आमोदसान्तानिकादिलोकैर्बहुभिरावृतम् । नानामणिमयं दिव्यं विमानकोटिभिर्युतम्
यदुक्तं परमं धाम तादृग्लक्षणसंस्थितम् । नानामणिमयं दिव्यं विमानकोटिभिर्युतम्
मध्ये वेदवतीनाम पुरं रम्यमनुत्तमम् । चतुर्द्वारसमायुक्तं हेमप्राकारतोरणम्
चण्डादिद्वारपालाद्यैः कुमुदाद्यैश्च रक्षितम् । नानामणिमयैर्दिव्यैर्गृहपङ्क्तिभिरावृतम्
विततं पञ्चपञ्चाशद्योजनैश्च समन्ततः । सहस्रयोजनोत्तुङ्गैः प्रासादैः कोटिभिर्वृतम्
आरूढयौवनैर्दिव्यैः पुम्भिः स्त्रीभिश्च शोभितम् । स्त्रियश्च पुरुषाश्चास्मिन्सर्वलक्षणशोभिताः
समरूपाश्च श्रीविष्णोः सर्वालङ्कारभूषिताः । दिव्यस्रग्वस्त्रसञ्छन्ना दिव्यचन्दनभूषिताः
मोदन्ते तत्र देवेशभक्त्या त्वात्ममनोरमे । मन्त्राष्टाक्षरसंसिद्धा भक्त्या षोडशरूपया
वृतास्तत्पदमाविश्य मोदन्ते मनसीप्सितम् । गत्वास्मिन्न निवर्तन्ते विष्णुना सह संस्थिताः
अविच्छिन्नात्मना ते वै विष्णुना सङ्गताः शुभाः । तत्समानसुखं नित्यं प्राप्नुवन्ति मनीषिणः
यत्र तत्र हरेर्लोकानाविश्य शुभचेतसः । नाप्नुवन्ति पुनः स्वर्गं स्वर्गस्था इव जन्तवः
यथा सौमित्रिभरतौ यथा सङ्कर्षणादयः । तथा तेऽपि च जायन्ते सत्यलोके यथेच्छया
पुनस्तेनैव यास्यन्ति तत्पदं शाश्वतं परम् । न कर्मबन्धनं जन्म वैष्णवानां च विद्यते
विष्णोरनुचरत्वं हि मोक्षमाहुर्मनीषिणः । न दास्यमपरेशस्य बन्धनं परिकीर्तितम्
सर्वबन्धननिर्मुक्ता हरिदासा निरामयाः । आब्रह्मभुवनाल्लोकाः पुनरावृत्तिलक्षणाः
āmodasāntānikādilokairbahubhirāvṛtam | nānāmaṇimayaṃ divyaṃ vimānakoṭibhiryutam
yaduktaṃ paramaṃ dhāma tādṛglakṣaṇasaṃsthitam | nānāmaṇimayaṃ divyaṃ vimānakoṭibhiryutam
madhye vedavatīnāma puraṃ ramyamanuttamam | caturdvārasamāyuktaṃ hemaprākāratoraṇam
caṇḍādidvārapālādyaiḥ kumudādyaiśca rakṣitam | nānāmaṇimayairdivyairgṛhapaṅktibhirāvṛtam
vitataṃ pañcapañcāśadyojanaiśca samantataḥ | sahasrayojanottuṅgaiḥ prāsādaiḥ koṭibhirvṛtam
ārūḍhayauvanairdivyaiḥ pumbhiḥ strībhiśca śobhitam | striyaśca puruṣāścāsminsarvalakṣaṇaśobhitāḥ
samarūpāśca śrīviṣṇoḥ sarvālaṅkārabhūṣitāḥ | divyasragvastrasañchannā divyacandanabhūṣitāḥ
modante tatra deveśabhaktyā tvātmamanorame | mantrāṣṭākṣarasaṃsiddhā bhaktyā ṣoḍaśarūpayā
vṛtāstatpadamāviśya modante manasīpsitam | gatvāsminna nivartante viṣṇunā saha saṃsthitāḥ
avicchinnātmanā te vai viṣṇunā saṅgatāḥ śubhāḥ | tatsamānasukhaṃ nityaṃ prāpnuvanti manīṣiṇaḥ
yatra tatra harerlokānāviśya śubhacetasaḥ | nāpnuvanti punaḥ svargaṃ svargasthā iva jantavaḥ
yathā saumitribharatau yathā saṅkarṣaṇādayaḥ | tathā te'pi ca jāyante satyaloke yathecchayā
punastenaiva yāsyanti tatpadaṃ śāśvataṃ param | na karmabandhanaṃ janma vaiṣṇavānāṃ ca vidyate
viṣṇoranucaratvaṃ hi mokṣamāhurmanīṣiṇaḥ | na dāsyamapareśasya bandhanaṃ parikīrtitam
sarvabandhananirmuktā haridāsā nirāmayāḥ | ābrahmabhuvanāllokāḥ punarāvṛttilakṣaṇāḥ
Окружён он многими мирами — Амода, Сантаника и прочими; из разных самоцветов, дивный, наполненный миллионами дворцов. Что сказано о высшей обители, то и здесь: с такими же признаками, из разных самоцветов, дивный, наполненный миллионами дворцов. Посреди — прекрасный, непревзойдённый город по имени Ведавати: с четырьмя вратами, с золотыми оградами и арками, хранимый привратниками во главе с Чандою и Кумудою, окружённый дивными рядами домов из разных самоцветов. Простёрт он на пятьдесят пять йоджан со всех сторон и окружён миллионами чертогов высотою в тысячу йоджан. Украшен он дивными мужами и жёнами, достигшими юности; и жёны и мужи в нём украшены всеми добрыми знаками, обликом подобны Шри Вишну, украшены всеми уборами, облечены в дивные венки и одежды и умащены дивным сандалом. Там, в пленяющей душу обители, они радуются преданностью владыке богов: достигшие совершенства восьмислоговой мантрой и окружённые шестнадцатичастной преданностью, войдя в ту обитель, они наслаждаются желаемым сердцем. Уйдя в неё, не возвращаются и пребывают вместе с Вишну. Соединённые с Ним неразрывным существом, благие, мудрые обретают вечное счастье, равное Его счастью. В те или иные миры Хари войдя, они с благим сердцем не обретают вновь неба, как существа, пребывающие на небе. Как сын Сумитры и Бхарата, как Санкаршана и прочие, так и они рождаются в Сатьялоке по своей воле; и вновь тем же путём уйдут в ту непреходящую высшую обитель. Нет у вайшнавов ни уз деяния, ни рождения: спутничество Вишну и называют освобождением. А служение иному владыке названо узами.
1ebdc01adb06 · प्रकाशित 3 सित॰ 2026, 4:14:06 am UTC
उपलब्ध भाषाएँRUश्लोक बदलें इन कुंजियों से
Различие проведено по одному признаку: служение Ему — свобода, служение иному — узы. Рождение вайшнавов в мирах не отменяет этого, ибо оно по своей воле.