадьюмна и Бхима тоже не могут свободно пройти к Бхишме. Их сдерживают воины, для которых защита питамахи стала главным смыслом боя.