युधिष्ठिर उवाच
पितामह महाप्राज्ञ सर्वशास्त्रविशारद ॥
आगमैर् बहुभिः स्फीतो भवान् नः प्रथितः कुले ॥
त्वत्तो धर्मार्थसंयुक्तम् आयत्यां च सुखोदयम् ॥
आश्चर्यभूतं लोकस्य श्रोतुम् इच्छाम्य् अरिंदम ॥
अयं च कालः संप्राप्तो दुर्लभज्ञातिबान्धवः ॥
शास्ता च न हि नः कश् चित् त्वाम् ऋते भरतर्षभ ॥
यदि ते ऽहम् अनुग्राह्यो भ्रातृभिः सहितो ऽनघ ॥
वक्तुम् अर्हसि नः प्रश्नं यत् त्वां पृच्छामि पार्थिव ॥
अयं नारायणः श्रीमान् सर्वपार्थिवसंमतः ॥
भवन्तं बहुमानेन प्रश्रयेण च सेवते ॥
अस्य चैव समक्षं त्वं पार्थिवानां च सर्वशः ॥
भ्रातॄणां च प्रियार्थं मे स्नेहाद् भाषितुम् अर्हसि ॥
वैशंपायन उवाच
तस्य तद् वचनं श्रुत्वा स्नेहाद् आगतसंभ्रमः ॥
भीष्मो भागीरथीपुत्र इदं वचनम् अब्रवीत् ॥
हन्त ते कथयिष्यामि कथाम् अतिमनोरमाम् ॥
अस्य विष्णोः पुरा राजन् प्रभावो ऽयं मया श्रुतः ॥
यश् च गोवृषभाङ्कस्य प्रभावस् तं च मे शृणु ॥
रुद्राण्याः संशयो यश् च दंपत्योस् तं च मे शृणु ॥
yudhiṣṭhira uvāca
pitāmaha mahāprājña sarvaśāstraviśārada ||
āgamair bahubhiḥ sphīto bhavān naḥ prathitaḥ kule ||
tvatto dharmārthasaṃyuktam āyatyāṃ ca sukhodayam ||
āścaryabhūtaṃ lokasya śrotum icchāmy ariṃdama ||
ayaṃ ca kālaḥ saṃprāpto durlabhajñātibāndhavaḥ ||
śāstā ca na hi naḥ kaś cit tvām ṛte bharatarṣabha ||
yadi te 'ham anugrāhyo bhrātṛbhiḥ sahito 'nagha ||
vaktum arhasi naḥ praśnaṃ yat tvāṃ pṛcchāmi pārthiva ||
ayaṃ nārāyaṇaḥ śrīmān sarvapārthivasaṃmataḥ ||
bhavantaṃ bahumānena praśrayeṇa ca sevate ||
asya caiva samakṣaṃ tvaṃ pārthivānāṃ ca sarvaśaḥ ||
bhrātṝṇāṃ ca priyārthaṃ me snehād bhāṣitum arhasi ||
vaiśaṃpāyana uvāca
tasya tad vacanaṃ śrutvā snehād āgatasaṃbhramaḥ ||
bhīṣmo bhāgīrathīputra idaṃ vacanam abravīt ||
hanta te kathayiṣyāmi kathām atimanoramām ||
asya viṣṇoḥ purā rājan prabhāvo 'yaṃ mayā śrutaḥ ||
yaś ca govṛṣabhāṅkasya prabhāvas taṃ ca me śṛṇu ||
rudrāṇyāḥ saṃśayo yaś ca daṃpatyos taṃ ca me śṛṇu ||
Юдхиштхира сказал: «О дед, премудрый, во всех шастрах искушённый, преданиями многими богатый, ты, наш прославленный в роду! От тебя, с дхармой-артхой связанное и в будущем счастье-несущее, чудесное для мира услышать желаю, о врагов смиритель. И это время настало, когда родня-близкие труднособираемы; и наставника нет ведь у нас никакого, кроме тебя, о бык Бхаратов. Если тебе я достоин милости, с братьями вместе, о безгрешный, ответить изволь на наш вопрос, что у тебя спрашиваю, о царь. Этот Нараяна, славный, всеми царями чтимый, тебя с почтением и с уважением чтит. Его же пред лицом ты, и царей всех пред, и братьев ради, мне в угоду, из любви молвить изволь». Его то слово услышав, из любви пришедший в волнение, Бхишма, Бхагиратхи сын, это слово сказал: «Что ж, тебе расскажу повесть прелюбопытнейшую — этого Вишну некогда, о царь, величие это мною слышано; и какое быко-знаменного величие, то от меня слушай, и какое Рудрани сомнение тех супругов, то от меня слушай».
4e1f78c128d7 · опубликовано 22 июн. 2026 г., 05:25:00 UTC
Доступно наRUЛистайте стихи клавишами
Юдхиштхира с почтением обращается к деду как к единственному оставшемуся наставнику рода — «во всех шастрах искушённому, богатому преданиями» — и просит чудесного сказания, что́ соединяет дхарму с артхой и несёт благо в будущем. Знаменательно, что в подтверждение достоинства Бхишмы он указывает на Самого Нараяну (Кришну): «Он, чтимый всеми царями, тебя чтит с почтением». Так являет себя дивное смирение Господа, склоняющегося пред умирающим праведником, — образец благоговения к старшим и к мудрости. Тронутый любовью, Бхишма обещает дивную повесть о величии Вишну и «быко-знаменного» Шивы и о «сомнении Рудрани (Парвати) и её супруга» — тем вводя великую беседу Умы и Махешвары. В свете преданности здесь предвестие согласия двух высочайших ликов почитания и урок взаимного смирения божественного и человеческого.