पश्य ह्य् एनं महाबाहो विधुन्वानं महद् धनुः ॥
शरांश् चाशीविषाकारान् विसृजन्तं महाबलम् ॥
असौ निवृत्तो राधेयो दृश्यते वानरध्वज ॥
वधाय चात्मनो ऽभ्येति दीपस्य शलभो यथा ॥
कर्णम् एकाकिनं दृष्ट्वा रथानीकेन भारत ॥
रिरक्षिषुः सुसंयत्तो धार्तराष्ट्रो ऽभिवर्तते ॥
सार्वैः सहैभिर् दुष्टात्मा वध्य एष प्रयत्नतः ॥
त्वया यशश् च राज्यं च सुखं चोत्तमम् इच्छता ॥
आत्मानं च कृतात्मानं समीक्ष्य भरतर्षभ ॥
कृतागसं च राधेयं धर्मात्मनि युधिष्ठिरे ॥
प्रतिपद्यस्व राधेयं प्राप्तकालम् अनन्तरम् ॥
आर्यां युद्धे मतिं कृत्वा प्रत्येहि रथयूथपम् ॥
पञ्च ह्य् एतानि मुख्यानां रथानां रथसत्तम ॥
शतान्य् आयान्ति वेगेन बलिनां भीमतेजसाम् ॥
पञ्च नागसहस्राणि द्विगुणा वाजिनस् तथा ॥
अभिसंहत्य कौन्तेय पदातिप्रयुतानि च ॥
अन्योन्यरक्षितं वीर बलं त्वाम् अभिवर्तते ॥
सूतपुत्रे महेष्वासे दर्शयात्मानम् आत्मना ॥
उत्तमं यत्नम् आस्थाय प्रत्येहि भरतर्षभ ॥
असौ कर्णः सुसंरब्धः पाञ्चालान् अभिधावति ॥
केतुम् अस्य हि पश्यामि धृष्टद्युम्नरथं प्रति ॥
समुच्छेत्स्यति पाञ्चालान् इति मन्ये परंतप ॥
paśya hy enaṃ mahābāho vidhunvānaṃ mahad dhanuḥ ||
śarāṃś cāśīviṣākārān visṛjantaṃ mahābalam ||
asau nivṛtto rādheyo dṛśyate vānaradhvaja ||
vadhāya cātmano 'bhyeti dīpasya śalabho yathā ||
karṇam ekākinaṃ dṛṣṭvā rathānīkena bhārata ||
rirakṣiṣuḥ susaṃyatto dhārtarāṣṭro 'bhivartate ||
sārvaiḥ sahaibhir duṣṭātmā vadhya eṣa prayatnataḥ ||
tvayā yaśaś ca rājyaṃ ca sukhaṃ cottamam icchatā ||
ātmānaṃ ca kṛtātmānaṃ samīkṣya bharatarṣabha ||
kṛtāgasaṃ ca rādheyaṃ dharmātmani yudhiṣṭhire ||
pratipadyasva rādheyaṃ prāptakālam anantaram ||
āryāṃ yuddhe matiṃ kṛtvā pratyehi rathayūthapam ||
pañca hy etāni mukhyānāṃ rathānāṃ rathasattama ||
śatāny āyānti vegena balināṃ bhīmatejasām ||
pañca nāgasahasrāṇi dviguṇā vājinas tathā ||
abhisaṃhatya kaunteya padātiprayutāni ca ||
anyonyarakṣitaṃ vīra balaṃ tvām abhivartate ||
sūtaputre maheṣvāse darśayātmānam ātmanā ||
uttamaṃ yatnam āsthāya pratyehi bharatarṣabha ||
asau karṇaḥ susaṃrabdhaḥ pāñcālān abhidhāvati ||
ketum asya hi paśyāmi dhṛṣṭadyumnarathaṃ prati ||
samucchetsyati pāñcālān iti manye paraṃtapa ||
“Посмотри на него, могучий: он размахивает великим луком и выпускает стрелы, подобные ядовитым змеям. Вон Радхея повернул назад, обезьянознаменный; он идёт к собственной гибели, как мотылёк к светильнику. Увидев Карну одного с колесничным строем, Дурьодхана, хорошо собранный, приближается, желая защитить его, Бхарата. Этот злодушный вместе со всеми этими должен быть убит тобой с усилием, если ты желаешь славы, царства и высшего счастья. Осознав себя, дисциплинированного духом, и виновного Радхею перед праведным Юдхиштхирой, о бык Бхаратов, немедленно выступи против Карны в наступившее время. Приняв в бою благородное решение, иди навстречу предводителю колесниц. Пять сотен лучших колесниц, о лучший колесничный, с могучими и грозными воинами быстро идут сюда; пять тысяч слонов, вдвое больше коней и массы пеших, собравшись, Каунтея, взаимно прикрывают друг друга и движутся на тебя. Против сына суты, великого лучника, яви себя самим собой; собрав высшее усилие, выступи, о бык Бхаратов. Вон разгневанный Карна бросается на Панчалов. Я вижу его стяг у колесницы Дхриштадьюмны, и думаю, врагов палящий, что он уничтожит Панчалов”.
b4fe2c0dafa1 · 发布于 2026年6月20日 06:34:30 UTC
可用语言RU用方向键翻颂
Кришна переводит видение в приказ: Арджуна должен не просто заметить Карну, а встретить его в должное время. Здесь звучит принцип действия в дхарме: увидеть вину, меру угрозы и собственную обязанность, затем действовать без промедления.