शिखण्डी तु समासाद्य भारतानां पितामहम् ॥
अभ्यद्रवत संहृष्टो भयं त्यक्त्वा यतव्रतम् ॥
युधिष्ठिरमुखाः पार्थाः पुरस्कृत्य शिखण्डिनम् ॥
अयोधयन् रणे भीष्मं संहताः सह सृञ्जयैः ॥
तथैव तावकाः सर्वे पुरस्कृत्य यतव्रतम् ॥
शिखण्डिप्रमुखान् पार्थान् योधयन्ति स्म संयुगे ॥
ततः प्रववृते युद्धं कौरवाणां भयावहम् ॥
तत्र पाण्डुसुतैः सार्धं भीष्मस्य विजयं प्रति ॥
तावकानां रणे भीष्मो ग्लह आसीद् विशां पते ॥
तत्र हि द्यूतम् आयातं विजयायेतराय वा ॥
धृष्टद्युम्नो महाराज सर्वसैन्यान्य् अचोदयत् ॥
अभिद्रवत गाङ्गेयं मा भैष्ट नरसत्तमाः ॥
सेनापतिवचः श्रुत्वा पाण्डवानां वरूथिनी ॥
भीष्मम् एवाभ्ययात् तूर्णं प्राणांस् त्यक्त्वा महाहवे ॥
भीष्मो ऽपि रथिनां श्रेष्ठः प्रतिजग्राह तां चमूम् ॥
आपतन्तीं महाराज वेलाम् इव महोदधिः ॥
śikhaṇḍī tu samāsādya bhāratānāṃ pitāmaham ||
abhyadravata saṃhṛṣṭo bhayaṃ tyaktvā yatavratam ||
yudhiṣṭhiramukhāḥ pārthāḥ puraskṛtya śikhaṇḍinam ||
ayodhayan raṇe bhīṣmaṃ saṃhatāḥ saha sṛñjayaiḥ ||
tathaiva tāvakāḥ sarve puraskṛtya yatavratam ||
śikhaṇḍipramukhān pārthān yodhayanti sma saṃyuge ||
tataḥ pravavṛte yuddhaṃ kauravāṇāṃ bhayāvaham ||
tatra pāṇḍusutaiḥ sārdhaṃ bhīṣmasya vijayaṃ prati ||
tāvakānāṃ raṇe bhīṣmo glaha āsīd viśāṃ pate ||
tatra hi dyūtam āyātaṃ vijayāyetarāya vā ||
dhṛṣṭadyumno mahārāja sarvasainyāny acodayat ||
abhidravata gāṅgeyaṃ mā bhaiṣṭa narasattamāḥ ||
senāpativacaḥ śrutvā pāṇḍavānāṃ varūthinī ||
bhīṣmam evābhyayāt tūrṇaṃ prāṇāṃs tyaktvā mahāhave ||
bhīṣmo 'pi rathināṃ śreṣṭhaḥ pratijagrāha tāṃ camūm ||
āpatantīṃ mahārāja velām iva mahodadhiḥ ||
Шикханди, приблизившись к питамахе Бхаратов, отбросил страх и радостно устремился на твёрдого в обете Бхишму. Партхи во главе с Юдхиштхирой, поставив Шикханди впереди и соединившись со Сринджаями, сражались в бою с Бхишмой. Так же и все твои воины, выдвинув вперёд твёрдого в обете питамаху, сражались с Партхами, которых возглавлял Шикханди. Тогда разгорелась битва, страшная для Кауравов: там, вместе с сыновьями Панду, всё шло к победе или поражению Бхишмы. Для твоих воинов в бою Бхишма стал ставкой, о владыка народов; там началась игра — на победу или на обратное. Дхриштадьюмна, великий царь, побуждал все войска: “Нападайте на сына Ганги! Не бойтесь, лучшие из людей!” Услышав слово полководца, Пандавская армия, не щадя жизни, быстро устремилась прямо к Бхишме в великой битве. А Бхишма, лучший среди ратхинов, встретил это налетающее войско, великий царь, как великий океан встречает волну».
34b8df0153c2 · опубликовано 17 июл. 2026 г., 21:55:42 UTC
Доступно наRUENЛистайте стихи клавишами
Глава прямо называет Бхишму ставкой боя. Всё больше не рассыпается на отдельные поединки: обе стороны понимают, что исход теперь решается вокруг питамахи.