युधिष्ठिरं महाराज महत्या सेनया वृतम् ॥
भीष्मायाभिमुखं यान्तं भारद्वाजो न्यवारयत् ॥
द्रोणस्य रथनिर्घोषं पर्जन्यनिनदोपमम् ॥
श्रुत्वा प्रभद्रका राजन् समकम्पन्त मारिष ॥
सा सेना महती राजन् पाण्डुपुत्रस्य संयुगे ॥
द्रोणेन वारिता यत्ता न चचाल पदात् पदम् ॥
चेकितानं रणे क्रुद्धं भीष्मं प्रति जनेश्वर ॥
चित्रसेनस् तव सुतः क्रुद्धरूपम् अवारयत् ॥
भीष्महेतोः पराक्रान्तश् चित्रसेनो महारथः ॥
चेकितानं परं शक्त्या योधयाम् आस भारत ॥
तथैव चेकितानो ऽपि चित्रसेनम् अयोधयत् ॥
तद् युद्धम् आसीत् सुमहत् तयोस् तत्र पराक्रमे ॥
अर्जुनो वार्यमाणस् तु बहुशस् तनयेन ते ॥
विमुखीकृत्य पुत्रं ते तव सेनां ममर्द ह ॥
दुःशासनो ऽपि परया शक्त्या पार्थम् अवारयत् ॥
कथं भीष्मं परो हन्याद् इति निश्चित्य भारत ॥
सा वध्यमाना समरे पुत्रस्य तव वाहिनी ॥
लोड्यते रथिभिः श्रेष्ठैस् तत्र तत्रैव भारत ॥
yudhiṣṭhiraṃ mahārāja mahatyā senayā vṛtam ||
bhīṣmāyābhimukhaṃ yāntaṃ bhāradvājo nyavārayat ||
droṇasya rathanirghoṣaṃ parjanyaninadopamam ||
śrutvā prabhadrakā rājan samakampanta māriṣa ||
sā senā mahatī rājan pāṇḍuputrasya saṃyuge ||
droṇena vāritā yattā na cacāla padāt padam ||
cekitānaṃ raṇe kruddhaṃ bhīṣmaṃ prati janeśvara ||
citrasenas tava sutaḥ kruddharūpam avārayat ||
bhīṣmahetoḥ parākrāntaś citraseno mahārathaḥ ||
cekitānaṃ paraṃ śaktyā yodhayām āsa bhārata ||
tathaiva cekitāno 'pi citrasenam ayodhayat ||
tad yuddham āsīt sumahat tayos tatra parākrame ||
arjuno vāryamāṇas tu bahuśas tanayena te ||
vimukhīkṛtya putraṃ te tava senāṃ mamarda ha ||
duḥśāsano 'pi parayā śaktyā pārtham avārayat ||
kathaṃ bhīṣmaṃ paro hanyād iti niścitya bhārata ||
sā vadhyamānā samare putrasya tava vāhinī ||
loḍyate rathibhiḥ śreṣṭhais tatra tatraiva bhārata ||
Дрона, сын Бхарадваджи, сдержал Юдхиштхиру, окружённого великой армией и идущего прямо к Бхишме. Услышав грохот колесницы Дроны, подобный грому тучи, Прабхадраки, царь, содрогнулись, почтенный. Эта великая армия сына Панду, собранная в сражении и остановленная Дроной, не сдвинулась ни на шаг. Читрасена, твой сын, сдержал разгневанного Чекитану, владыка людей, когда тот шёл к Бхишме. Доблестный ради Бхишмы, махаратха Читрасена изо всех сил связал Чекитану боем, о Бхарата; и Чекитана так же сражался с Читрасеной. Между ними развернулось великое сражение. Арджуна же, которого твой сын неоднократно сдерживал, заставил его отвернуться и стал сминать твоё войско. Но Духшасана, решив: “Как враг может убить Бхишму?”, снова с великой силой сдерживал Партху. А войско твоего сына, избиваемое в бою, повсюду, о Бхарата, сминалось лучшими ратхинами».
e6f4f7b897e0 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Даже когда Арджуна оттесняет Духшасану, общий бой не раскрывается сразу: Дрона и Читрасена удерживают другие направления. Глава заканчивает картиной армии, которую давят со всех сторон, пока защитники всё ещё пытаются закрыть путь к Бхишме.