भीमसेन उवाच
स्वागतं ते वरारोहे यन् मा वेदयसे प्रियम् ॥
न ह्य् अस्य कं चिद् इच्छामि सहायं वरवर्णिनि ॥
या मे प्रीतिस् त्वयाख्याता कीचकस्य समागमे ॥
हत्वा हिडिम्बं सा प्रीतिर् ममासीद् वरवर्णिनि ॥
सत्यं भ्रातॄंश् च धर्मं च पुरस्कृत्य ब्रवीमि ते ॥
कीचकं निहनिष्यामि वृत्रं देवपतिर् यथा ॥
तं गह्वरे प्रकाशे वा पोथयिष्यामि कीचकम् ॥
अथ चेद् अवभोत्स्यन्ति हंस्ये मत्स्यान् अपि ध्रुवम् ॥
ततो दुर्योधनं हत्वा प्रतिपत्स्ये वसुंधराम् ॥
कामं मत्स्यम् उपास्तां हि कुन्तीपुत्रो युधिष्ठिरः ॥
द्रौपद्य् उवाच
यथा न संत्यजेथास् त्वं सत्यं वै मत्कृते विभो ॥
निगूढस् त्वं तथा वीर कीचकं विनिपातय ॥
भीमसेन उवाच
एवम् एतत् करिष्यामि यथा त्वं भीरु भाषसे ॥
अदृश्यमानस् तस्याद्य तमस्विन्याम् अनिन्दिते ॥
नागो बिल्वम् इवाक्रम्य पोथयिष्याम्य् अहं शिरः ॥
अलभ्याम् इच्छतस् तस्य कीचकस्य दुरात्मनः ॥
वैशंपायन उवाच
भीमो ऽथ प्रथमं गत्वा रात्रौ छन्न उपाविशत् ॥
मृगं हरिर् इवादृश्यः प्रत्याकाङ्क्षत् स कीचकम् ॥
bhīmasena uvāca
svāgataṃ te varārohe yan mā vedayase priyam ||
na hy asya kaṃ cid icchāmi sahāyaṃ varavarṇini ||
yā me prītis tvayākhyātā kīcakasya samāgame ||
hatvā hiḍimbaṃ sā prītir mamāsīd varavarṇini ||
satyaṃ bhrātṝṃś ca dharmaṃ ca puraskṛtya bravīmi te ||
kīcakaṃ nihaniṣyāmi vṛtraṃ devapatir yathā ||
taṃ gahvare prakāśe vā pothayiṣyāmi kīcakam ||
atha ced avabhotsyanti haṃsye matsyān api dhruvam ||
tato duryodhanaṃ hatvā pratipatsye vasuṃdharām ||
kāmaṃ matsyam upāstāṃ hi kuntīputro yudhiṣṭhiraḥ ||
draupady uvāca
yathā na saṃtyajethās tvaṃ satyaṃ vai matkṛte vibho ||
nigūḍhas tvaṃ tathā vīra kīcakaṃ vinipātaya ||
bhīmasena uvāca
evam etat kariṣyāmi yathā tvaṃ bhīru bhāṣase ||
adṛśyamānas tasyādya tamasvinyām anindite ||
nāgo bilvam ivākramya pothayiṣyāmy ahaṃ śiraḥ ||
alabhyām icchatas tasya kīcakasya durātmanaḥ ||
vaiśaṃpāyana uvāca
bhīmo 'tha prathamaṃ gatvā rātrau channa upāviśat ||
mṛgaṃ harir ivādṛśyaḥ pratyākāṅkṣat sa kīcakam ||
Bhimasena said: 'Welcome, lovely one, for bringing me this desired news. I need no helper at all in this matter, fair-faced one. That joy which you brought me by telling of the meeting with Kichaka is the same joy I had, lovely one, when I killed Hidimba. Placing truth, my brothers, and dharma foremost, I tell you: I shall slay Kichaka as the lord of the gods slew Vritra. In a cave or in the open, I shall tear Kichaka apart; and if they learn of it, I shall surely slay the Matsyas too. Then, having killed Duryodhana, I shall take possession of the earth. Let Yudhishthira, son of Kunti, serve Matsya if he wishes.' Draupadi said: 'So that you not abandon truth for my sake, lord, kill Kichaka in secret, hero.' Bhimasena said: 'So I shall do, timid one, as you say. Today in the darkness, blameless one, unseen by him, I shall set my foot upon the head of this wicked Kichaka, who desires the unattainable, and crush it as an elephant crushes a bilva fruit.' Vaishampayana said: 'At night Bhima arrived first, concealed, sat down, and, unseen, waited for Kichaka, as a lion waits for its prey.'
bdd58efebe55 · 发布于 2026年7月16日 18:17:34 UTC
可用语言RUEN用方向键翻颂
Bhima is ready to raze the whole city, yet he accepts Draupadi's request for secrecy. His strength is governed not by fury but by purpose.