संजय उवाच
अर्जुनस् तु रणे शल्यं यतमानं महारथम् ॥
छादयाम् आस समरे शरैः संनतपर्वभिः ॥
सुशर्माणं कृपं चैव त्रिभिस् त्रिभिर् अविध्यत ॥
प्राग्ज्योतिषं च समरे सैन्धवं च जयद्रथम् ॥
चित्रसेनं विकर्णं च कृतवर्माणम् एव च ॥
दुर्मर्षणं च राजेन्द्र आवन्त्यौ च महारथौ ॥
एकैकं त्रिभिर् आनर्छत् कङ्कबर्हिणवाजितैः ॥
शरैर् अतिरथो युद्धे पीडयन् वाहिनीं तव ॥
जयद्रथो रणे पार्थं भित्त्वा भारत सायकैः ॥
भीमं विव्याध तरसा चित्रसेनरथे स्थितः ॥
शल्यश् च समरे जिष्णुं कृपश् च रथिनां वरः ॥
विव्यधाते महाबाहुं बहुधा मर्मभेदिभिः ॥
चित्रसेनादयश् चैव पुत्रास् तव विशां पते ॥
पञ्चभिः पञ्चभिस् तूर्णं संयुगे निशितैः शरैः ॥
आजघ्नुर् अर्जुनं संख्ये भीमसेनं च मारिष ॥
तौ तत्र रथिनां श्रेष्ठौ कौन्तेयौ भरतर्षभौ ॥
अपीडयेतां समरे त्रिगर्तानां महद् बलम् ॥
सुशर्मापि रणे पार्थं विद्ध्वा बहुभिर् आयसैः ॥
ननाद बलवन् नादं नादयन् वै नभस्तलम् ॥
अन्ये च रथिनः शूरा भीमसेनधनंजयौ ॥
विव्यधुर् निशितैर् बाणै रुक्मपुङ्खैर् अजिह्मगैः ॥
तेषां तु रथिनां मध्ये कौन्तेयौ रथिनां वरौ ॥
क्रीडमानौ रथोदारौ चित्ररूपौ व्यरोचताम् ॥
आमिषेप्सू गवां मध्ये सिंहाव् इव बलोत्कटौ ॥
saṃjaya uvāca
arjunas tu raṇe śalyaṃ yatamānaṃ mahāratham ||
chādayām āsa samare śaraiḥ saṃnataparvabhiḥ ||
suśarmāṇaṃ kṛpaṃ caiva tribhis tribhir avidhyata ||
prāgjyotiṣaṃ ca samare saindhavaṃ ca jayadratham ||
citrasenaṃ vikarṇaṃ ca kṛtavarmāṇam eva ca ||
durmarṣaṇaṃ ca rājendra āvantyau ca mahārathau ||
ekaikaṃ tribhir ānarchat kaṅkabarhiṇavājitaiḥ ||
śarair atiratho yuddhe pīḍayan vāhinīṃ tava ||
jayadratho raṇe pārthaṃ bhittvā bhārata sāyakaiḥ ||
bhīmaṃ vivyādha tarasā citrasenarathe sthitaḥ ||
śalyaś ca samare jiṣṇuṃ kṛpaś ca rathināṃ varaḥ ||
vivyadhāte mahābāhuṃ bahudhā marmabhedibhiḥ ||
citrasenādayaś caiva putrās tava viśāṃ pate ||
pañcabhiḥ pañcabhis tūrṇaṃ saṃyuge niśitaiḥ śaraiḥ ||
ājaghnur arjunaṃ saṃkhye bhīmasenaṃ ca māriṣa ||
tau tatra rathināṃ śreṣṭhau kaunteyau bharatarṣabhau ||
apīḍayetāṃ samare trigartānāṃ mahad balam ||
suśarmāpi raṇe pārthaṃ viddhvā bahubhir āyasaiḥ ||
nanāda balavan nādaṃ nādayan vai nabhastalam ||
anye ca rathinaḥ śūrā bhīmasenadhanaṃjayau ||
vivyadhur niśitair bāṇai rukmapuṅkhair ajihmagaiḥ ||
teṣāṃ tu rathināṃ madhye kaunteyau rathināṃ varau ||
krīḍamānau rathodārau citrarūpau vyarocatām ||
āmiṣepsū gavāṃ madhye siṃhāv iva balotkaṭau ||
Санджая сказал: «Арджуна в бою осыпал старающегося махаратху Шалью изогнутыми стрелами. Сушарману и Крипу он пронзил каждого тремя стрелами; так же в сражении он поразил праджьотишца Бхагадатту, Сайндхаву Джаядратху, Читрасену, Викарну, Критавармана, Дурмаршану, о царь царей, и двух авантийских махаратхов. Этот атиратха, теснивший твоё войско, ударил каждого из них в бою тремя стрелами, украшенными перьями цапли и павлина. Джаядратха, стоя на колеснице Читрасены, сначала пробил Партху стрелами, о Бхарата, а затем стремительно пронзил Бхиму. Шалья в бою и Крипа, лучший среди ратхинов, многими смертоносными стрелами пронзили могучерукого Джишну. Читрасена и другие твои сыновья, о владыка народов, в сражении быстро ударили Арджуну и Бхимасену — каждый пятью острыми стрелами. Но там два Каунтеи, быки Бхаратов, лучшие среди ратхинов, стали теснить в бою великую силу Тригартов. Сушарман, ранив Партху множеством железных стрел, громко заревел, оглашая небосвод. И другие храбрые ратхины пронзили Бхимасену и Дхананджаю прямыми золотопёрыми стрелами. Но среди этих ратхинов два Каунтеи, лучшие воины, сияли дивным видом, словно играя на благородных колесницах, как два свирепых мощных льва среди стада».
7a1f23e935c7 · опубликовано 17 июл. 2026 г., 21:55:42 UTC
Доступно наRUENЛистайте стихи клавишами
Арджуна и Бхима оказываются в окружении, но текст сразу меняет перспективу: среди множества ратхинов они выглядят как хищники среди стада. Их совместное действие становится центром главы.