द्यु-भ्व्-आद्य्-आयतनं स्व-शब्दात्
dyu-bhv-ādy-āyatanaṁ sva-śabdāt
Обитель неба, земли и прочего — Брахман: по собственному [Его] слову — «мост бессмертия».
विश्वं बिभर्ति निःस्वं यः कारुण्येन देवराट् ।
ममासौ परमानन्दो गोविन्दस् तनुतां रतिम् ॥*॥
अथ तृतीये पादे विस्पष्ट-जीवादि-लिङ्गकानां केषांचिद् वाक्यानां तस्मिन् ब्रह्मणि समन्वयश् चिन्त्यते । मण्डूके श्रूयते—
यस्मिन् द्यौः पृथिवी चान्तरिक्षम्
ओतं मनः सह प्राणैश् च सर्वैः ।
तम् एवैकं जानथ आत्मानम् अन्या
वाचो विमुञ्चथामृतस्यैष सेतुः ॥ [म.उ. 2.2.5] इति ।
तत्र संशयः । किम् इह द्यु-भ्व्-आद्य्-आयतनं प्रधानं, किं वा जीव उत ब्रह्मेति । तत्र प्रधानम् इति तावत् प्राप्तम् । सर्व-विकार-कारणत्वेन तद्-आयतनत्वोपपत्तेः । अमृत-सेतुश् च तद् एव वत्स-विवृद्धये क्षीरम् इव पुं-विमुक्तये प्रधानं प्रवर्तते इत्य् अङ्गीकारात् । आत्म-शब्दस् तु प्रीति-पदे तस्मिन्न् उपचरितः विभुत्व-योगाद् वा । जीवो वा स्यात् भोक्तृत्वेन भोग्य-प्रपञ्चायतनत्व-योगात् मनः-प्राणत्वादेस् तत्र प्रसिद्धेश् चेति प्राप्तौ पठति—
द्यु-भ्व्-आद्य्-आयतनं स्व-शब्दात् ।
ब्रह्मैव किल तद्-आयतनम् । कुतः ? स्व-शब्दात् । अमृतस्यैव सेतुर् इति तद्-असाधारण-शब्द-सत्त्वाद् इत्य् अर्थः । सिनोतेर् वर्धनार्थत्वात् सेतुर् अमृतस्य प्रापकः । सेतुर् इव सेतुर् इति वा । स यथा नद्यादिषु कूलस्योपलम्भकस् तथायं संसार-पारभूतस्य मोक्षस्येति तस्यैवायं शब्दः । श्रुतिश् चैवम् आह—तम् एव विदित्वातिमृत्युम् एति इत्य् आद्या ॥1॥
viśvaṁ bibharti niḥsvaṁ yaḥ kāruṇyena devarāṭ |
mamāsau paramānando govindas tanutāṁ ratim ||*||
atha tṛtīye pāde vispaṣṭa-jīvādi-liṅgakānāṁ keṣāṁcid vākyānāṁ tasmin brahmaṇi samanvayaś cintyate | maṇḍūke śrūyate—
yasmin dyauḥ pṛthivī cāntarikṣam
otaṁ manaḥ saha prāṇaiś ca sarvaiḥ |
tam evaikaṁ jānatha ātmānam anyā
vāco vimuñcathāmṛtasyaiṣa setuḥ || [ma.u. 2.2.5] iti |
tatra saṁśayaḥ | kim iha dyu-bhv-ādy-āyatanaṁ pradhānaṁ, kiṁ vā jīva uta brahmeti | tatra pradhānam iti tāvat prāptam | sarva-vikāra-kāraṇatvena tad-āyatanatvopapatteḥ | amṛta-setuś ca tad eva vatsa-vivṛddhaye kṣīram iva puṁ-vimuktaye pradhānaṁ pravartate ity aṅgīkārāt | ātma-śabdas tu prīti-pade tasminn upacaritaḥ vibhutva-yogād vā | jīvo vā syāt bhoktṛtvena bhogya-prapañcāyatanatva-yogāt manaḥ-prāṇatvādes tatra prasiddheś ceti prāptau paṭhati—
dyu-bhv-ādy-āyatanaṁ sva-śabdāt |
brahmaiva kila tad-āyatanam | kutaḥ ? sva-śabdāt | amṛtasyaiva setur iti tad-asādhāraṇa-śabda-sattvād ity arthaḥ | sinoter vardhanārthatvāt setur amṛtasya prāpakaḥ | setur iva setur iti vā | sa yathā nadyādiṣu kūlasyopalambhakas tathāyaṁ saṁsāra-pārabhūtasya mokṣasyeti tasyaivāyaṁ śabdaḥ | śrutiś caivam āha—tam eva viditvātimṛtyum eti ity ādyā ||1||
9c3d9fe93b1d · publicado 27 jul 2026, 4:14:43 UTC
Disponible enRUPasa de verso en verso con
«Кто из сострадания несёт нищую вселенную — Царь богов, Высшее Блаженство, — тот Говинда да взрастит во мне любовь!»
Теперь, в третьей паде, обдумывается саманвая в том же Брахмане некоторых речений с ясными признаками дживы и прочего. В Мундаке слышится: «В ком вотканы небо, земля и поднебесье, и ум со всеми пранами, — Его одного знайте, Атмана; иные речи отбросьте: он — мост бессмертия» [2.2.5]. Здесь сомнение: обитель неба, земли и прочего — прадхана, джива или Брахман? Пока получено: прадхана — как причина всех видоизменений она годится в обитель; и «мост бессмертия» — она же: как молоко течёт для роста телёнка, [так,] по их признанию, прадхана действует ради освобождения пуруши; слово же «Атман» перенесено на неё как на предмет отрады или по всепроникновению. Или пусть джива: вкуситель связан с обительностью вкушаемого мира, и ум с праной известны при нём. При таком полученном читает:
«Обитель неба, земли и прочего — по собственному [Его] слову».
Та обитель — именно Брахман. Почему? По собственному слову: «мост именно бессмертия» — есть слово, присущее лишь Ему. [Корень] «си» — в значении взращивания: сету — приводящий к бессмертию; или «сету» — как мост: как тот на реках даёт достичь берега, так этот — мокши, берега сансары; это слово — Его одного. И шрути так говорит: «лишь узнав Его, минуют смерть» — эта и подобные.