यम उवाच
एतन्माधवमासस्य समासात्किञ्चिदीरितम् । माहात्म्यं पूर्णिमायाश्च विशेषाद्द्विजसत्तम
वैशाखमासे मधुसूदनस्य प्रियं य एनं पठतीतिहासम् । स याति कृष्णालयमाशु पूतः कल्पाननेकानिह मोदते च
धन्यं यशस्यमायुष्यमिदं स्वस्त्ययनं महत् । स्वर्ग्यं श्रीदं सौमनस्यं प्रशस्यमघमर्षणम्
इदं माधवमासस्य माहात्म्यं माधवप्रियम् । चरित्रं भूपतेस्तस्य संवादं चावयोरपि
श्रुत्वा पठित्वा विधिवदनुमोद्य मनःप्रियम् । भवेद्धक्तिर्भगवति यथा स्यात्पापसंक्षयः
अथ गच्छ महीदेव देवलोकाद्यथेच्छया । निपात्य भुवि वै देहं रुदन्त्याद्यापि बान्धवाः
विलप्यमानैरपि बन्धुभिस्तैर्न यावदग्नौ तव तच्छरीरम् । प्रक्षिप्यते हन्त जवैर्न तावद्याहि स्वयं सुप्त इव प्रबुद्धः
मम प्रसादादिह पुण्ययोगः श्रुतो यथावत्तमिमं विधेहि । विधानतो वै समये समन्ते समागमोऽन्ते भविता सुरैश्च
इति देववचः श्रुत्वा नत्वा धर्माधिपं ततः । पुनः पपात स इह परितुष्टमना द्विजः
धर्मराजप्रसादेन ततस्तत्र महीतले । संसुप्त इव चोत्तस्थौ बन्धुवर्गसमन्वितः
विधिमेनं द्विजो भूमौ वर्षे वर्षे च स स्वयम् । चकार कारयामास माधवस्नापनं जनम्
यमब्राह्मणसंवादो मयायं परिकीर्तितः । तस्य माधवमासस्य पुण्यस्नानप्रसङ्गतः
वैशाखमासे सततं हरिप्रिये स्नानं विदध्याच्च ददाति भक्त्या । दानं च होमं सुकृतं तथा बुधो हरेः पदं तस्य न दुर्लभं कदा
यः शृणोत्येकचित्तेन माहात्म्यं मेषसूर्यजम् । सर्वपापविनिर्मुक्तो याति विष्णोः परं पदम्
etanmādhavamāsasya samāsātkiñcidīritam | māhātmyaṃ pūrṇimāyāśca viśeṣāddvijasattama
vaiśākhamāse madhusūdanasya priyaṃ ya enaṃ paṭhatītihāsam | sa yāti kṛṣṇālayamāśu pūtaḥ kalpānanekāniha modate ca
dhanyaṃ yaśasyamāyuṣyamidaṃ svastyayanaṃ mahat | svargyaṃ śrīdaṃ saumanasyaṃ praśasyamaghamarṣaṇam
idaṃ mādhavamāsasya māhātmyaṃ mādhavapriyam | caritraṃ bhūpatestasya saṃvādaṃ cāvayorapi
śrutvā paṭhitvā vidhivadanumodya manaḥpriyam | bhaveddhaktirbhagavati yathā syātpāpasaṃkṣayaḥ
atha gaccha mahīdeva devalokādyathecchayā | nipātya bhuvi vai dehaṃ rudantyādyāpi bāndhavāḥ
vilapyamānairapi bandhubhistairna yāvadagnau tava taccharīram | prakṣipyate hanta javairna tāvadyāhi svayaṃ supta iva prabuddhaḥ
mama prasādādiha puṇyayogaḥ śruto yathāvattamimaṃ vidhehi | vidhānato vai samaye samante samāgamo'nte bhavitā suraiśca
iti devavacaḥ śrutvā natvā dharmādhipaṃ tataḥ | punaḥ papāta sa iha parituṣṭamanā dvijaḥ
dharmarājaprasādena tatastatra mahītale | saṃsupta iva cottasthau bandhuvargasamanvitaḥ
vidhimenaṃ dvijo bhūmau varṣe varṣe ca sa svayam | cakāra kārayāmāsa mādhavasnāpanaṃ janam
yamabrāhmaṇasaṃvādo mayāyaṃ parikīrtitaḥ | tasya mādhavamāsasya puṇyasnānaprasaṅgataḥ
vaiśākhamāse satataṃ haripriye snānaṃ vidadhyācca dadāti bhaktyā | dānaṃ ca homaṃ sukṛtaṃ tathā budho hareḥ padaṃ tasya na durlabhaṃ kadā
yaḥ śṛṇotyekacittena māhātmyaṃ meṣasūryajam | sarvapāpavinirmukto yāti viṣṇoḥ paraṃ padam
«Это вкратце нечто сказано о величии месяца мадхавы и особо полнолуния, о лучший из дваждырождённых. Кто в месяце вайшакхе читает сие сказание, милое Убийце Мадху, — тот, скоро очищенный, идёт в обитель Кришны и многие кальпы здесь радуется. Благодатно, славоносно, жизнетворно сие великое благословение — небодарящее, дающее благо, отрадное, похвальное, отпускающее грех. Это величие месяца мадхавы, милое Мадхаве, житие того владыки земли и беседу нас двоих услышав, прочитав по уставу, одобрив, милое сердцу, — да будет преданность Владыке, как да будет гибель греха. „И вот ступай, о земной бог, из мира богов, как желаешь: уронив на землю тело, плачут и ныне родичи; и покуда рыдающими родичами не брошено в огонь то твоё тело, увы, — дотоле со всею быстротой ступай сам, как спавший и пробудившийся. По моей милости здесь соединение с заслугой услышано как должно; тот самый устав исполняй, и по уставу, в срок, у предела, встреча в конце будет и с богами“. Услышав такую речь бога и поклонившись владыке дхармы, затем вновь пал он сюда, дваждырождённый, с весьма довольным сердцем. Милостью царя дхармы затем там, на лице земли, встал он, как крепко спавший, окружённый толпою родичей. Этот устав на земле дваждырождённый и сам совершал год за годом, и понуждал людей совершать омовение мадхавы. Сия беседа Ямы и брахмана возглашена мною по случаю святого омовения того месяца мадхавы. В месяце вайшакхе, всегда милом Хари, да совершает мудрый омовение и подаёт с преданностью дар, возлияние и доброе дело, — тому никогда не труднодостижима обитель Хари. Кто слушает единым сердцем это величие, рождённое солнцем в Овне, — тот, освобождённый от всех грехов, идёт в высшую обитель Вишну.»
514f2a97304d · published Sep 3, 2026, 4:13:50 AM UTC
Available inRUPage between verses with
Брахман возвращается не в новое тело, а в своё, ещё не сожжённое, — и Яма торопит его именно потому. Возвратившись, он не рассказывает о виденном, а из года в год делает и заставляет делать одно: омовение.