अथ तथावेशिनम् एव व्रजेशानं यदा पाशिनः पुरतस् तदादेशाभिनिवेशिनस् ते सञ्चारितवन्तस्, तदा तदाकारत एव तं निर्धारयन् पुनश् च नारायणधारणावन्तम् अवधारयन्न् अयम् अतिदरादराभ्यां कृतदिव्यवस्त्रादिप्रशस्तितया वरशय्याम् एवाधिशाययामास ।
स्वयं च पितृहरणासहिष्णुकृष्णागमनम् अनन्तरम् एव मन्वानः सुदूरदृष्टिहेतुं पूर्द्वारम् अधितिष्ठन्न् ऊर्ध्वम् एव तिष्ठति स्म ।
अथात्रत्यं वृत्तम् अनुवृत्त्यताम् ।
यदा खलु कृष्णस्य तातः कृष्णापाथसि तन्नाथवत्तामात्रधनानां जनानाम् अदृश्यताम् अवाप, तदा दिशि दिशि कान्दिशीकास् ते जलम् अवगाह्य तदप्राप्तितस् तद्बाह्यं प्रदेशम् आगताः । आगम्य च विक्रोशन्त एव व्रजम् अभिगच्छन्तः, कृष्णरामाग्रण्यस् तान् व्रजग्रामण्यः कलितासुखान् स्वाभिमुखान् एव लेभिरे ।
atha tathāveśinam eva vrajeśānaṁ yadā pāśinaḥ puratas tad-ādeśābhiniveśinas te sañcāritavantas, tadā tad-ākārata eva taṁ nirdhārayan punaś ca nārāyaṇa-dhāraṇāvantam avadhārayann ayam atidarādarābhyāṁ kṛta-divya-vastrādi-praśastitayā varaśayyām evādhiśāyayāmāsa |
svayaṁ ca pitṛ-haraṇāsahiṣṇu-kṛṣṇāgamanam anantaram eva manvānaḥ sudūra-dṛṣṭi-hetuṁ pūr-dvāram adhitiṣṭhann ūrdhvam eva tiṣṭhati sma |
athātratyaṁ vṛttam anuvṛttyatām |
yadā khalu kṛṣṇasya tātaḥ kṛṣṇā-pāthasi tan-nāthavattā-mātra-dhanānāṁ janānām adṛśyatām avāpa, tadā diśi diśi kāndiśīkās te jalam avagāhya tad-aprāptitas tad-bāhyaṁ pradeśam āgatāḥ | āgamya ca vikrośanta eva vrajam abhigacchantaḥ, kṛṣṇa-rāmāgraṇyas tān vraja-grāmaṇyaḥ kalitāsukhān svābhimukhān eva lebhire |
metre not identified
Когда же слуги, исполняя приказ, привели владыку Враджа, всё ещё погружённого в раздумье, к Держащему петлю, тот, узнав его по облику и поняв, что он погружён в Нараяну, с великим страхом и почтением почтил его небесными одеждами и прочим и уложил на лучшее ложе. А сам, понимая, что Кришна, не стерпев похищения отца, придёт тотчас следом, стал у ворот своего града, чтобы видеть издали. А теперь последуем за тем, что было здесь. Когда отец Кришны исчез в водах Кришны, люди, чьё единственное богатство — иметь Его господином, растерялись, бросились во все стороны в воду, не нашли его, вышли на берег и, рыдая, пошли ко Врадж; а старшины Враджа во главе с Кришной и Рамой встретили их, горюющих, лицом к лицу.
2fb81c915a92 · published Sep 24, 2026, 9:33:49 PM UTC
Available inRUPage between verses with
Держащий петлю — Варуна. Кришна — одно из имён Ямуны.