विनिर्ययतुरात्मेशौ मथुराया बहिस्तदा । रामो लाङ्गलमादाय मुसलं च महारथः
जघान समरे क्रुद्धो यवनानां महद्बलम् । कृष्णस्तु शार्ङ्गमासज्य बाणैरग्निशिखोपमैः
निर्ददाह बलं सर्वं म्लेच्छानां देवकीसुतः । निहतं स्वबलं दृष्ट्वा स कालयवनो बली
युयुधे वासुदेवेन गदया यवनेश्वरः । कृष्णोऽपि कदनं तेन कृत्वा चिरमनामयः
विमुखः प्राद्रवत्तस्मात्सङ्ग्रामात्कमलेक्षणः । सोऽनुयातोऽतिवेगेन तिष्ठ तिष्ठेति चाब्रवीत्
वेगात्कृष्णो गिरिगुहां प्रविवेश महामतिः । तत्र प्रसुप्तो राजासौ मुचुकुन्दो महामुनिः
अदृश्यस्तस्य नृपतेः संस्थितो भगवान्हरिः । यवनोऽपि महावीरो गदामुद्यम्य पाणिना
कृष्णं हन्तुं समारब्धो गुहां तां प्रविवेश ह । दृष्ट्वा शयानं राजानं मत्वा कृष्णं जनार्दनम्
पादेन ताडयामास मुचुकुन्दं महामुनिम् । ततः प्रबुद्धो भगवान्मुचुकुन्दो महामुनिः
क्रोधात्संरक्तनयनो हुङ्कारं कृतवानसौ । तस्य हुङ्कारशब्देन तथा क्रोधनिरीक्षणात्
निर्दग्धो भस्मतां प्राप यवनस्त्यक्तजीवितः । ततस्तु कृष्णो ददृशे राजर्षेः पुरतः प्रभुः
viniryayaturātmeśau mathurāyā bahistadā | rāmo lāṅgalamādāya musalaṃ ca mahārathaḥ
jaghāna samare kruddho yavanānāṃ mahadbalam | kṛṣṇastu śārṅgamāsajya bāṇairagniśikhopamaiḥ
nirdadāha balaṃ sarvaṃ mlecchānāṃ devakīsutaḥ | nihataṃ svabalaṃ dṛṣṭvā sa kālayavano balī
yuyudhe vāsudevena gadayā yavaneśvaraḥ | kṛṣṇo'pi kadanaṃ tena kṛtvā ciramanāmayaḥ
vimukhaḥ prādravattasmātsaṅgrāmātkamalekṣaṇaḥ | so'nuyāto'tivegena tiṣṭha tiṣṭheti cābravīt
vegātkṛṣṇo giriguhāṃ praviveśa mahāmatiḥ | tatra prasupto rājāsau mucukundo mahāmuniḥ
adṛśyastasya nṛpateḥ saṃsthito bhagavānhariḥ | yavano'pi mahāvīro gadāmudyamya pāṇinā
kṛṣṇaṃ hantuṃ samārabdho guhāṃ tāṃ praviveśa ha | dṛṣṭvā śayānaṃ rājānaṃ matvā kṛṣṇaṃ janārdanam
pādena tāḍayāmāsa mucukundaṃ mahāmunim | tataḥ prabuddho bhagavānmucukundo mahāmuniḥ
krodhātsaṃraktanayano huṅkāraṃ kṛtavānasau | tasya huṅkāraśabdena tathā krodhanirīkṣaṇāt
nirdagdho bhasmatāṃ prāpa yavanastyaktajīvitaḥ | tatastu kṛṣṇo dadṛśe rājarṣeḥ purataḥ prabhuḥ
вышли тогда наружу из Матхуры, владыки душ. Рама, великий колесничий, взяв плуг и булаву, разгневанный, сразил в битве великое войско яванов; а сын Деваки, Кришна, натянув Шарнгу, сжёг всё войско млеччхов стрелами, подобными языкам огня. Увидев своё войско истреблённым, мощный владыка яванов Калаявана сражался с Васудевою палицею; и Кришна, невредимый, долго учинял с ним побоище, а затем, отвернувшись, побежал с того сражения, лотосоокий. Тот погнался с великою быстротою, крича: «Стой, стой!» Стремительно великоразумный Кришна вошёл в горную пещеру; там крепко спал тот царь, великий мудрец Мучукунда. Господь Хари стал незримым для того царя. И явана, великий герой, занеся рукою палицу и принявшись убивать Кришну, вошёл в ту пещеру; увидев лежащего царя и сочтя Джанарданою Кришну, он ударил ногою Мучукунду, великого мудреца. Тогда пробуждённый владыка Мучукунда, великий мудрец, с покрасневшими от гнева очами издал хунькару; и от звука его хунькары и от гневного взгляда явана был сожжён, обратился в пепел и оставил жизнь. Затем владыка Кришна явился пред царственным риши.
3b618834b08b · publicado 3 sept 2026, 4:14:07 UTC
Disponible enRUPasa de verso en verso con
Бегущий с поля здесь ведёт преследователя туда, где тот сам себя погубит. Уклонение от боя оказалось точнейшим ударом: убил его собственный пинок, а не чужое оружие.