ततः स पुरुषव्याघ्रः सूतसैन्यम् अरिंदम ॥
प्रविवेश महाबाहुर् मकरः सागरं यथा ॥
तं दृष्ट्वा तावका राजन् रथपत्तिसमन्विताः ॥
गजाश्वसादिबहुलाः पाण्डवं समुपाद्रवन् ॥
तत्राभिद्रवतां पार्थम् आरावः सुमहान् अभूत् ॥
सागरस्येव मत्तस्य यथा स्यात् सलिलस्वनः ॥
ते तु तं पुरुषव्याघ्रं व्याघ्रा इव महारथाः ॥
अभ्यद्रवन्त संग्रामे त्यक्त्वा प्राणकृतं भयम् ॥
तेषाम् आपततां तत्र शरवर्षाणि मुञ्चताम् ॥
अर्जुनो व्यधमत् सैन्यं महावातो घनान् इव ॥
ते ऽर्जुनं सहिता भूत्वा रथवंशैः प्रहारिणः ॥
अभियाय महेष्वासा विव्यधुर् निशितैः शरैः ॥
ततो ऽर्जुनः सहस्राणि रथवारणवाजिनाम् ॥
प्रेषयाम् आस विशिखैर् यमस्य सदनं प्रति ॥
ते वध्यमानाः समरे पार्थचापच्युतैः शरैः ॥
तत्र तत्र स्म लीयन्ते भये जाते महारथाः ॥
तेषां चतुःशतान् वीरान् यतमानान् महारथान् ॥
अर्जुनो निशितैर् बाणैर् अनयद् यमसादनम् ॥
ते वध्यमानाः समरे नानालिङ्गैः शितैः शरैः ॥
अर्जुनं समभित्यज्य दुद्रुवुर् वै दिशो भयात् ॥
तेषां शब्दो महान् आसीद् द्रवतां वाहिनीमुखे ॥
महौघस्येव भद्रं ते गिरिम् आसाद्य दीर्यतः ॥
तां तु सेनां भृशं विद्ध्वा द्रावयित्वार्जुनः शरैः ॥
प्रायाद् अभिमुखः पार्थः सूतानीकानि मारिष ॥
तस्य शब्दो महान् आसीत् परान् अभिमुखस्य वै ॥
गरुडस्येव पततः पन्नगार्थे यथा पुरा ॥
tataḥ sa puruṣavyāghraḥ sūtasainyam ariṃdama ||
praviveśa mahābāhur makaraḥ sāgaraṃ yathā ||
taṃ dṛṣṭvā tāvakā rājan rathapattisamanvitāḥ ||
gajāśvasādibahulāḥ pāṇḍavaṃ samupādravan ||
tatrābhidravatāṃ pārtham ārāvaḥ sumahān abhūt ||
sāgarasyeva mattasya yathā syāt salilasvanaḥ ||
te tu taṃ puruṣavyāghraṃ vyāghrā iva mahārathāḥ ||
abhyadravanta saṃgrāme tyaktvā prāṇakṛtaṃ bhayam ||
teṣām āpatatāṃ tatra śaravarṣāṇi muñcatām ||
arjuno vyadhamat sainyaṃ mahāvāto ghanān iva ||
te 'rjunaṃ sahitā bhūtvā rathavaṃśaiḥ prahāriṇaḥ ||
abhiyāya maheṣvāsā vivyadhur niśitaiḥ śaraiḥ ||
tato 'rjunaḥ sahasrāṇi rathavāraṇavājinām ||
preṣayām āsa viśikhair yamasya sadanaṃ prati ||
te vadhyamānāḥ samare pārthacāpacyutaiḥ śaraiḥ ||
tatra tatra sma līyante bhaye jāte mahārathāḥ ||
teṣāṃ catuḥśatān vīrān yatamānān mahārathān ||
arjuno niśitair bāṇair anayad yamasādanam ||
te vadhyamānāḥ samare nānāliṅgaiḥ śitaiḥ śaraiḥ ||
arjunaṃ samabhityajya dudruvur vai diśo bhayāt ||
teṣāṃ śabdo mahān āsīd dravatāṃ vāhinīmukhe ||
mahaughasyeva bhadraṃ te girim āsādya dīryataḥ ||
tāṃ tu senāṃ bhṛśaṃ viddhvā drāvayitvārjunaḥ śaraiḥ ||
prāyād abhimukhaḥ pārthaḥ sūtānīkāni māriṣa ||
tasya śabdo mahān āsīt parān abhimukhasya vai ||
garuḍasyeva patataḥ pannagārthe yathā purā ||
Затем этот тигр среди людей, сильнорукий укротитель врагов, ворвался в войско сына возницы, как макара входит в океан. Увидев его, твои воины, о царь, с колесницами и пехотой, со множеством слонов, коней и всадников бросились на Пандаву. Когда они бежали на Партху, поднялся огромный шум, словно водяной гул обезумевшего моря. Эти махаратхи, словно тигры, устремились на тигра среди людей в сражении, отбросив страх за жизнь. Пока они налетали и выпускали дожди стрел, Арджуна разметал их войско, как великий ветер разметает тучи. Великие лучники, соединившись против Арджуны, подошли и били его острыми стрелами рядами колесниц. Тогда Арджуна стрелами отправил тысячи колесниц, слонов и коней к обители Ямы. Поражаемые в бою стрелами, сорвавшимися с лука Партхи, махаратхи в страхе скрывались кто где. Четыреста героев-махаратхов, которые ещё старались сражаться, Арджуна острыми стрелами отправил к Яме. Поражаемые разными острыми стрелами, они бросили Арджуну и от страха разбежались по сторонам. Их шум на переднем краю войска был велик, словно грохот огромного потока, разбивающегося о гору. Жестоко изранив это войско и обратив его стрелами в бегство, Партха двинулся прямо на отряды сына возницы, почтенный. Гул Арджуны, идущего на врагов, был велик, словно гул Гаруды, летящего за змеями, как в древности».
8b8c6987a71d · 发布于 2026年6月20日 07:46:48 UTC
可用语言RU用方向键翻颂
Арджуна идёт к Карне через плотный слой страха и сопротивления. Войско пытается стать океаном, но перед направленной волей оно оказывается лишь тучами перед ветром.