एष फुल्लार्जुनः शैलः केतकैर् अधिवासितः । सुग्रीव इव शान्तारिर् धाराभिर् अभिषिच्यते ॥
मेघकृष्णाजिनधरा धारायज्ञोपवीतिनः । मारुतापूरितगुहाः प्राधीता इव पर्वताः ॥
कशाभिर् इव हैमीभिर् विद्युद्भिर् इव ताडितम् । अन्तःस्तनितनिर्घोषं सवेदनम् इवाम्बरम् ॥
नीलमेघाश्रिता विद्युत् स्फुरन्ती प्रतिभाति मे । स्फुरन्ती रावणस्याङ्के वैदेहीव तपस्विनी ॥
इमास् ता मन्मथवतां हिताः प्रतिहता दिशः । अनुलिप्ता इव घनैर् नष्टग्रहनिशाकराः ॥
क्व चिद् बाष्पाभिसंरुद्धान् वर्षागमसमुत्सुकान् । कुटजान् पश्य सौमित्रे पुष्टितान् गिरिसानुषु । मम शोकाभिभूतस्य कामसंदीपनान् स्थितान् ॥
eṣa phullārjunaḥ śailaḥ ketakair adhivāsitaḥ | sugrīva iva śāntārir dhārābhir abhiṣicyate ||
meghakṛṣṇājinadharā dhārāyajñopavītinaḥ | mārutāpūritaguhāḥ prādhītā iva parvatāḥ ||
kaśābhir iva haimībhir vidyudbhir iva tāḍitam | antaḥstanitanirghoṣaṃ savedanam ivāmbaram ||
nīlameghāśritā vidyut sphurantī pratibhāti me | sphurantī rāvaṇasyāṅke vaidehīva tapasvinī ||
imās tā manmathavatāṃ hitāḥ pratihatā diśaḥ | anuliptā iva ghanair naṣṭagrahaniśākarāḥ ||
kva cid bāṣpābhisaṃruddhān varṣāgamasamutsukān | kuṭajān paśya saumitre puṣṭitān girisānuṣu | mama śokābhibhūtasya kāmasaṃdīpanān sthitān ||
«Эта гора, покрытая цветущей арджуной и благоухающая кетаками, орошается потоками дождя, словно Сугрива, чьи враги усмирены, получает помазание. Горы носят облака как чёрные шкуры, потоки как священные шнуры, их пещеры наполнены ветром, и они словно произносят Веду. Небо, ударяемое молниями как золотыми плетьми и гудящее внутренним громом, кажется страдающим. Молния, укрывшаяся в синем облаке и сверкающая, является мне как несчастная Вайдехи, сверкающая на коленях Раваны. Эти закрытые стороны света, умащённые облаками, с исчезнувшими планетами и луной, приятны для любящих. Саумитри, посмотри на кутам, расцветшие на горных склонах: они словно сдавлены слезами, взволнованы приходом дождей и стоят, разжигая любовь во мне, подавленном скорбью».
ba211ac6cf77 · 发布于 2026年6月22日 00:00:00 UTC
可用语言RU用方向键翻颂
Пейзаж постоянно переходит в память о Сите. Даже молния в облаке становится образом Вайдехи у Раваны, а цветы на склонах не утешают, а усиливают любовь и боль.