कीचकश् चाप्य् अलंकृत्य यथाकामम् उपाव्रजत् ॥
तां वेलां नर्तनागारे पाञ्चालीसंगमाशया ॥
मन्यमानः स संकेतम् आगारं प्राविशच् च तम् ॥
प्रविश्य च स तद् वेश्म तमसा संवृतं महत् ॥
पूर्वागतं ततस् तत्र भीमम् अप्रतिमौजसम् ॥
एकान्तम् आस्थितं चैनम् आससाद सुदुर्मतिः ॥
शयानं शयने तत्र मृत्युं सूतः परामृशत् ॥
जाज्वल्यमानं कोपेन कृष्णाधर्षणजेन ह ॥
उपसंगम्य चैवैनं कीचकः काममोहितः ॥
हर्षोन्मथितचित्तात्मा स्मयमानो ऽभ्यभाषत ॥
प्रापितं ते मया वित्तं बहुरूपम् अनन्तकम् ॥
तत् सर्वं त्वां समुद्दिश्य सहसा समुपागतः ॥
नाकस्मान् मां प्रशंसन्ति सदा गृहगताः स्त्रियः ॥
सुवासा दर्शनीयश् च नान्यो ऽस्ति त्वादृशः पुमान् ॥
भीमसेन उवाच
दिष्ट्या त्वं दर्शनीयो ऽसि दिष्ट्यात्मानं प्रशंससि ॥
ईदृशस् तु त्वया स्पर्शः स्पृष्टपूर्वो न कर्हि चित् ॥
वैशंपायन उवाच
इत्य् उक्त्वा तं महाबाहुर् भीमो भीमपराक्रमः ॥
समुत्पत्य च कौन्तेयः प्रहस्य च नराधमम् ॥
भीमो जग्राह केशेषु माल्यवत्सु सुगन्धिषु ॥
kīcakaś cāpy alaṃkṛtya yathākāmam upāvrajat ||
tāṃ velāṃ nartanāgāre pāñcālīsaṃgamāśayā ||
manyamānaḥ sa saṃketam āgāraṃ prāviśac ca tam ||
praviśya ca sa tad veśma tamasā saṃvṛtaṃ mahat ||
pūrvāgataṃ tatas tatra bhīmam apratimaujasam ||
ekāntam āsthitaṃ cainam āsasāda sudurmatiḥ ||
śayānaṃ śayane tatra mṛtyuṃ sūtaḥ parāmṛśat ||
jājvalyamānaṃ kopena kṛṣṇādharṣaṇajena ha ||
upasaṃgamya caivainaṃ kīcakaḥ kāmamohitaḥ ||
harṣonmathitacittātmā smayamāno 'bhyabhāṣata ||
prāpitaṃ te mayā vittaṃ bahurūpam anantakam ||
tat sarvaṃ tvāṃ samuddiśya sahasā samupāgataḥ ||
nākasmān māṃ praśaṃsanti sadā gṛhagatāḥ striyaḥ ||
suvāsā darśanīyaś ca nānyo 'sti tvādṛśaḥ pumān ||
bhīmasena uvāca
diṣṭyā tvaṃ darśanīyo 'si diṣṭyātmānaṃ praśaṃsasi ||
īdṛśas tu tvayā sparśaḥ spṛṣṭapūrvo na karhi cit ||
vaiśaṃpāyana uvāca
ity uktvā taṃ mahābāhur bhīmo bhīmaparākramaḥ ||
samutpatya ca kaunteyaḥ prahasya ca narādhamam ||
bhīmo jagrāha keśeṣu mālyavatsu sugandhiṣu ||
Kichaka, adorned just as he wished, came at the appointed time to the dancing hall, hoping for a meeting with Panchali. Thinking it the agreed place, he entered that great house, wrapped in darkness. Entering, evil in mind, he approached Bhima, unequaled in might, who had come earlier and sat there alone. The son of a suta touched, lying there on the couch, his own death, blazing with the wrath born of the outrage against Krishna. Approaching him, Kichaka, blinded by desire, his mind stirred by joy, said with a smile: 'I have brought you wealth of many kinds, without end. All of it is for you; I came at once. Not without cause do the women of the house always praise me: I am well dressed and handsome, and there is no other man like me for you.' Bhimasena said: 'Fortunately, you are handsome. Fortunately, you praise yourself. But such a touch as yours, no one has ever before experienced.' Having said this, the mighty-armed Bhima, terrible in valor, the Kaunteya, sprang up, laughed at the base man, and seized him by his hair, adorned with garlands and fragrance.
85dce6f46ab6 · 发布于 2026年7月16日 18:17:34 UTC
可用语言RUEN用方向键翻颂
Bhima's irony is terrible: Kichaka came for a tryst of love but touched death instead. His self-praise becomes the last word of his pride.