दुग्धाब्धिफेनसङ्काशशुभवस्त्रेण वेष्टिता । मन्दारकेतकीजातीपुष्पाञ्चितशिरोरुहा
कस्तूरीतिलकोपेता रत्नसीमन्तशोभिता । नानावर्णसुशोभाढ्यकर्णभूषणभूषिता
प्रवालसदृशज्योत्स्ना रक्ताधरशुचिस्मिता । मत्तभृङ्गोपमैः स्निग्धैरलकैः सुविराजिता
तनुमध्या विशालाक्षी पीनोन्नतपयोधरा । चतुर्हस्तैर्विराजन्ती सर्वाभरणभूषिता
ऊर्ध्वबाहुभ्यां धारयन्ती हेमपद्मयुगं शुभम् । इतराभ्यां समाश्लिष्य भर्तारं निबिडं स्थिता
आलोकयन्ती सततं त्रिदशांश्च कटाक्षकैः । निरीक्षितास्तया देव्या धन्यास्ते सततं शिवे
तत्र देवा विमानस्थाः सिद्धचारणकिन्नराः । गायन्ति सततं देवीमानन्दाश्रुपरिप्लुताः
दैतेयैर्बाध्यमानैस्तु ब्रह्मरुद्रादिभिः सुरैः । संस्तूयमानस्तत्रेशो देवानामभयं ददौ
देवानामभयं दत्त्वा सर्वदेवेश्वरो हरिः । राक्षसान्हन्तुमारेभे जगत्संरक्षणाय वै
एवं चतुर्थं व्यूहं तु हरेः प्रोक्तं तवानघे । किमन्यच्छ्रोतुकामासि तद्ब्रवीमि वरानने
dugdhābdhiphenasaṅkāśaśubhavastreṇa veṣṭitā | mandāraketakījātīpuṣpāñcitaśiroruhā
kastūrītilakopetā ratnasīmantaśobhitā | nānāvarṇasuśobhāḍhyakarṇabhūṣaṇabhūṣitā
pravālasadṛśajyotsnā raktādharaśucismitā | mattabhṛṅgopamaiḥ snigdhairalakaiḥ suvirājitā
tanumadhyā viśālākṣī pīnonnatapayodharā | caturhastairvirājantī sarvābharaṇabhūṣitā
ūrdhvabāhubhyāṃ dhārayantī hemapadmayugaṃ śubham | itarābhyāṃ samāśliṣya bhartāraṃ nibiḍaṃ sthitā
ālokayantī satataṃ tridaśāṃśca kaṭākṣakaiḥ | nirīkṣitāstayā devyā dhanyāste satataṃ śive
tatra devā vimānasthāḥ siddhacāraṇakinnarāḥ | gāyanti satataṃ devīmānandāśrupariplutāḥ
daiteyairbādhyamānaistu brahmarudrādibhiḥ suraiḥ | saṃstūyamānastatreśo devānāmabhayaṃ dadau
devānāmabhayaṃ dattvā sarvadeveśvaro hariḥ | rākṣasānhantumārebhe jagatsaṃrakṣaṇāya vai
evaṃ caturthaṃ vyūhaṃ tu hareḥ proktaṃ tavānaghe | kimanyacchrotukāmāsi tadbravīmi varānane
Двумя поднятыми руками держащая благую чету золотых лотосов, а другими двумя крепко обнявшая супруга, пребывает она; и постоянно взирает на богов взорами искоса. Благословенны те, на кого взглянула та богиня, о Благая. Там боги на колесницах, сиддхи, чараны и киннары, омытые слезами блаженства, постоянно воспевают богиню. И когда боги во главе с Брахмою и Рудрою, теснимые дайтьями, восхваляли там Владыку, Он дал богам безопасность. Дав богам безопасность, владыка всех богов Хари принялся сражать ракшасов ради охранения мира. Так изложена тебе, о безгрешная, четвёртая вьюха Хари; что иное желаешь ты слушать? То и скажу, о прекрасноликая.
dbe31f1dca03 · प्रकाशित 3 सित॰ 2026, 4:14:06 am UTC
उपलब्ध भाषाएँRUश्लोक बदलें इन कुंजियों से
Богиня держит лотосы и обнимает супруга, а взгляд её обращён к богам, — и одного её взгляда довольно, чтобы назвать их благословенными. Заступничество здесь начинается прежде, чем прозвучит просьба.