नातीव ममृषे शल्यो भीमसेनस्य विक्रमम् ॥
स संधाय शरांस् तीक्ष्णान् कर्मारपरिमार्जितान् ॥
भीमं विव्याध सप्तत्या तिष्ठ तिष्ठेति चाब्रवीत् ॥
कृपश् च कृतवर्मा च भगदत्तश् च मारिष ॥
विन्दानुविन्दाव् आवन्त्यौ चित्रसेनश् च संयुगे ॥
दुर्मर्षणो विकर्णश् च सिन्धुराजश् च वीर्यवान् ॥
भीमं ते विव्यधुस् तूर्णं शल्यहेतोर् अरिंदमाः ॥
स तु तान् प्रतिविव्याध पञ्चभिः पञ्चभिः शरैः ॥
शल्यं विव्याध सप्तत्या पुनश् च दशभिः शरैः ॥
तं शल्यो नवभिर् विद्ध्वा पुनर् विव्याध पञ्चभिः ॥
सारथिं चास्य भल्लेन गाढं विव्याध मर्मणि ॥
विशोकं वीक्ष्य निर्भिन्नं भीमसेनः प्रतापवान् ॥
मद्रराजं त्रिभिर् बाणैर् बाह्वोर् उरसि चार्पयत् ॥
तथेतरान् महेष्वासांस् त्रिभिस् त्रिभिर् अजिह्मगैः ॥
ताडयाम् आस समरे सिंहवच् च ननाद च ॥
ते हि यत्ता महेष्वासाः पाण्डवं युद्धदुर्मदम् ॥
त्रिभिस् त्रिभिर् अकुण्ठाग्रैर् भृशं मर्मस्व् अताडयन् ॥
सो ऽतिविद्धो महेष्वासो भीमसेनो न विव्यथे ॥
पर्वतो वारिधाराभिर् वर्षमाणैर् इवाम्बुदैः ॥
शल्यं च नवभिर् बाणैर् भृशं विद्ध्वा महायशाः ॥
प्राग्ज्योतिषं शतेनाजौ राजन् विव्याध वै दृढम् ॥
ततस् तु सशरं चापं सात्वतस्य महात्मनः ॥
क्षुरप्रेण सुतीक्ष्णेन चिच्छेद कृतहस्तवत् ॥
अथान्यद् धनुर् आदाय कृतवर्मा वृकोदरम् ॥
आजघान भ्रुवोर् मध्ये नाराचेन परंतप ॥
भीमस् तु समरे विद्ध्वा शल्यं नवभिर् आयसैः ॥
भगदत्तं त्रिभिश् चैव कृतवर्माणम् अष्टभिः ॥
द्वाभ्यां द्वाभ्यां च विव्याध गौतमप्रभृतीन् रथान् ॥
ते तु तं समरे राजन् विव्यधुर् निशितैः शरैः ॥
स तथा पीड्यमानो ऽपि सर्वतस् तैर् महारथैः ॥
मत्वा तृणेन तांस् तुल्यान् विचचार गतव्यथः ॥
ते चापि रथिनां श्रेष्ठा भीमाय निशिताञ् शरान् ॥
प्रेषयाम् आसुर् अव्यग्राः शतशो ऽथ सहस्रशः ॥
nātīva mamṛṣe śalyo bhīmasenasya vikramam ||
sa saṃdhāya śarāṃs tīkṣṇān karmāraparimārjitān ||
bhīmaṃ vivyādha saptatyā tiṣṭha tiṣṭheti cābravīt ||
kṛpaś ca kṛtavarmā ca bhagadattaś ca māriṣa ||
vindānuvindāv āvantyau citrasenaś ca saṃyuge ||
durmarṣaṇo vikarṇaś ca sindhurājaś ca vīryavān ||
bhīmaṃ te vivyadhus tūrṇaṃ śalyahetor ariṃdamāḥ ||
sa tu tān prativivyādha pañcabhiḥ pañcabhiḥ śaraiḥ ||
śalyaṃ vivyādha saptatyā punaś ca daśabhiḥ śaraiḥ ||
taṃ śalyo navabhir viddhvā punar vivyādha pañcabhiḥ ||
sārathiṃ cāsya bhallena gāḍhaṃ vivyādha marmaṇi ||
viśokaṃ vīkṣya nirbhinnaṃ bhīmasenaḥ pratāpavān ||
madrarājaṃ tribhir bāṇair bāhvor urasi cārpayat ||
tathetarān maheṣvāsāṃs tribhis tribhir ajihmagaiḥ ||
tāḍayām āsa samare siṃhavac ca nanāda ca ||
te hi yattā maheṣvāsāḥ pāṇḍavaṃ yuddhadurmadam ||
tribhis tribhir akuṇṭhāgrair bhṛśaṃ marmasv atāḍayan ||
so 'tividdho maheṣvāso bhīmaseno na vivyathe ||
parvato vāridhārābhir varṣamāṇair ivāmbudaiḥ ||
śalyaṃ ca navabhir bāṇair bhṛśaṃ viddhvā mahāyaśāḥ ||
prāgjyotiṣaṃ śatenājau rājan vivyādha vai dṛḍham ||
tatas tu saśaraṃ cāpaṃ sātvatasya mahātmanaḥ ||
kṣurapreṇa sutīkṣṇena ciccheda kṛtahastavat ||
athānyad dhanur ādāya kṛtavarmā vṛkodaram ||
ājaghāna bhruvor madhye nārācena paraṃtapa ||
bhīmas tu samare viddhvā śalyaṃ navabhir āyasaiḥ ||
bhagadattaṃ tribhiś caiva kṛtavarmāṇam aṣṭabhiḥ ||
dvābhyāṃ dvābhyāṃ ca vivyādha gautamaprabhṛtīn rathān ||
te tu taṃ samare rājan vivyadhur niśitaiḥ śaraiḥ ||
sa tathā pīḍyamāno 'pi sarvatas tair mahārathaiḥ ||
matvā tṛṇena tāṃs tulyān vicacāra gatavyathaḥ ||
te cāpi rathināṃ śreṣṭhā bhīmāya niśitāñ śarān ||
preṣayām āsur avyagrāḥ śataśo 'tha sahasraśaḥ ||
Шалья не вынес доблести Бхимасены. Наложив острые стрелы, отполированные кузнецом, он пронзил Бхиму семьюдесятью стрелами и крикнул: “Стой! Стой!” Тогда Крипа, Критаварман, Бхагадатта, Винда и Анувинда, Читрасена, Дурмаршана, Викарна и доблестный царь Синдху, эти укротители врагов, быстро поразили Бхиму ради Шальи. Но Бхима в ответ пронзил каждого из них пятью стрелами, Шалью — семьюдесятью и ещё десятью. Шалья ранил его девятью стрелами и снова пятью, а его возницу Вишоку глубоко поразил бхаллой в жизненное место. Увидев Вишоку раненым, могучий Бхимасена вонзил три стрелы в руки и грудь царя Мадры. Так же он поразил в бою остальных великих лучников, каждого тремя прямыми стрелами, и зарычал как лев. Эти собранные великие лучники затем сильно били неукротимого в бою Пандаву по уязвимым местам, каждый тремя острыми стрелами. Но тяжко пронзённый великий лучник Бхимасена не дрогнул, словно гора под потоками дождевых туч. Великославный Бхима тяжко ранил Шалью девятью стрелами, а в бою, царь, крепко пронзил царя Праджьотиши сотней. Затем он очень острым кшурапрой искусно рассёк лук великодушного Сатваты вместе со стрелой. Критаварман взял другой лук и, о мучитель врагов, ударил Врикодару нарачей между бровями. Бхима же в бою ранил Шалью девятью железными стрелами, Бхагадатту — тремя, Критавармана — восемью, а ратхинов, начиная с Гаутамы, — каждого двумя. Они, царь, в ответ пронзили его острыми стрелами. Но, хотя эти махаратхи теснили его со всех сторон, он считал их равными травинке и двигался без смятения. А лучшие из ратхинов невозмутимо посылали в Бхиму сотни и тысячи острых стрел».
d20114f036f9 · опубликовано 17 июл. 2026 г., 21:55:42 UTC
Доступно наRUENЛистайте стихи клавишами
Бхима становится центром плотного обстрела, но текст подчёркивает его внутреннюю несокрушимость: он движется среди махаратхов так, будто их сила не тяжелее травы.