शास्त्रदृष्ट्या तूपदेशो वामदेववत्
śāstradṛṣṭyā tūpadeśo vāmadevavat
Наставление же [Индры о себе] — взором писания, как у Вамадевы.
नन्व् एवं चेद् वक्तुर् आत्मोपदेशः कथं सङ्गच्छते ? तत्राह—
शास्त्र-दृष्ट्या तूपदेशो वाम-देववत् ॥
तु-शब्दः सन्देह-हानौ । विज्ञात-जीव-भावेनापीन्द्रेण माम् एव विजानीहि माम् उपास्स्व इत्य् उपास्य-ब्रह्म-रूपतया योऽयं स्वोपदेशः कृतः स शास्त्र-दृष्ट्यैव सम्भवति नेतरथा । शास्त्रं खलु यद् वृत्तिर् यद्-आयत्ता तं ताद्रूप्येण उपदिशति । न वै वाचो न चक्षूंषि न श्रोत्राणि न मनांसीत्य् आचक्षते प्राण इत्य् एवाचक्षते प्राणो हे एवैतानि सर्वाणि भवति इति छान्दोग्य-श्रुतिः । प्राणायत्त-वृत्तिकत्वाद् इन्द्रियाणि प्राण-रूपतया निर्दिशति । तथा चैवं विदुषो वक्तुः स्व-प्रज्ञां स्व-विनेये सञ्चिचारयिषोर् माम् एव विजानीहीत्य् आद्य्-उपदेशो यथा स्वं ब्रह्मायत्त-वृत्तिकम् असौ न विद्याद् इति ।
दृष्टान्तम् आह—वामेति । यथा बृहद्-आरण्यके—तद् धैतत् पश्यन्न् ऋषिर् वाम-देवः प्रतिपेदेऽहं मनुर् अभवं सूर्यश् च [बृ.आ.उ. 1.4.10] इति । स्व-वृत्ति-हेतुं ब्रह्म निर्दिश्य तद्-एकार्थेन मन्व्-आदीन् वाम-देवो व्यपदिशति तथेन्द्रोऽपि स्वम् इति । स्मृतिश् च तद् व्याप्यस्य ताद्रूप्यम् अभिधत्ते—
योऽयं तवागतो देव-समीपं देवता-गणः ।
स त्वम् एव जगत्-स्रष्टा यतः सर्व-गतो भवान् ॥ [वि.पु. 1.9.69] इति ।
सर्वं समाप्नोषि ततोऽसि सर्व [गीता 11.40] इति च । लोकेऽपि स्थानम् अत्यैक्याद् ऐक्यं वदन्ति । गावः सायम् एकतां यान्तीति । विवदमाना नृपास् तां यातार इति च ॥30॥
nanv evaṁ ced vaktur ātmopadeśaḥ kathaṁ saṅgacchate ? tatrāha—
śāstra-dṛṣṭyā tūpadeśo vāma-devavat ||
tu-śabdaḥ sandeha-hānau | vijñāta-jīva-bhāvenāpīndreṇa mām eva vijānīhi mām upāssva ity upāsya-brahma-rūpatayā yo'yaṁ svopadeśaḥ kṛtaḥ sa śāstra-dṛṣṭyaiva sambhavati netarathā | śāstraṁ khalu yad vṛttir yad-āyattā taṁ tādrūpyeṇa upadiśati | na vai vāco na cakṣūṁṣi na śrotrāṇi na manāṁsīty ācakṣate prāṇa ity evācakṣate prāṇo he evaitāni sarvāṇi bhavati iti chāndogya-śrutiḥ | prāṇāyatta-vṛttikatvād indriyāṇi prāṇa-rūpatayā nirdiśati | tathā caivaṁ viduṣo vaktuḥ sva-prajñāṁ sva-vineye sañcicārayiṣor mām eva vijānīhīty ādy-upadeśo yathā svaṁ brahmāyatta-vṛttikam asau na vidyād iti |
dṛṣṭāntam āha—vāmeti | yathā bṛhad-āraṇyake—tad dhaitat paśyann ṛṣir vāma-devaḥ pratipede'haṁ manur abhavaṁ sūryaś ca [bṛ.ā.u. 1.4.10] iti | sva-vṛtti-hetuṁ brahma nirdiśya tad-ekārthena manv-ādīn vāma-devo vyapadiśati tathendro'pi svam iti | smṛtiś ca tad vyāpyasya tādrūpyam abhidhatte—
yo'yaṁ tavāgato deva-samīpaṁ devatā-gaṇaḥ |
sa tvam eva jagat-sraṣṭā yataḥ sarva-gato bhavān || [vi.pu. 1.9.69] iti |
sarvaṁ samāpnoṣi tato'si sarva [gītā 11.40] iti ca | loke'pi sthānam atyaikyād aikyaṁ vadanti | gāvaḥ sāyam ekatāṁ yāntīti | vivadamānā nṛpās tāṁ yātāra iti ca ||30||
4191136bbf5c · publicado 27 jul 2026, 3:55:00 UTC
Disponible enRUPasa de verso en verso con
Но если так — как согласуется наставление говорящего о себе? На это [сутракара] говорит:
«Взором же писания наставление — как у Вамадевы».
Слово «же» — в устранение сомнения. Наставление о себе — «меня именно знай, меня почитай» — сделанное Индрой, даже знающим свою дживовость, как [имеющим] образ почитаемого Брахмана, возможно лишь взором писания, не иначе. Писание ведь наставляет о том, чьей [силой] вещь действует и от кого зависит, — под тем образом: «не речи, не глаза́, не уши, не умы, — так их называют, — „праной“ только называют: прана ведь всё это» — шрути Чхандогьи [5.1.15]: чувства, чьи действия зависимы от праны, она указывает под образом праны. И так у знающего говорящего, желающего переправить свою мудрость в ученика, наставление «меня именно знай» [понимается] так, чтобы тот не мнил себя [и всё] действующим независимо от Брахмана. Приводит пример: «[как] Вамадева»: как в Брихадараньяке — «видя это, риши Вамадева постиг: „я был Ману и солнцем“» [1.4.10]: указав Брахмана — причину своих действий, Вамадева обозначает Ману и прочих [словом], единопредметным с Ним; так и Индра — себя. И смрити изрекает тождество образа у объятого Им: «тот сонм божеств, что пришёл к тебе, о бог, — это ты сам, творец мира, ибо ты вездесущ» [Вишну-пурана 1.9.69]; и «ты всё объемлешь — потому ты — всё» [Гита 11.40]. И в миру от единства места и прочего говорят о единстве: «коровы к вечеру сходятся воедино», «и спорящие цари придут к тому же».