वैशंपायन उवाच
एष ते कथितः पूर्वं संभवो ऽस्मद्गुरोर् नृप ॥
व्यासस्याक्लिष्टमनसो यथा पृष्टः पुनः शृणु ॥
सांख्यं योगं पञ्चरात्रं वेदाः पाशुपतं तथा ॥
ज्ञानान्य् एतानि राजर्षे विद्धि नानामतानि वै ॥
सांख्यस्य वक्ता कपिलः परमर्षिः स उच्यते ॥
हिरण्यगर्भो योगस्य वेत्ता नान्यः पुरातनः ॥
अपान्तरतमाश् चैव वेदाचार्यः स उच्यते ॥
प्राचीनगर्भं तम् ऋषिं प्रवदन्तीह के चन ॥
उमापतिर् भूतपतिः श्रीकण्ठो ब्रह्मणः सुतः ॥
उक्तवान् इदम् अव्यग्रो ज्ञानं पाशुपतं शिवः ॥
पञ्चरात्रस्य कृत्स्नस्य वेत्ता तु भगवान् स्वयम् ॥
सर्वेषु च नृपश्रेष्ठ ज्ञानेष्व् एतेषु दृश्यते ॥
यथागमं यथाज्ञानं निष्ठा नारायणः प्रभुः ॥
न चैनम् एवं जानन्ति तमोभूता विशां पते ॥
तम् एव शास्त्रकर्तारं प्रवदन्ति मनीषिणः ॥
निष्ठां नारायणम् ऋषिं नान्यो ऽस्तीति च वादिनः ॥
निःसंशयेषु सर्वेषु नित्यं वसति वै हरिः ॥
ससंशयान् हेतुबलान् नाध्यावसति माधवः ॥
पञ्चरात्रविदो ये तु यथाक्रमपरा नृप ॥
एकान्तभावोपगतास् ते हरिं प्रविशन्ति वै ॥
vaiśaṃpāyana uvāca
eṣa te kathitaḥ pūrvaṃ saṃbhavo 'smadguror nṛpa ||
vyāsasyākliṣṭamanaso yathā pṛṣṭaḥ punaḥ śṛṇu ||
sāṃkhyaṃ yogaṃ pañcarātraṃ vedāḥ pāśupataṃ tathā ||
jñānāny etāni rājarṣe viddhi nānāmatāni vai ||
sāṃkhyasya vaktā kapilaḥ paramarṣiḥ sa ucyate ||
hiraṇyagarbho yogasya vettā nānyaḥ purātanaḥ ||
apāntaratamāś caiva vedācāryaḥ sa ucyate ||
prācīnagarbhaṃ tam ṛṣiṃ pravadantīha ke cana ||
umāpatir bhūtapatiḥ śrīkaṇṭho brahmaṇaḥ sutaḥ ||
uktavān idam avyagro jñānaṃ pāśupataṃ śivaḥ ||
pañcarātrasya kṛtsnasya vettā tu bhagavān svayam ||
sarveṣu ca nṛpaśreṣṭha jñāneṣv eteṣu dṛśyate ||
yathāgamaṃ yathājñānaṃ niṣṭhā nārāyaṇaḥ prabhuḥ ||
na cainam evaṃ jānanti tamobhūtā viśāṃ pate ||
tam eva śāstrakartāraṃ pravadanti manīṣiṇaḥ ||
niṣṭhāṃ nārāyaṇam ṛṣiṃ nānyo 'stīti ca vādinaḥ ||
niḥsaṃśayeṣu sarveṣu nityaṃ vasati vai hariḥ ||
sasaṃśayān hetubalān nādhyāvasati mādhavaḥ ||
pañcarātravido ye tu yathākramaparā nṛpa ||
ekāntabhāvopagatās te hariṃ praviśanti vai ||
Вайшампаяна сказал: «Так тебе уже рассказано происхождение нашего учителя, Вьясы с неутомлённым умом. Теперь, как ты спросил, слушай дальше. Санкхью, йогу, панчаратру, Веды и пашупата знай, царственный риши, как различные учения. Учителем санкхьи называют высшего риши Капилу. Знатоком йоги является древний Хираньягарбха, и никто иной. Апантаратаму называют учителем Вед; некоторые здесь именуют этого риши Прачинагарбхой. Шива, муж Умы, владыка существ, Шрикантха, сын Брахмы, невозмутимо изложил знание пашупаты. А полным знатоком всей панчаратры является сам Бхагаван. Лучший из царей, Он видим во всех этих знаниях. Согласно каждому писанию и каждому знанию, конечная цель - Господь Нараяна; но омрачённые люди не знают Его так. Мудрые называют Его одного творцом шастры, Нараяну-риши - конечной целью, и говорят, что другого нет. Хари вечно пребывает во всех, кто свободен от сомнения; но в тех, кто полон сомнений и опирается только на силу доводов, Мадхава не поселяется. Те же знатоки панчаратры, которые следуют правильному порядку и достигают единого преданного состояния, воистину входят в Хари».
022adf4f0e93 · 发布于 2026年6月21日 08:24:33 UTC
可用语言RU用方向键翻颂
Различие школ не отменяется, но их основание раскрывается в Нараяне. Панчаратра здесь выделена как путь эканта-бхавы: не просто теории, а цельного преданного устремления к Хари.