समाकर्षात्
samākarṣāt
Из стяжения [контекста]: «не-сущее» и «неразвёрнутое» — сам Брахман до развёртки имён и форм.
अथासद्-व्याकृत-शब्दयोर् गतिम् आह—
समाकर्षात् ॥
सोऽकामयत इति पूर्व-सन्दर्भ-प्रकृतस्य परमात्मनः, असद् वा इत्य् अत्र आदित्यो ब्रह्म इति पूर्व-निर्दिष्टस्य ब्रह्मणः, असद् एवेदम् इत्य् अत्र च समाकर्षात् तत् तच् च वाक्यं ब्रह्म-परम् एव । प्राक् सृष्टेर् नाम-रूपाविभागात् तत्-संबन्धितयास्थित्वाभावाद् असच्-छब्देन तत्र ब्रह्मैवोक्तम् । अन्यथा सद् एव सौम्य इत्य् आद्य् अनन्तर-सम्भावितासत्-कारणता-प्रत्युक्तेः, आसीद् इति काल-सम्बन्धस्य च विरोधः । असन्न् एव स भवति इत्य् आदिनासद्-वादिनो विगीतत्वाच् च सूक्ष्म-शक्तिकं ब्रह्मैव तद्-अर्थः । तद् धेदं तर्हि इत्य् अत्राप्य् अव्याकृत-शब्देन तद्-अन्तराल-भूतं ब्रह्मैव बोध्यते । स एष इह प्रविष्ट इत्य् आदि पर-वाक्यतस् तस्याकर्षणात् तच्-छक्तिकं ब्रह्मैव स्व-सङ्कल्प-वशात् स्वयम् एव नाम-रूपाभ्यां व्याक्रियत इति तत्रार्थः । इतरथा वेदान्त-प्रतिष्ठितत्वं गति-सामान्यं च श्रुतं व्याकुप्येत । तस्माद् एकं ब्रह्मैव विश्व-हेतुर् इति निश्चेयम् ॥15॥
athāsad-vyākṛta-śabdayor gatim āha—
samākarṣāt ||
so'kāmayata iti pūrva-sandarbha-prakṛtasya paramātmanaḥ, asad vā ity atra ādityo brahma iti pūrva-nirdiṣṭasya brahmaṇaḥ, asad evedam ity atra ca samākarṣāt tat tac ca vākyaṁ brahma-param eva | prāk sṛṣṭer nāma-rūpāvibhāgāt tat-saṁbandhitayāsthitvābhāvād asac-chabdena tatra brahmaivoktam | anyathā sad eva saumya ity ādy anantara-sambhāvitāsat-kāraṇatā-pratyukteḥ, āsīd iti kāla-sambandhasya ca virodhaḥ | asann eva sa bhavati ity ādināsad-vādino vigītatvāc ca sūkṣma-śaktikaṁ brahmaiva tad-arthaḥ | tad dhedaṁ tarhi ity atrāpy avyākṛta-śabdena tad-antarāla-bhūtaṁ brahmaiva bodhyate | sa eṣa iha praviṣṭa ity ādi para-vākyatas tasyākarṣaṇāt tac-chaktikaṁ brahmaiva sva-saṅkalpa-vaśāt svayam eva nāma-rūpābhyāṁ vyākriyata iti tatrārthaḥ | itarathā vedānta-pratiṣṭhitatvaṁ gati-sāmānyaṁ ca śrutaṁ vyākupyeta | tasmād ekaṁ brahmaiva viśva-hetur iti niśceyam ||15||
18e96dc92b49 · опубликовано 27 июл. 2026 г., 04:22:00 UTC
Доступно наRUЛистайте стихи клавишами
Теперь говорит участь слов «не-сущее» и «неразвёрнутое»:
«Из стяжения».
Из стяжения [сюда] Параматмы — темы предыдущей ткани текста («Он возжелал»), и Брахмана, прежде указанного [в] «солнце — Брахман», — то и то речение именно о Брахмане: до творения, по неразделённости имени и формы, за отсутствием пребывания в связи с ними, словом «не-сущее» сказан там сам Брахман. Иначе — опровержение «Сущим, дорогой, было это» тут же допущенной причины-«не-сущего» и связь [глагола] «было» со временем противоречили бы; и [речением] «не-сущим сам становится…» говорящий «не-сущее» порицаем. Смысл того — сам Брахман с тонкой шакти. И в «тогда это было неразвёрнутым» словом «неразвёрнутое» разумеется сам Брахман, сущий внутри того: из притяжения Его [сюда] последующим речением «он сюда вошёл…» — сам Брахман с той шакти властью Своего замысла развернулся именем и формой; таков там смысл. Иначе взбунтовались бы слышанные утверждённость [Его] в ведантах и единство хода. Потому решимо: единая причина мира — сам Брахман.