Vasu
कुरुक्षेत्रस्य देवेशि सत्यं सत्यं मयोदितम् ॥ कुरुक्षेत्रसमं तीर्थं न भूतं न भविष्यति
तत्र द्वादश यात्रास्तु कृत्वा भूयो न जन्मभाक् ॥ पूर्तमिष्टं तपस्तप्तं हुतं दत्तं विधानतः
तत्र स्यादक्षयं सर्वमिति वेदविदो विदुः ॥ मन्वादौ च युगादौ च ग्रहणे चंद्रसूर्ययोः
महापाते च संक्रांतौ पुण्ये चाप्यन्यवासरे ॥ स्नातस्तत्र कुरुक्षेत्रे फलानंत्यमवाप्नुयात्
कलिजानां तु पापानां पावनाय महात्मनाम् ॥ ब्रह्मणा कल्पितं तीर्थं कुरुक्षेत्रं सुखावहम्
य इमां कीर्तयेत्पुण्यां कथां पापप्रणाशिनीम् ॥ श्रृणुयाद्वा नरो भक्त्या सोऽपि पापैः प्रमुच्यते
यद्यद्ददाति यस्तत्र कुरुक्षेत्रे रविग्रहे ॥ तत्तदेव सदाप्नोति नरो जन्मनि जन्मनि
अथ किं बहुनोक्तेन विधिजे श्रृणु निश्चितम् ॥ सेवेतैव कुरुक्षेत्रं यदीच्छेद्भवमोक्षणम्
एतदेव महत्पुण्यमेतदेव महत्तपः ॥ एतदेव महज्ज्ञानं यद्व्रजेत्स्थाणुतीर्थकम्
कुरुक्षेत्रसमं तीर्थं नान्यद्भुवि शुभावहम् ॥ साचारो वाप्यनाचारो यत्र मुक्तिमवाप्नुयात्
एतत्ते सर्वमाख्यातं यत्पृष्टोऽहं त्वयानघे ॥ कुरुक्षेत्रस्य माहात्म्यं सर्वपापनिकृंतनम्
पुण्यदं मोक्षदं चैव किमन्यच्छ्रोतुमिच्छसि
kurukṣetrasya deveśi satyaṃ satyaṃ mayoditam || kurukṣetrasamaṃ tīrthaṃ na bhūtaṃ na bhaviṣyati
tatra dvādaśa yātrāstu kṛtvā bhūyo na janmabhāk || pūrtamiṣṭaṃ tapastaptaṃ hutaṃ dattaṃ vidhānataḥ
tatra syādakṣayaṃ sarvamiti vedavido viduḥ || manvādau ca yugādau ca grahaṇe caṃdrasūryayoḥ
mahāpāte ca saṃkrāṃtau puṇye cāpyanyavāsare || snātastatra kurukṣetre phalānaṃtyamavāpnuyāt
kalijānāṃ tu pāpānāṃ pāvanāya mahātmanām || brahmaṇā kalpitaṃ tīrthaṃ kurukṣetraṃ sukhāvaham
ya imāṃ kīrtayetpuṇyāṃ kathāṃ pāpapraṇāśinīm || śrṛṇuyādvā naro bhaktyā so'pi pāpaiḥ pramucyate
yadyaddadāti yastatra kurukṣetre ravigrahe || tattadeva sadāpnoti naro janmani janmani
atha kiṃ bahunoktena vidhije śrṛṇu niścitam || sevetaiva kurukṣetraṃ yadīcchedbhavamokṣaṇam
etadeva mahatpuṇyametadeva mahattapaḥ || etadeva mahajjñānaṃ yadvrajetsthāṇutīrthakam
kurukṣetrasamaṃ tīrthaṃ nānyadbhuvi śubhāvaham || sācāro vāpyanācāro yatra muktimavāpnuyāt
etatte sarvamākhyātaṃ yatpṛṣṭo'haṃ tvayānaghe || kurukṣetrasya māhātmyaṃ sarvapāpanikṛṃtanam
puṇyadaṃ mokṣadaṃ caiva kimanyacchrotumicchasi
Истинно, истинно сказано мною о Курукшетре, о владычица богов: равной Курукшетре тиртхи не было и не будет. Совершив там двенадцать паломничеств, не бывает человек более причастен рождению. Благое дело, жертва, совершённый подвиг, возлитое и данное по уставу — всё там да будет нетленным, так знают знатоки Веды. В начало манвантары и в начало юги, при затмении месяца и солнца, в махапату, в санкранти, в святой и в иной день, — омывшийся там, в Курукшетре, да обретёт бесконечность плода. Ради очищения грехов, рождённых в Кали, у великих духом устроена Брахмою тиртха Курукшетра, приносящая счастье. Кто возглашает это святое сказание, уничтожающее грехи, или слушал бы его с преданностью, — и он освобождается от грехов. Что бы ни давал человек там, в Курукшетре, при затмении солнца, то самое всегда обретает он в рождении за рождением. Теперь — что многословием, о рождённая Творцом? Слушай решённое: да служит человек Курукшетре, если желает избавления от бытия. Это и есть великая заслуга, это и есть великий подвиг, это и есть великое знание — что идёт он к Стхану-тиртхе. Нет иной тиртхи на земле, равной Курукшетре, приносящей благо, где и соблюдающий обычай, и не соблюдающий обретает освобождение. Это всё поведано тебе, о безгрешная, о чём ты спросила, — величие Курукшетры, рассекающее все грехи, дающее заслугу и освобождение. Что иное желаешь слышать?»
iti śrībṛhannāradīyapurāṇe bṛhadupākhyāne uttarabhāge vasumohinīsaṃvāde kurukṣetramāhātmye tīrthayātrāvarṇanaṃ nāma pañcaṣaṣṭitamo 'dhyāyaḥ
1b2a58e779e6 · प्रकाशित 6 सित॰ 2026, 5:59:03 pm UTC
उपलब्ध भाषाएँRUश्लोक बदलें इन कुंजियों से
Последняя строка снимает всю разметку главы: «и соблюдающий обычай, и не соблюдающий». После сотни правил сказано, что место действует и мимо них.
Поле названо устроенным ради грехов, рождённых в Кали. Святыня объяснена не древностью, а нуждой нынешнего века.
Данное здесь возвращается «в рождении за рождением». Дар не тратится, а становится свойством того, кто дал, — самое практичное из обещаний этой главы.