एतान् पश्य च पाञ्चालान् द्राव्यमाणान् महात्मना ॥
शक्रेणेव यथा दैत्यान् हन्यमानान् महाहवे ॥
एष कर्णो रणे जित्वा पाञ्चालान् पाण्डुसृञ्जयान् ॥
दिशो विप्रेक्षते सर्वास् त्वदर्थम् इति मे मतिः ॥
पश्य पार्थ धनुः श्रेष्ठं विकर्षन् साधु शोभते ॥
शत्रूञ् जित्वा यथा शक्रो देवसंघैः समावृतः ॥
एते नदन्ति कौरव्या दृष्ट्वा कर्णस्य विक्रमम् ॥
त्रासयन्तो रणे पार्थान् सृञ्जयांश् च सहस्रशः ॥
एष सर्वात्मना पाण्डूंस् त्रासयित्वा महारणे ॥
अभिभाषति राधेयः सर्वसैन्यानि मानदः ॥
अभिद्रवत गच्छध्वं द्रुतं द्रवत कौरवाः ॥
यथा जीवन् न वः कश् चिन् मुच्यते युधि सृञ्जयः ॥
तथा कुरुत संयत्ता वयं यास्याम पृष्ठतः ॥
एवम् उक्त्वा ययाव् एष पृष्ठतो विकिरञ् शरैः ॥
पश्य कर्णं रणे पार्थ श्वेतच्छविविराजितम् ॥
उदयं पर्वतं यद्वच् छोभयन् वै दिवाकरः ॥
पूर्णचन्द्रनिकाशेन मूर्ध्नि छत्रेण भारत ॥
ध्रियमाणेन समरे तथा शतशलाकिना ॥
एष त्वां प्रेक्षते कर्णः सकटाक्षो विशां पते ॥
उत्तमं यत्नम् आस्थाय ध्रुवम् एष्यति संयुगे ॥
etān paśya ca pāñcālān drāvyamāṇān mahātmanā ||
śakreṇeva yathā daityān hanyamānān mahāhave ||
eṣa karṇo raṇe jitvā pāñcālān pāṇḍusṛñjayān ||
diśo viprekṣate sarvās tvadartham iti me matiḥ ||
paśya pārtha dhanuḥ śreṣṭhaṃ vikarṣan sādhu śobhate ||
śatrūñ jitvā yathā śakro devasaṃghaiḥ samāvṛtaḥ ||
ete nadanti kauravyā dṛṣṭvā karṇasya vikramam ||
trāsayanto raṇe pārthān sṛñjayāṃś ca sahasraśaḥ ||
eṣa sarvātmanā pāṇḍūṃs trāsayitvā mahāraṇe ||
abhibhāṣati rādheyaḥ sarvasainyāni mānadaḥ ||
abhidravata gacchadhvaṃ drutaṃ dravata kauravāḥ ||
yathā jīvan na vaḥ kaś cin mucyate yudhi sṛñjayaḥ ||
tathā kuruta saṃyattā vayaṃ yāsyāma pṛṣṭhataḥ ||
evam uktvā yayāv eṣa pṛṣṭhato vikirañ śaraiḥ ||
paśya karṇaṃ raṇe pārtha śvetacchavivirājitam ||
udayaṃ parvataṃ yadvac chobhayan vai divākaraḥ ||
pūrṇacandranikāśena mūrdhni chatreṇa bhārata ||
dhriyamāṇena samare tathā śataśalākinā ||
eṣa tvāṃ prekṣate karṇaḥ sakaṭākṣo viśāṃ pate ||
uttamaṃ yatnam āsthāya dhruvam eṣyati saṃyuge ||
“Посмотри и на этих Панчалов: могучий Карна гонит их и поражает в великой битве, как Шакра поражает дайтьев. Этот Карна, победив в бою Панчалов, Пандавов и Сринджаев, осматривает все стороны; я думаю, он ищет тебя. Смотри, Партха: натягивая лучший лук, он прекрасно сияет, как Шакра, победивший врагов и окружённый сонмами богов. Кауравы, увидев доблесть Карны, ликуют и в бою устрашают Партхов и тысячи Сринджаев. Радхея, всем своим существом устрашив Пандавов в великой битве, обращается ко всем войскам: ‘Нападайте, идите, быстро бегите, Кауравы! Действуйте так собранно, чтобы ни один Сринджая не ушёл живым из боя; я пойду следом’. Сказав это, он двинулся сзади, рассыпая стрелы. Смотри на Карну в бою, Партха: он сияет белым блеском, словно солнце озаряет гору восхода. Над его головой, Бхарата, в бою держат зонт, подобный полной луне и имеющий сотню спиц. Этот Карна смотрит на тебя искоса, владыка людей; собрав высшее усилие, он несомненно придёт на тебя в сражении”.
1b0cb03effce · 发布于 2026年6月20日 06:34:30 UTC
可用语言RU用方向键翻颂
Карна здесь уже ищет Арджуну, и Кришна прямо называет это. Война сжимается к главному столкновению: две линии силы, долго расходившиеся по полю, начинают сходиться.