संजय उवाच
भगदत्तः कृपः शल्यः कृतवर्मा च सात्वतः ॥
विन्दानुविन्दाव् आवन्त्यौ सैन्धवश् च जयद्रथः ॥
चित्रसेनो विकर्णश् च तथा दुर्मर्षणो युवा ॥
दशैते तावका योधा भीमसेनम् अयोधयन् ॥
महत्या सेनया युक्ता नानादेशसमुत्थया ॥
भीष्मस्य समरे राजन् प्रार्थयाना महद् यशः ॥
शल्यस् तु नवभिर् बाणैर् भीमसेनम् अताडयत् ॥
कृतवर्मा त्रिभिर् बाणैः कृपश् च नवभिः शरैः ॥
चित्रसेनो विकर्णश् च भगदत्तश् च मारिष ॥
दशभिर् दशभिर् भल्लैर् भीमसेनम् अताडयन् ॥
सैन्धवश् च त्रिभिर् बाणैर् जत्रुदेशे ऽभ्यताडयत् ॥
विन्दानुविन्दाव् आवन्त्यौ पञ्चभिः पञ्चभिः शरैः ॥
दुर्मर्षणश् च विंशत्या पाण्डवं निशितैः शरैः ॥
स तान् सर्वान् महाराज भ्राजमानान् पृथक् पृथक् ॥
प्रवीरान् सर्वलोकस्य धार्तराष्ट्रान् महारथान् ॥
विव्याध बहुभिर् बाणैर् भीमसेनो महाबलः ॥
शल्यं पञ्चाशता विद्ध्वा कृतवर्माणम् अष्टभिः ॥
कृपस्य सशरं चापं मध्ये चिच्छेद भारत ॥
अथैनं छिन्नधन्वानं पुनर् विव्याध पञ्चभिः ॥
विन्दानुविन्दौ च तथा त्रिभिस् त्रिभिर् अताडयत् ॥
दुर्मर्षणं च विंशत्या चित्रसेनं च पञ्चभिः ॥
विकर्णं दशभिर् बाणैः पञ्चभिश् च जयद्रथम् ॥
विद्ध्वा भीमो ऽनदद् धृष्टः सैन्धवं च पुनस् त्रिभिः ॥
saṃjaya uvāca
bhagadattaḥ kṛpaḥ śalyaḥ kṛtavarmā ca sātvataḥ ||
vindānuvindāv āvantyau saindhavaś ca jayadrathaḥ ||
citraseno vikarṇaś ca tathā durmarṣaṇo yuvā ||
daśaite tāvakā yodhā bhīmasenam ayodhayan ||
mahatyā senayā yuktā nānādeśasamutthayā ||
bhīṣmasya samare rājan prārthayānā mahad yaśaḥ ||
śalyas tu navabhir bāṇair bhīmasenam atāḍayat ||
kṛtavarmā tribhir bāṇaiḥ kṛpaś ca navabhiḥ śaraiḥ ||
citraseno vikarṇaś ca bhagadattaś ca māriṣa ||
daśabhir daśabhir bhallair bhīmasenam atāḍayan ||
saindhavaś ca tribhir bāṇair jatrudeśe 'bhyatāḍayat ||
vindānuvindāv āvantyau pañcabhiḥ pañcabhiḥ śaraiḥ ||
durmarṣaṇaś ca viṃśatyā pāṇḍavaṃ niśitaiḥ śaraiḥ ||
sa tān sarvān mahārāja bhrājamānān pṛthak pṛthak ||
pravīrān sarvalokasya dhārtarāṣṭrān mahārathān ||
vivyādha bahubhir bāṇair bhīmaseno mahābalaḥ ||
śalyaṃ pañcāśatā viddhvā kṛtavarmāṇam aṣṭabhiḥ ||
kṛpasya saśaraṃ cāpaṃ madhye ciccheda bhārata ||
athainaṃ chinnadhanvānaṃ punar vivyādha pañcabhiḥ ||
vindānuvindau ca tathā tribhis tribhir atāḍayat ||
durmarṣaṇaṃ ca viṃśatyā citrasenaṃ ca pañcabhiḥ ||
vikarṇaṃ daśabhir bāṇaiḥ pañcabhiś ca jayadratham ||
viddhvā bhīmo 'nadad dhṛṣṭaḥ saindhavaṃ ca punas tribhiḥ ||
Sanjaya said: 'Bhagadatta, Kripa, Shalya, Kritavarman the Satvata, the two Avanti brothers Vinda and Anuvinda, Saindhava Jayadratha, Chitrasena, Vikarna, and young Durmarshana — these ten warriors of yours fought with Bhimasena. Joined with a great army gathered from many lands, they sought great glory in battle, O king, for Bhishma's sake. Shalya struck Bhimasena with nine arrows, Kritavarman with three, and Kripa with nine. Chitrasena, Vikarna, and Bhagadatta, honored one, each struck Bhimasena with ten bhallas. Saindhava struck him with three arrows in the collarbone; Vinda and Anuvinda, the two men of Avanti, struck him with five arrows each; and Durmarshana struck him with twenty sharp arrows. Mighty Bhimasena pierced all these shining, separately blazing, finest heroes of the whole world, the great chariot-warriors of the Dhartarashtras, with many arrows. Having wounded Shalya with fifty arrows and Kritavarman with eight, he cut through the middle the bow of Kripa together with its arrow, O Bharata, and then, his bow now severed, pierced him again with five. He struck Vinda and Anuvinda each with three arrows, Durmarshana with twenty, Chitrasena with five, Vikarna with ten, and Jayadratha with five; and having struck Saindhava again with three arrows, Bhima roared with joy.'
afd352bcb3b8 · 发布于 2026年7月17日 21:55:42 UTC
可用语言RUEN用方向键翻颂
The chapter opens not with a single duel but with Bhima surrounded by ten defenders of Bhishma. Bhima at once shows that a multitude of foes cannot break his onslaught.