ततो द्रोणो महाराज मागधश् च महारथः ॥
दुर्योधनसमादिष्टौ तं देशम् उपजग्मतुः ॥
यत्र पार्थो महाराज भीमसेनश् च पाण्डवः ॥
कौरव्यस्य महासेनां जघ्नतुस् तौ महारथौ ॥
जयत्सेनस् तु समरे भीमं भीमायुधं युवा ॥
विव्याध निशितैर् बाणैर् अष्टभिर् भरतर्षभ ॥
तं भीमो दशभिर् विद्ध्वा पुनर् विव्याध सप्तभिः ॥
सारथिं चास्य भल्लेन रथनीडाद् अपाहरत् ॥
उद्भ्रान्तैस् तुरगैः सो ऽथ द्रवमाणैः समन्ततः ॥
मागधो ऽपहृतो राजा सर्वसैन्यस्य पश्यतः ॥
द्रोणस् तु विवरं लब्ध्वा भीमसेनं शिलीमुखैः ॥
विव्याध बाणैः सुशितैः पञ्चषष्ट्या तम् आयसैः ॥
तं भीमः समरश्लाघी गुरुं पितृसमं रणे ॥
विव्याध नवभिर् भल्लैस् तथा षष्ट्या च भारत ॥
अर्जुनस् तु सुशर्माणं विद्ध्वा बहुभिर् आयसैः ॥
व्यधमत् तस्य तत् सैन्यं महाभ्राणि यथानिलः ॥
ततो भीष्मश् च राजा च सौबलश् च बृहद्बलः ॥
अभ्यद्रवन्त संक्रुद्धा भीमसेनधनंजयौ ॥
तथैव पाण्डवाः शूरा धृष्टद्युम्नश् च पार्षतः ॥
अभ्यद्रवन् रणे भीष्मं व्यादितास्यम् इवान्तकम् ॥
tato droṇo mahārāja māgadhaś ca mahārathaḥ ||
duryodhanasamādiṣṭau taṃ deśam upajagmatuḥ ||
yatra pārtho mahārāja bhīmasenaś ca pāṇḍavaḥ ||
kauravyasya mahāsenāṃ jaghnatus tau mahārathau ||
jayatsenas tu samare bhīmaṃ bhīmāyudhaṃ yuvā ||
vivyādha niśitair bāṇair aṣṭabhir bharatarṣabha ||
taṃ bhīmo daśabhir viddhvā punar vivyādha saptabhiḥ ||
sārathiṃ cāsya bhallena rathanīḍād apāharat ||
udbhrāntais turagaiḥ so 'tha dravamāṇaiḥ samantataḥ ||
māgadho 'pahṛto rājā sarvasainyasya paśyataḥ ||
droṇas tu vivaraṃ labdhvā bhīmasenaṃ śilīmukhaiḥ ||
vivyādha bāṇaiḥ suśitaiḥ pañcaṣaṣṭyā tam āyasaiḥ ||
taṃ bhīmaḥ samaraślāghī guruṃ pitṛsamaṃ raṇe ||
vivyādha navabhir bhallais tathā ṣaṣṭyā ca bhārata ||
arjunas tu suśarmāṇaṃ viddhvā bahubhir āyasaiḥ ||
vyadhamat tasya tat sainyaṃ mahābhrāṇi yathānilaḥ ||
tato bhīṣmaś ca rājā ca saubalaś ca bṛhadbalaḥ ||
abhyadravanta saṃkruddhā bhīmasenadhanaṃjayau ||
tathaiva pāṇḍavāḥ śūrā dhṛṣṭadyumnaś ca pārṣataḥ ||
abhyadravan raṇe bhīṣmaṃ vyāditāsyam ivāntakam ||
Затем Дрона и магадхский махаратха, посланные Дурьодханой, подошли к тому месту, где Партха и Пандава Бхимасена, два махаратхи, уничтожали великую армию Куру. Молодой Джаяцена в бою пронзил страшно вооружённого Бхиму восемью острыми стрелами, о бык Бхаратов. Бхима, ранив его десятью стрелами и затем ещё семью, бхаллой сбросил его возницу с сиденья колесницы. Тогда магадхский царь на глазах всего войска был унесён обезумевшими конями, разбегавшимися во все стороны. Дрона же, найдя удобный момент, пронзил Бхимасену шестьюдесятью пятью очень острыми железными стрелами. Бхима, славный в бою, ранил в битве своего учителя, равного отцу, девятью бхаллами и ещё шестьюдесятью стрелами, о Бхарата. Арджуна же, ранив Сушарману множеством железных стрел, рассеял его войско, как ветер разгоняет великие тучи. Тогда Бхишма, царь Дурьодхана, Саубала и Брихадбала в ярости устремились на Бхимасену и Дхананджаю. Так же и храбрые Пандавы вместе с Дхриштадьюмной, сыном Пришаты, в бою бросились на Бхишму, подобного Антаке с раскрытой пастью».
576ca308e1f7 · опубликовано 17 июл. 2026 г., 21:55:42 UTC
Доступно наRUENЛистайте стихи клавишами
Дрона и Джаяцена пытаются удержать участок, где Бхима и Арджуна ломают Кауравскую силу. Но их вмешательство только ускоряет общее сближение обеих сторон вокруг Бхишмы.